الكويت قاعدة تضيع ..... الديرة ضاعت وينج يا حكومة ؟؟؟

الموضوع في 'السوق الكويتي للأوراق الماليه' بواسطة دولاركو3, بتاريخ ‏26 أكتوبر 2008.

  1. دولاركو3

    دولاركو3 موقوف

    التسجيل:
    ‏2 يوليو 2008
    المشاركات:
    322
    عدد الإعجابات:
    0
    قسما بالله الي قاعد اشوفه شي تدمع له العين


    الي شفته اليوم بالبورصة عمري ما شفته من قبل ولا اعتقد باني راح اشوفه مرة ثانية

    خل اقولكم شنو شفت اليوم وانتوا حكموا هل يعقل ان يحصل هذا بالكويت ؟



    - بالبداية كنت بالسيارة ولما وصلت عند البورصة ( عند الاشاره ) بجانب لوحة التداول الخارجية شفت مجموعة كبيرة من الناس واقفة برة ومتجمهرين وشفت رجل شايب عمرة اعتقد ما يقارب ال 70 سنة واقف بوسط الشارع امام السيارات ويبي ينتحر وباين على وجهه الحزن الشديد وبعدها خذوه رجال الشرطة ومسكوه ووخرو عن الشارع .


    - دشيت البورصة ولا الوضع اردى من الخارج فالوجوه مكشره والكل متضايق وموراضي يتحمل كلمة وحده المهم شفت واحد ايضا كبير بالعمر ماسك البروكر وقاعد يطقه طق سنة بساعة والناس قاعد تفاكك بينهم . وشفت واحد قاعد يصرخ ويقول راح حلالنا بصوت عالي بعدها رجال الشرطة طلعوه من الصاله وسمعت عن واحد اخر فصخ هدومه وقاعد يتمشى بمكسر وفانيلة بالبورصة
    ويقولون صارت حالات اغماء وناس شالوهم بالاسعاف
    والوضع عند الصاله النسائة اردى فحسب ما سمعت بان البكاء والعويل قد عم بالصاله النسائية والي قامت تلطم والي قامت تصرخ والي قامت تتحلطم على الحكومة ووضع الديره .



    يا جماعه منو كان يصدق ان هذا يحصل عندنا بالكويت ؟؟


    اذا ما تدخلت الحكومة ولقت حل عاجل لتلك المصيبة فراح تكون العواقب اكبر من جذي
    ترى الشعب ان فلس محد يقدر يسيطر عليه وتنفلت الامور الي حد لا احد يحمد عقباه

    الله يستر على ديرتنا

    ويا حكومة ثبتيلنا لو مرة وحده ان انتي قوية وحلى هلمشكلة الي صارت مثل كرة الثلج .
     
  2. ابووحمد

    ابووحمد عضو جديد

    التسجيل:
    ‏5 ديسمبر 2006
    المشاركات:
    80
    عدد الإعجابات:
    0
    اذا فى احد بيترحك فى الديره هذى فهى الحكومة عودتنا انها اخر مايتحرك فى الديره
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,659
    عدد الإعجابات:
    25
    مكان الإقامة:
    DaMBy
    لا حول ولا قوة الا بالله
     
  4. hp 2008

    hp 2008 عضو جديد

    التسجيل:
    ‏7 أكتوبر 2008
    المشاركات:
    54
    عدد الإعجابات:
    0
    انا لله وانا اليه راجعون
     
  5. holding

    holding موقوف

    التسجيل:
    ‏23 مايو 2007
    المشاركات:
    581
    عدد الإعجابات:
    0
    الحكومه عمك أصمخ كل واحد مالي كرشه من فلوس الشعب وساد حلجه سكتك بكتم .
     
