شباب احد استعمل الحوت

[saam]

مرحبا يا اخوان

انا ناوى اشترى حوت من موديل 99 الى موديل 2001 وسمعت من كذا واحد ان كثيره خرباته وخصوصا الكهرباء !!


اللى مستعمل الحوت يا ليت يقول راية فى هالكلام

 

[بوحمود1]

انا مااستعملت الحوت ولكن اعرف واحد كان عنده والخرابات حدث ولاحرج ،، وماارتاح الا لما باعه

انحش عنه ابركلك

 

[ali5225]

نصيحه الى وجه الله شلك بالالماني دقلك كامري قراندي ولا تحط الا الزيت والبانزين

نصيحه الى وجه الله تعالى شوفلك 2005 او 2006 وأشتر ولا تشاور

 

[ناصر فيصل]

عيش على بسكوت و لاتستعمل حوت

عندي حوت جنني المعاونات كل خمس شهور منكسر معاون و المشكله ما يبدلون واحد لازم اثنين .
السويج اخترب قعدت شهرين حتى وصل المفتاح من بره .
سعر المعاون 260 دك للعلم .
حساس جدا تمشي وقلبك على ايدك

 

[sms 74]

بالنسبة للحوت انا عندي واحد من الوكالة موديل 2000 عيبه المعاونات كل شوي منكسر واحد طبعا بدت معاي هالمشكلة عقب 5 سنين من الاستعمال وسعر الواحد 260 ولازم تبدل الاثنين مع بعض هذا بس العيب اللي فيه غير هذا ماكو شي يعني اذا بدلتهم ووفقك الله ترى استعماله عجيب ومريح

 

[alwadey]

السلام عليكم ورحمه الله وبركاته

انا ماستعملته طبعا بس رفيجى استعمل موديل 99

الموديل 99 اكثر المشاكل فيه الهيدروليك يخترب والكهربا

والله اعلم

 

[rachelsteak]

mercedes mn 2004 o fog TAMAM
eshtr C class 2005 wala S class 8dema
o mn da5l a7la b3d

 

[فيصل123]

بارك الله فيك انا استعملة الحوت موديل 99و2000و2001و2002
وصراحه اقولك ابعد عن 99لانه الهايدروليك يتعطل بسرعه
وافضلها 2002لاكن نوع استعمالك
لازم يكون عندك سياره ثانيه لان الحوت مومال كرف
وشكرا

 

[سراج الأقصى]

أنا أظن إن أحسن جيل من فئة s صنعته مرسيدس هو جيل الشبح فأقل المشاكل فيه، أما الجيل اللي قبله من 81 إلى 91 فمشكلته الحرارة والتكييف، والجيل اللي بعده جيل الحوت كما أسمع ان أكثر مشاكله الهيدروليك ومشكلة الهيدروليك إن تصليحه مكلف مثل ما تفضلو الشباب ولكن للمعلومة المشكلة هذي مو دايمه يعني تقريبا تصلحه مره ويتم معاك مدة طويلة إلا في حالات قليلة.
وقارن فخامة الحوت بقطع غياره ستجدها معقولة.
أما أشتري كامري وأخلي الحوت فما في مقارنة لأنهم فئات مختلفة، واللي يبي الفخامة مو معقولة يشتري كامري أو كورولا !
ويبقى الألماني اهو الكبير

 

[rachelsteak]

o el spare parts 7a6ena 7g el sharyeha ydeda 25 alf ( ygdr ydf3 )mo mst3la(e7tmal 8alya 3lay )

 

[saam]

تسلمون يا اخوان على الردود


ومشكورين على النصيحه

 

[احمد78]

اخوى كان عندى حوت 99 خرباته ليتات البريك على طول ودوسة البانزين تخرب لئنها كهربائيه وسلامتك

 

[560SEL]

