(((((( دلالوة سوق الجت .... يكشون ذبان )))))

[شرياص العديلية]

هذا ما حصل بالفعل ....

والله المستعان ..

قبل فترة من الزمن كان لسوق الجت صراحة

( صولات و جولات )

وبيعات وشروات بالملايين ...

أما في الآونه الأخيرة ... نرى اخوانا السماسره كالتالي :

- تحول المكاتب الى دواوين وثلاترباع السوالف ( دز و تفلت )

- أحد المكاتب يدرس جديا تحويل مكتبه الى

( مصبغه ) تصوروا ياناس ! انزين منو زباينك يخرب بيتك !

- أحد المكاتب صاحبه للأسف ( ضرسه طايح )

الأخ قام يترس حلجه ماي ويقوم يطشر على ربعه ..!

وفعلا تطور وقام يحقق أرقام قياسيه ( بوضرس )

احتمال المطافي يدقون عليه .. عشان منها يطفي ..

ومنها يبدل لمبات الشوارع لأنه ( هقل ) و بطالي !

- في مكاتب يلعبون ( بلوت ) ومراهن على ( آجال ) ب 10 فلوس

- مكتب من المكاتب قام يبيع أفلام dvd بالتعاون مع هندي

اسمه ( بو سلتان ) و أفلامه كلها شغل قبل الغزو ..

منو يشتري رامبو بو سلتان .... بيع بخور أبرك .

- في مكتب أتوقع صاحبه رايح الطب النفسي 300 كم/ س

لأن قام يشابك الزباين .. ويكاسرهم داخل المكتب ...

أمس يقولون رايح سوق الجت ولابس ( فنيلة أم علاق )

يقولون يبي يسوي ( كوكسه ) لي مطعم دلق سهيل !

- آخر مكتب سألته عن سعر الدلاله ( العموله ) قال :

فلس عالشاري ... وفلس عالبايع

قلت له : أبي سهم ( شركة فلكس ) بفلسين !

سكت مده طويله وهو يخزني ...

بعدين شميت ريحه مو زينه و خليته يولي ...

الظاهر بو ضرس كان متعشي عنده .. وما بخر المكان ( بخور !)



هذا .... وللحديث بقية ​

 

[D.NeT]

لا حول ولا قوه الا بالله .

فعلا البورصه هدام بيوت .
ولكن الي يبي دح مايقول أح ولاسلامتك يابو سلتان .

 

[شرياص العديلية]

يا جماعه انتوا علبالكم آنا أتغشمر .. صح ؟؟؟

روحوا وشوفوا بعينكم ​

 

[bo fawaz]

يا جماعه انتوا علبالكم آنا أتغشمر .. صح ؟؟؟

روحوا وشوفوا بعينكم ​

هلااااااااااااااااااااا وغلااااااااااااااااااااااااااااااااا


ابوحمد وين هالغيبه

 

[frozen]

يا جماعه انتوا علبالكم آنا أتغشمر .. صح ؟؟؟

روحوا وشوفوا بعينكم ​

شوف القناة الاولي في خوش سمره يغني فيها جمعه الطراروه ابركلك من السوق و سوق الجت