  6. بو سليمان

    بو سليمان عضو مميز

    التسجيل:
    ‏1 يوليو 2005
    المشاركات:
    8,810
    عدد الإعجابات:
    97
    مكان الإقامة:
    الكويت /عريفجان
    الديره ما ضاعت الحمدالله علي كل شي امن امان اليوم الشباب واقفين بوابة قصر السيف و لا احد كلمهم
    تبي الصج ان يديم النعمة الكويت بلد خير
    الحمدالله الشباب اليوم قاعدين عند البوابه سوالف مع الامن و لم تستدعي قوات الشغب و لا غيرها
    بعض الدول قصر الحكم بينك و بين بوابة منطقتين وحدة خضراء و حمراء

    الله يعزك يا الكويت
     
  7. dark-77

    dark-77 عضو نشط

    التسجيل:
    ‏16 مايو 2006
    المشاركات:
    170
    عدد الإعجابات:
    0
    مكان الإقامة:
    kuwait
    سينقلب السحر على الساحر قريبا ياحكومة
     
  8. The Phenomenon

    The Phenomenon عضو جديد

    التسجيل:
    ‏15 سبتمبر 2008
    المشاركات:
    325
    عدد الإعجابات:
    0
    لاحول ولا قوة الا بالله

    حسبنا الله هو ونعم الوكيل
     
  9. دولاركو3

    دولاركو3 موقوف

    التسجيل:
    ‏2 يوليو 2008
    المشاركات:
    322
    عدد الإعجابات:
    0
    اليوم تلقاهم قاعدين عند بوابه قصر السيف باجر ان ساءت الامور اكثر ماراح يظلون على هلوضع لا تستغرب ان شفتهم ولا ماني قايل اعتقد فهمت
    المال عديل الروح
     
  10. AutoCad

    AutoCad عضو نشط

    التسجيل:
    ‏31 ديسمبر 2006
    المشاركات:
    625
    عدد الإعجابات:
    1
    راح تتدخل الحكومة فقط لما يتأثر الهوامير

    مثل أزمة المناخ وشراء مديونيات أصحاب الكروش


    لك الله يا مواطن
     
  11. دواس

    دواس عضو نشط

    التسجيل:
    ‏14 سبتمبر 2007
    المشاركات:
    602
    عدد الإعجابات:
    3
    مكان الإقامة:
    دول مجلس التعاون الخليجي
    الله المستعان

    خبر جديد علي العربيه انه تم تشكيل لجنه من مجلس الوزراء لبحث ازمه سوق الاوراق الماليه .

    والاشاعه اللي طلعت بعد تشكيل اللجنه انه سيتم تشكيل لجنه منبثقه عنها لمعالجه تللك الاوضاع .

    واللجنه المنبثقه سوف تشكل لحنه فرعيه لدراسه الوضع .

    واللجنه الفرعيه تطلب فتره سته اشهر لتقديم تصوراتها للوضع الخاص بسوق الاوراق الماليه .

    الكويت وسرعه اتخاذ القرار​
     
  12. holding

    holding موقوف

    التسجيل:
    ‏23 مايو 2007
    المشاركات:
    581
    عدد الإعجابات:
    0
    أذا قالوا بسرعه يعني بعد سنه.
     
  13. Math-Man

    Math-Man موقوف

    التسجيل:
    ‏14 ديسمبر 2005
    المشاركات:
    460
    عدد الإعجابات:
    0
    مكان الإقامة:
    Kuwait
    اقول محد طقهم على ايدهم وقالهم دشوا السوق ، هذا السوق ربح وخسارة ، واللي ما يتحمل الخسارة لا يدش ، ولا يبا لا ادش الحكومة شنو ياخذون من فلوسنا وقطونها بالسوق ، علشان عيون ناس بايعينها ، اشوف الدول الثانية خسرانا وسوقها ازفت من الكويت محد طلع مظاهرات . ساكتين وبالعين الخسارة لانه بيدهم دشوا محد طقهم على ايدهم وغصبهم ادشون السوق.

