أتمنى أحد يشرحلي بالتفصيل شلون الأزمة سببها فلان أو علان؟

[Quarter]

كثرت مواضيع تتهم أفراد كأنهم هم سبب انهيار البورصة و كأن الكويت في كوكب غير الأرض و مستحيل تأتيها أزمة اقتصادية نفس جميع دول العالم بلا استثناء ... و على فكرة على هالنزول حالنا أحسن من غيرنا بكثيييييير!

الناس برة راحت فلوسها و قاعدة تروح وظايفها و قاعدة تنسحب بيوتها و يتشردون من غير أي دخل!

انزين نرجع للموضوع ... اللي يتهم الفلاح / باقر / العليم / الهيئة / الحكومة ... إلخ ... ممكن شرح بالخطوات اللي أدت للأزمة من هالشخص؟

 

[مجرد رأي]

كثرت مواضيع تتهم أفراد كأنهم هم سبب انهيار البورصة و كأن الكويت في كوكب غير الأرض و مستحيل تأتيها أزمة اقتصادية نفس جميع دول العالم بلا استثناء ... و على فكرة على هالنزول حالنا أحسن من غيرنا بكثيييييير!

الناس برة راحت فلوسها و قاعدة تروح وظايفها و قاعدة تنسحب بيوتها و يتشردون من غير أي دخل!

انزين نرجع للموضوع ... اللي يتهم الفلاح / باقر / العليم / الهيئة / الحكومة ... إلخ ... ممكن شرح بالخطوات اللي أدت للأزمة من هالشخص؟

ابحث ورى مشروع المصفاه الرابعة تعرف من سبب الازمة

 

[bujwsq8]

يا ناس والله المشكله كلها مو فلان او فلان
هذي مشكله عالميه مو بس بالكويت شوفو العالم كله شنو صاير فيه وبعدين تعرفون شنهي المشكله ان اكبر بنك عالمي اعلن افلاسه بامريكا
ان اكبر دوله اقتصاديه قاعده تنهار (( شنو الكويت بالنسبه لامريكا ))
كل اسواق العالم قاعده تنهار يعني مو بس الكويت يعني مو تقولون ان المشكله بالكويت او احد بالكويت قاعد ينزله او يتعمد في نزوله
بس اهم شي انا تمصخرنا بالبورصه ((هذا اهم شي))
بس انشاء الله يتحسن الاقتصاد العالمي وهذا الاهم (( والله اعلم متى يتحسن وهذا الشي بارادة الله ))

ترانا مو عايشين بالمريخ احنا بالكويت دوله صغيره ومرتبطه بارتباط كبير بالعالم وجزء من العالم واللي يصيب العالم يصيبنا

وكل الدول العربيه والعالميه بورصاتها نازله حتى النفط اسعاره نازله والله يعلم وين راح يوصل بس اهم شي الصحه والعافيه انشاء الله

واعتقادي حتى الدوله مرتبطه باستثماراتها بالعالم

الواقع يقول ان اللي يصير هذا شي طبيعي لان الكويت دوله مرتبطه بالعالمه ونفتخر بهذا الشي
بس الله يعوضنا على فلوسنا يا الله الصحه والعافيه انشاء الله