دورة المؤشرنت للتحليل الفني
50 دينار كويتي
يقولون غسيل اموال بعد::verymad::
سؤال للمحللين الماليين و بالأخص لأخوي cha3bar و لا يهونون الباقي
الحين بالنسبه لبنك الخليج أرباح الربع الثالث تقريبا 85 مليون قبل لا يتم تعديل الميزانيه و تحملهم لخساير المشتقات لحين اللجوء للقضاء للفصل بين البنك و المتسببين بالخسارة و حسب الإشاعات فإن الخسارة تقريبا 120 مليون
هل راح يكون البنك خسران 35 مليون و لا شلون الطريقه؟
السلام عليكم
الفكرة صح إن الخسائر من عمليات المشتقات راح تاكل من الربحية الفصلية المسجلة للبنك إذا كانت الخسائر أكبر من الربحية سيكون الناتج بالسالب وإطفائها سيكون من الإحتياطيات أو من حقوق المساهمين بشكل عام على حسب حجم الخسارة والمرجح من حساب حقوق المساهمين لأن التوجه هو زيادة رأس مال البنك
حتى وإن كانت خارج الميزانية مثل ما ذكر كان المفروض تأثيرها يظهر تحت حساب العملاء .. في شي مو مفهوم صار
تسلم يالغالي cha3bar
طيب بعد ما تخلص كل هالأمور و تحكم المحكمة بالتعويض لصالح البنك هذا في حال عدم الوصول لحل ودي طبعا اي كان الحل
المبلغ اللي راح يرجع للبنك هل راح يدخل من ضمن الأرباح في وقتها؟
و لا لتسكير المأخوذ من الأحتياطيات او حقوق المساهمين؟
أعتقد هالأمور جدا مهمة للمستثمر على المدى الطويل
السلام عليكم
أول شي راح يتم تحويل المبالغ لديون مشكوك في تحصيلها ويتم تخصيص مخصصات لها خلال فترة المطالبة، عند التحصيل يتم تحويلها مرة أخرى لبند ديون محصلة وتظهر في بيان الدخل ويتم خفض المخصصات بنسبة السداد
أخوي cha3bar هذا كلام كبير علي
ههههههههههههههه
أرجو التوضيح بصورة أسهل
شفنا بالسنوات اللي طافت كثرة زيادات رؤوس أموال الشركات و كان معظم المتداولين يشترون السهم لأن عليه زيادة رأس مال و الزياده تكون بسعر قليل نسبيا مع سعر السهم بالتالي قد يربح و لكن بعض الأسهم خسرت العالم بزيادة رؤوس الأموال
و في شركات جزأت أسهمها لأن سعرها عالي و أعتقد شركة زين ما رست هالشي قبل كم سنه لمن وصل سهمها حروة ال 5000
حاليا مع تراجع السوق و تقريبا في 20 شركه تحت ال 100 يمكن نشوف شي عكسي و هو تخفيض زيادة رأس المال يعني إذا عندك 10000 سهم و تم تخفيظ رأس المال نقول بنسبة 50% راح تملك 5000 سهم و لا راح تقبض فلس حمر و بالتالي إذا كان السهم طالع عليك 200 راح تصبح الحسبه إنه سعره الحقيقي بيكون 400 و الله أعلم متى راح يوصل هالسعر
في المقابل راح يكون البيع بالهبل عكس المشترى على الأسهم اللي فيها زيادة رأس المال و يكون المتداول شكل ضغط على السهم بدون لا يدري و يرجع السهم ينزل و تزيد الفجوة ما بين سعره بالسوق و التكلفه الفعليه
يبقى شيء واحد بالنسبه للملاك هو حظور الجمعيه العموميه و التصويت على عدم قبول بند خفظ رأس المال
و الله أعلم
والله بو محمد ما في ما يمنع من تخفيض رأس المال ...
.......... بس في الكويت
ما اتوقع يسوونها
(( بعدين ياخوي شلك تخرعنا .. الحين يقرأون موضوعك وتطق براسهم يسوونها ))
دورة المؤشرنت للتحليل الفني
50 دينار كويتي