    ترى احنا ديرة دلع والله ، اللي دش السوق يتحمل الخسارة ويتقبلها مثل ما يتقبل الربح

    واللي يزعل خل يزعل ، ويا حكومة لا تفسفسين بحلالنا وحلال عيالنا عشان اللي حاسبين السوق وناسة وربح دايم.


    وعلى فكرة والله اني خسران فوق 90% من فلوسي وتحويشتي ، بس متحمل ، هذا السوق ، فا لا تسوون لنا افلام واحد يبي ينتحر والثاني يمشي بمكسر وفنيلة !! وين قاعدين ، اقول لا اضحكون العالم علينا ، والله يعوض على الجميع انشالله.
     
  14. بو سليمان

    بو سليمان عضو مميز

    التسجيل:
    ‏1 يوليو 2005
    المشاركات:
    8,810
    عدد الإعجابات:
    97
    مكان الإقامة:
    الكويت /عريفجان

    مع اني خسران ايدك
    بالامس وقفنا ضد تسديد القروض و اليوم البورصة
    الدولة مو بس مقترضين او خسرانين فيه البورصة
     
  15. The Phenomenon

    The Phenomenon عضو جديد

    التسجيل:
    ‏15 سبتمبر 2008
    المشاركات:
    325
    عدد الإعجابات:
    0
    هذا الكلام الصحيح
     
  16. دولاركو3

    دولاركو3 موقوف

    التسجيل:
    ‏2 يوليو 2008
    المشاركات:
    322
    عدد الإعجابات:
    0

    وليش انت ساكت وما تكلمت ولا فردت عضلاتك يوم الحكومة قطت 3 مليارات لدعم بنوك امريكة مفلسة ؟
    ووينك ما تكلمت يوم الحكومة دعمت دول وقفت ضدنا مثل اليمن وفلسطين والاردن وغيرها الكثير ؟

    ووينك عن المساعدات الي لا تعد ولا تحصي والي قيمتها مليارات لدول عربية وافريقية ومسلمة مثل مصر وغيرها ؟

    هل هذولي احق منا بفلوس ديرتنا ؟

    هل هلدول تتوقع ان صار شي بالكويت راح تدعمنا وتساندنا ؟



    ياخي ان الحكومة قطت هلمبالغ فتاكد انها بتكون لمصلحة الديرة ولدعم الاقتصاد الكويتي مو لعيوني وعيونك

    الحين كل دول العالم المتقدمة والي احسن منا بمليون مرة قطت اكثر من المبالغ الي حنا مفكرين نقطها على بورصتنا بعشرات بل مئات الاضعاف ليش محد تكلم وقالهم وقفوا لا تقطون ؟


    ياخي انت الظاهر فاهم السالفة غلط وعبالك ان الدوله ان قطت هلمبالغ فانها بتروح ولا راح ترد

    سبق وان الحكومة دشت وشرت بعام 1977 ووضعت حد ادني للاسعار وبعدها ارتفعت البورصة وباعت وحققت ارباح مهوله لها وضربت عصفورين بحجر الاول انها حققت ربح ممتاز والثاني انها منعت اقتصاد الديرة من الانهيار


    فيااخي فكر شوي بمخك قبل لا تتكلم
     
  17. bujwsq8

    bujwsq8 عضو جديد

    التسجيل:
    ‏26 يونيو 2005
    المشاركات:
    385
    عدد الإعجابات:
    0
    مكان الإقامة:
    kuwait
    الله يستر

    يا ناس والله المشكله كلها مو فلان او فلان
    هذي مشكله عالميه مو بس بالكويت شوفو العالم كله شنو صاير فيه وبعدين تعرفون شنهي المشكله ان اكبر بنك عالمي اعلن افلاسه بامريكا
    ان اكبر دوله اقتصاديه قاعده تنهار (( شنو الكويت بالنسبه لامريكا ))
    كل اسواق العالم قاعده تنهار يعني مو بس الكويت يعني مو تقولون ان المشكله بالكويت او احد بالكويت قاعد ينزله او يتعمد في نزوله
    بس اهم شي انا تمصخرنا بالبورصه ((هذا اهم شي))
    بس انشاء الله يتحسن الاقتصاد العالمي وهذا الاهم (( والله اعلم متى يتحسن وهذا الشي بارادة الله ))

