استفسار عن اللى قاعد يصير بالمنتدى خلال الساعة والنصف الماضيه

[NOCOMMENT]

السلام عليكم ورحمة الله

هذى اول مرة اكتب موضوع

وانا اسمع دائما انكم تطالبون البورصة بالشفافية

فمدام انتوا تحبون وتبون الشفافية ليش ماتطبقونها على انفسكم في داخل المنتدى ؟

الموضوع ومافيه

شفت واحد نزل مقطع وبدون ذكر اسماء والغي الموضوع
وواحد ثاني كتب عن ناصر الخرافي وانه سوف يتبرع بمليارين لبورصة مصر وشطب الموضوع

وموضوع اخر يتكلم عن تكسير الآجل وتسكر الموضوع

وحتى واحد من الاخوان كتب موضوع استغراب من الهجوم مبطن بدفاع عن الخرافي وانشطب الموضوع

فمن باب الشفافية ودنا نعرف شنو السبب؟
هل المنتدى يملكة الخرافي بعد ؟
ولا عندكم اسهم وتخافون من الشوشرة عليها ​

 

[KUWAIT- STOCK]

اولا لإنها اشاعات لا يصدقها عاقل والوضع كلش مو ناقص اشاعات
ثانيا اتوقع لايجوز الطعن بإشخاص بالإسم لإمكانية رفع دعاوى من قبل المجوعة على القائمين على المنتدى لإنها إشاعات و اتهامات من غير دليل

 

[NOCOMMENT]

اها يعني يخوفون

مادريت علبالي حالهم حال الباجين لاني اشوف مواضيع تشرشح فيها تجار كثار
ولا صار شطب سريع مثل اليوم

بس توني ادرى ان الناس طبقات حتى بالمنتديات ::verymad::

استفدنا معلومة حلوة اليوم عن المنتديات

ومشكور على الرد​

 

[المعوشرجي79]

اها يعني يخوفون

مادريت علبالي حالهم حال الباجين لاني اشوف مواضيع تشرشح فيها تجار كثار
ولا صار شطب سريع مثل اليوم

بس توني ادرى ان الناس طبقات حتى بالمنتديات ::verymad::

استفدنا معلومة حلوة اليوم عن المنتديات

ومشكور على الرد​

اخوي خلك معاي واستوعب الكلام الي بقوله لك ولكل من يكتب عشوائي من غير وعي ( اسمحلي من هالكلمة )

اللحين انا شريت سهم وسهمي انهار واندثر وانت تاجر وانت عندك خير بس قلت ما راح ادخل البورصة ولا راح اشتري اسهمك حتى لو رفيجي لاني بصراحة ما اثق بسوق الكويت للاوراق المالية اولا مافيها قوانين ولا هيئة سوق مال وثانيا اخاف اشتري اسهمك تروح تحيد اسهمي ادارة البورصة على شان تحدي او لسبب اخر لذلك ليش ادخل البورصة خل انروح استثمرها بجزر القمر ولا بالمكسيك او اي ديرة انا بكيفي اختارها واشوفها مناسبة لي وتهيئ لي المناخ الاقتصادي

ارجو ان الرسالة وصلت يالحبيب بالعربي الريال حر وبكيفه يدخل هنيه يدخل هناك عنده حلال وما يبي يقطه بمكان مافيه ثقه وانا اقول حق السيد ناصر الخرافي ونعم الرجال والله