باقر لمدير البورصة: أوقف التداول.. والفلاح يرد أعطني قراراً رسمياً

[وليد السعيدي]

قولوا الله يستر !!!

 

[qatel4]

باقر وزير والفلاح مدير شنو هالمدير اللي وزيره يامره ويماطل و مايرد عليه
يعني ورى المدير واحد اقوي من الوزير
والله ضعنا من هالناس الطاغيه
يارب تمحيهم محي واتورينا فيهم



اللهم امين

أنا ضد الفلاح بس بهذي معاه حق
بالقانون الاداري يجب تطبيق بقرار مكتوب وليس شفهيا

 

[سوق المناخ]

حسبي الله عليك يا باقر
ليش ما تصدر قرار بوقف التداول
يمكن تحافظ على ما بقى لك من ود عند الناس

 

[وراكم وراكم]

الفلاح شخص ذكي ولا يريد ان يقع في الفخ من ((باقر))

قرار ايقاف التداول وسلبياتة ((من يتحملها ويتحمل مسؤلية القرار))

الكل خايف يتخذ القرار

وحس فعل الفلاح ب((تطنيش)) باقر

والله اعلم

باقر يريد الايقاع بالفلاح

ولو قلبة على البورصة خل يطلع
قرار رسمي كونة رئيس لجنة السوق

 

[bujwsq8]

انا اقول ايقاف البورصه احسن
لان مافي اي طلبات بالسوق بس عروض
وقرار حكيم بس هذا القرار لازم يكون قبل اسبوع على الاقل
لان البورصه نايمه نوم بالمستثمرين

 

[كويت2]

أنا رايي مادام محد نفعنا .. نلجأ للهيئة العامة للزراعة أحسن

 

[mbshier]

التعامل مع الأزمات يتطلب اصحاب قرار ومختصين وليس موظفين كل همهم الا تكون عليهم مسؤولية
( رمي الكرة بملعب الاخرين ) هذا حال موظفين حكومة وليس أصحاب القرار
بس لنا الله

 

[mtc3]

برأي ان قرار ايقاف البورصة كان راح يكون قرار حكيم ... وياليتهم اتخذوا هل قرار
السوق دخل بمرحلة الانهيار.....
وكمل علية بنك الخليج بالخبر الي اذاعة
اوقفوا التداول اوقفوا التداول لغاية 9-11-2008
لين الناس تهدأ

 

[بيتك للتداول]

يجب تعليق التداول حتى تعطى فرصة للجنة الانقاذ الجديدة باخذ القرارات السليمة

واعطاء راحة نفسية للجميع

والله اعلم

 

[oko0k]

انت تقول وهذا يقول وانا اقول

لو الكل يا ونجر جان ما ظل بالواد شجر

وللاسف ان الكل فاهم وابو الفهاية

ابسط شئ الواحد فينا يقدر يسويه انه يشوف اللي يبي يقوله اذا منه فايده ولا لا واما اذا ما فيه فايده وفيه مضره السكوت افضل

اكثر شئ دمرنا الاشاعة والخوف منها

بنك الخليج نعم ربوي وادعوا الله ان يفكنا من الربا بس مثال جميل للناس علشان يعرفون الخوف على المال شنو يسوى وشنو سبب الخوف

واكبر بؤرة فساد هي الجرايد الله يفكنا منهم ما ناخذ منهم الا الاخبار السيئة والمفيد قليل

ياريت تتعضون

الله يهديكم

 

[جمبازي]

الفلاح فاهم احمد باقر عدل


لو وقف التداول مدير البورصه ....بناء على طلب الوزير الشفهى



وحصلت مشكله من التوقف او نتيجه عكسيه ..


فسوف ينكر احمد باقر انه طلب من مدير البورصه ايقاف التداول .


كعادته احمد باقر (((يقول )))وثانى يوم ينفى ماقال ؟؟؟؟؟