    ترانا مو عايشين بالمريخ احنا بالكويت دوله صغيره ومرتبطه بارتباط كبير بالعالم وجزء من العالم واللي يصيب العالم يصيبنا

    وكل الدول العربيه والعالميه بورصاتها نازله حتى النفط اسعاره نازله والله يعلم وين راح يوصل بس اهم شي الصحه والعافيه انشاء الله

    واعتقادي حتى الدوله مرتبطه باستثماراتها بالعالم

    الواقع يقول ان اللي يصير هذا شي طبيعي لان الكويت دوله مرتبطه بالعالمه ونفتخر بهذا الشي
    بس الله يعوضنا على فلوسنا يا الله الصحه والعافيه انشاء الله
     
  18. adel1968

    adel1968 عضو نشط

    التسجيل:
    ‏27 أكتوبر 2006
    المشاركات:
    876
    عدد الإعجابات:
    97
    مكان الإقامة:
    الكويت
     
  19. anw-exchange

    anw-exchange عضو جديد

    التسجيل:
    ‏19 يونيو 2008
    المشاركات:
    935
    عدد الإعجابات:
    0
    مكان الإقامة:
    الكويت
    ان لله وان اليه راجعون اللهم اجرنا بمصيبتنا واخلف لنا خير منها
    ماضاقت الافرجت ربنا لك الحمد والشكر
     
  20. Math-Man

    Math-Man موقوف

    التسجيل:
    ‏14 ديسمبر 2005
    المشاركات:
    460
    عدد الإعجابات:
    0
    مكان الإقامة:
    Kuwait

    لا ياخوي اخالفك الراي ، مانبي الحكومة اتدخل في سوق خطر بفلوسنا ، استثمار يحمل الكثير من المخاطر، لازم يتحمل صاحب القرار مخاطره كما يتمتع بعوائده ،

    الأسهم مو سلعة ضرورية أو عامة، وما يجوز دعمها من المال العام، لإفادة من اتخذ قرارا استثماريا صحيحا أو خاطئا بغية تعظيم عوائده، تجارب عالمنا ليست فيها تجربة واحدة ناجحة لدعم أسعار الأسهم، ترى التدخل، إن صار ، يكون بأدوات السياسة الاقتصادية، مالية ونقدية، أو يكون انتقائيا مثل إنقاذ مصرف مهم أو شركة مؤثرة في مؤشرات أداء الاقتصاد العام، هذي دول العالم المتقدمة التي اتكلم عنها .

    الخطر لما تمتد أزمة أوراق المال إلى القطاع المصرفي، لان كل مدخرات الناس موظفة، وفي الكويت اعتقد القطاع المصرفي محصن ، وأقصى ما سيحدث هو هبوط في مستوى ربحيته يعوضها هبوط أسعار أسهمه عشان تبقى مؤشرات ربحيته.

    وابشرك الحكومة ابو الغلطانة بتدخلها لدعم بنوك امريكة مفلسة ، بس تدري ليش ، لان غصبن على خشومهم يدفعون مو بيدهم ، حكومة ردية ، ضغوط دولية اكبر منهم ، وانا معاك بهذي ، وهذي فلوسنا يلعبون فيها ، بس مو معناتها انعالج الغلط بالغلط ونخربها

    وخطأ ثاني من الحكومة يالحبيب ان هيئةالاستثمار ضخوا مليار ونص ، وينها ؟ سوت شي ؟ ابشرك تراها الحين صارت عبئ على السوق.

    انشالله وضحت الصورة بس