(((((( دلالوة سوق الجت .... يكشون ذبان )))))

الموضوع في 'السوق الكويتي للأوراق الماليه' بواسطة شرياص العديلية, بتاريخ ‏28 أكتوبر 2008.

حالة الموضوع:
مغلق
  1. شرياص العديلية

    شرياص العديلية عضو نشط

    التسجيل:
    ‏20 أكتوبر 2005
    المشاركات:
    1,240
    عدد الإعجابات:
    62
    مكان الإقامة:
    سوق الحمام
    هذا ما حصل بالفعل ....

    والله المستعان ..

    قبل فترة من الزمن كان لسوق الجت صراحة

    ( صولات و جولات )

    وبيعات وشروات بالملايين ...

    أما في الآونه الأخيرة ... نرى اخوانا السماسره كالتالي :

    - تحول المكاتب الى دواوين وثلاترباع السوالف ( دز و تفلت )

    - أحد المكاتب يدرس جديا تحويل مكتبه الى

    ( مصبغه ) تصوروا ياناس ! انزين منو زباينك يخرب بيتك !

    - أحد المكاتب صاحبه للأسف ( ضرسه طايح )

    الأخ قام يترس حلجه ماي ويقوم يطشر على ربعه ..!

    وفعلا تطور وقام يحقق أرقام قياسيه ( بوضرس )

    احتمال المطافي يدقون عليه .. عشان منها يطفي ..

    ومنها يبدل لمبات الشوارع لأنه ( هقل ) و بطالي !

    - في مكاتب يلعبون ( بلوت ) ومراهن على ( آجال ) ب 10 فلوس

    - مكتب من المكاتب قام يبيع أفلام dvd بالتعاون مع هندي

    اسمه ( بو سلتان ) و أفلامه كلها شغل قبل الغزو ..

    منو يشتري رامبو بو سلتان .... بيع بخور أبرك .

    - في مكتب أتوقع صاحبه رايح الطب النفسي 300 كم/ س

    لأن قام يشابك الزباين .. ويكاسرهم داخل المكتب ...

    أمس يقولون رايح سوق الجت ولابس ( فنيلة أم علاق )

    يقولون يبي يسوي ( كوكسه ) لي مطعم دلق سهيل !

    - آخر مكتب سألته عن سعر الدلاله ( العموله ) قال :

    فلس عالشاري ... وفلس عالبايع

    قلت له : أبي سهم ( شركة فلكس ) بفلسين !

    سكت مده طويله وهو يخزني ...

    بعدين شميت ريحه مو زينه و خليته يولي ...

    الظاهر بو ضرس كان متعشي عنده .. وما بخر المكان ( بخور !)



    هذا .... وللحديث بقية
     
  2. D.NeT

    D.NeT موقوف

    التسجيل:
    ‏12 أكتوبر 2008
    المشاركات:
    1,157
    عدد الإعجابات:
    0
    مكان الإقامة:
    عمار يا كويتنا
    لا حول ولا قوه الا بالله .

    فعلا البورصه هدام بيوت .
    ولكن الي يبي دح مايقول أح ولاسلامتك يابو سلتان .
     
  3. شرياص العديلية

    شرياص العديلية عضو نشط

    التسجيل:
    ‏20 أكتوبر 2005
    المشاركات:
    1,240
    عدد الإعجابات:
    62
    مكان الإقامة:
    سوق الحمام
    يا جماعه انتوا علبالكم آنا أتغشمر .. صح ؟؟؟

    روحوا وشوفوا بعينكم
     
  4. bo fawaz

    bo fawaz عضو نشط

    التسجيل:
    ‏25 يونيو 2006
    المشاركات:
    4,890
    عدد الإعجابات:
    2

    هلااااااااااااااااااااا وغلااااااااااااااااااااااااااااااااا


    ابوحمد وين هالغيبه
     
  5. frozen

    frozen عضو نشط

    التسجيل:
    ‏21 يناير 2008
    المشاركات:
    2,214
    عدد الإعجابات:
    3
    شوف القناة الاولي في خوش سمره يغني فيها جمعه الطراروه ابركلك من السوق و سوق الجت
     
حالة الموضوع:
مغلق