تصحيح لكلام الاخ سراج الاقصى عن المرسيدس من 1980 الى 1991 ان مشكلته الحراره والمكيف مشكلته بس بالتكييف اذا وقف واذا مشى ثلاجه وحراره اذا نظام التبريد ممتاز ونظيف دربك خضر وانا لي حدود 3 سنوات استخدمه والى الان موتر ما عليه كلام وترى حتى الشبح اذا مو نظيف يششك حراره .
وبالنسبه للحوت ما فيه مشاكل ابد المشاكل بالشوارع وباللي يسوقونه الشوارع تكسر المعونيات العاديه وشلون الهيدروليك الهوا واللي يسوقونه بكرف وعدم اهتمام الحوت خالي من العيوب تماما واعرف ناس يشكون من المعاونيات واكتشفو ان بلف طرمية الهوا بنسم وما يوصل هوا للمعاون فيخترب عليك والصيانه الدوريه للامور البسيطه مثل البلف تجنبك خسارة 260 دينار
وتعقيب على كلام الاخ ناصر فيصل ان السويتش اخترب وجلست شهرين غريبه ما عندك المفتاح الثاني ولو ما عندك انا طالب مفتاح شبح جلس اقل من شهر وطلبت مفتاح 560 خلال 10 أيام وصل واكيد تبون تستغربون 560 موديل 1990 واطلب له مفتاح وقيمته 11دينار تقريبا وبالنسبه للطلب حسب الموظف اللي يطلبه ولا تقول برمجه وما برمجه لو الوكاله تبي توفره باسبوع تقدر بس ما تبي توفره لانه راح يكون hot buy

 

[غير محظوظ]

اخوي اشتر من 2003 وفوق ممتاز مافي مشاكل عن تجربه

 

[Camaro]

صراحه مالي خلق اكتبلك عن خراباته لأن يبيلي نص ساعه انا استعملت 99 وزبدة الكلام اقولك
انحـــــــــــــــــــــــــــــش عنه

 

[سراج الأقصى]

تصحيح لكلام الاخ سراج الاقصى عن المرسيدس من 1980 الى 1991 ان مشكلته الحراره والمكيف مشكلته بس بالتكييف اذا وقف واذا مشى ثلاجه وحراره اذا نظام التبريد ممتاز ونظيف دربك خضر وانا لي حدود 3 سنوات استخدمه والى الان موتر ما عليه كلام وترى حتى الشبح اذا مو نظيف يششك حراره .
وبالنسبه للحوت ما فيه مشاكل ابد المشاكل بالشوارع وباللي يسوقونه الشوارع تكسر المعونيات العاديه وشلون الهيدروليك الهوا واللي يسوقونه بكرف وعدم اهتمام الحوت خالي من العيوب تماما واعرف ناس يشكون من المعاونيات واكتشفو ان بلف طرمية الهوا بنسم وما يوصل هوا للمعاون فيخترب عليك والصيانه الدوريه للامور البسيطه مثل البلف تجنبك خسارة 260 دينار
وتعقيب على كلام الاخ ناصر فيصل ان السويتش اخترب وجلست شهرين غريبه ما عندك المفتاح الثاني ولو ما عندك انا طالب مفتاح شبح جلس اقل من شهر وطلبت مفتاح 560 خلال 10 أيام وصل واكيد تبون تستغربون 560 موديل 1990 واطلب له مفتاح وقيمته 11دينار تقريبا وبالنسبه للطلب حسب الموظف اللي يطلبه ولا تقول برمجه وما برمجه لو الوكاله تبي توفره باسبوع تقدر بس ما تبي توفره لانه راح يكون hot buy

أخوي كلامك على متمه
بالنسبة للموديلات من 1980 إلى 1991 إذا كان في مشكلة يحتر، بس يا خوي تكييفه مزعج إذا كنت واقف بالزحمة وبعز الظهر تشق ثيابك، أنا عندي 500sec 1982 صراحة ما أسوقه بالصيف من حرارة تكييفه بالزحمة.
أما حرارة السيارة فكل مرسيدس نظيف ما يحتر حتى القديم وأنا عندي مرسيدس قديم موديل 80 6.9 ما يحتر و لايعرف الحرارة والحمدلله.

وأما معاون الحوت فالإستعمال السيء هو السبب في خرابه.
وعذراً للإطالة

 

[hbtko]

اما من ناحيتي ---- حاليا استعمل حوت موديل 99 لارج

والحمد لله ما فيه شي واستعنال طيب ومريح وفخم وانا اشتريته
من واحد استعماله نظيف - ولكن ظرب معاي الهيدروليك الامامي
وبدلته بتسعين دينار مستعمل والحمد لله ماكو احسن منه

((((( (((( اي واحد عنده حوت بعض الكهربجيه يفصلون اصابع البطاريه ويردون يركبونها

يا جماعه اكثر المواتر هذي اذا فصلت البطاريه وركبتها تحتاج اتبرمج كمبيوتر الهيدروليك لانه راح يطيح من باجر وتشغله ويرتفع يعني يفضي الهواء اذا تعدى اربع ساعات طافي والناس على بالها خربان الهيدروليك)))))))