آراء وتعليقات الاعضاء عن ايقاف البورصة (مواضيع مدموجه)

[ابو سالم]

الحكومه تستأنف الحكم .. وكاسك يا وطن

b 52

 

[ha101061]

طيب انت وش رايك وين تبي آخر حد للنزول

أنا معاك,
السوق كل يوم نازل والمسؤولين يتفرجون ومعناها راح ينزل بعد وبعد , فمايمنع أن نجرب وقف التداول كم من يوم , ياتصيب ياتخيب ,
والمبلل مايخاف من المطر

 

[unknown]

اى حكم يااخوى

وقف التداول ... الشمالي وباقر

 

[al7mly]

والله ياخوك ما قامت تفرق عندنا وقفوه ولا خلووه

خساره في خساره ...

واذا علي قولتك اللي عنده التزامات شنو يبي يبيع ... سهمه علي 50 فلس والا 60 فلس

اي فلوس راح يردها ...

انا مع وقف هالمسخره

اسعار مثل هذي مو مقبوله وفقا لنتائج الشركات ...

 

[mohabbas]

وانا بعد ايدكم الراى ياشباب والى يياى اكبر الظاهر بالسوق

 

[yoyo1983]

قالت قناة العربية ان وزير التجارة احمد باقر قال انه سيستأنف ضد قرار ايقاف التداول

 

[حبيبكم]

النزول الحالي ليس بسبب التجار الكبار، صحيح في بداية النزول كان الكباريه هم السبب بس ألحين السبب هم صغار المستثمرين لانهم لازلو خايفين ويحاولون الهروب باقل الخساير، فيمكن وقف التداول جم يوم يعطي بعض الثقة للصغار للعدول عن بيع اسهمهم ومن ثم يتوقف النزول إن شاء الله.

 

[ahmed7667]

قرار ممتاز للغايه ،،

يا اخوان القرار اتخذ لتنبيه الحكومه للوضع الماساوي الحاصل بالبلد ،،
وهو بمثابة رشة الماي على النائم لكي يصحى !!
ولكن هل سيصحى​

الحجي اذا ماصحي وانت عارف حكومتنا الرشيدة يومها بسنة
المفروض وزيرة المالية يستقيل اللي وهق العالم وقال افضل وقت للشراء الحين وعقبها السوق ماترقع

 

[ولد البورصه]

اليوم اخر الاسبوع والاسباب اهمها اعلان خسائر
كثير من الاسهم وخاصة اللى ليما اللحين ما اعلنوا يطالبون من خلال محامينهم وقف التداول

 

[أبو فلسين]

اقول لحد يقعد يهايط على مخى المتشقق
ويقول وقف التداول مو من صالح السوق الاخوان اللى يقولون مو من صالح السوق اكيد مايملكون اسهم ولا حاشهم طشار هذى المجزره اللى قاعده اتصير فيتكلم بكل برود وبكل اعصاب بارده ويمسك المايك ويقول قرار وقف التداول مو من صالح البورصه عيل استمرار هذى المجزره من صالحك اخى العزيز
مشكلة اذا بعض الاخوان واحنى نعتبرهم اخوان مو حاسين بالمعناة اللى حاشتنا الله يكفيهم شرها
عموما وقف التداول من صالح السوق وسوف يضع وزير التجاره ووزير الماليه ومدير السوق ومحافظ المركزى فى مرمى النار
وقف التداول مممكن يصدر قرار من صالح الصغار قبل الكبار ممكن يجتمع التجار مع الامير او مع رئيس مجلس الوزارء لانهاء هذى المعركه

 

[unknown]

قالت قناة العربية ان وزير التجارة احمد باقر قال انه سيستأنف ضد قرار ايقاف التداول

سبحان الله لما اذبحوا صغار المستثمرين تسابقوا على دفنه ... التجار من صوب يوقفون التداول والحكومه من صوب تستأنف .. والصراع السياسي على اشده ... والفقير ابن عم الج.....

 

[الهدف البعيد]

شباب عقب مايرد التداول
اسعار الاسهم علي نفس اغلاق الخميس او الاربعاء

 

[المرزوق]

اللهم استأنف حياه باقر بالدنيا اهو واعوانه اللهم امين وورنه فيه يوم كيوم عيد الفيله بافريقيا

 

[yoyo1983]

سبحان الله لما اذبحوا صغار المستثمرين تسابقوا على دفنه ... التجار من صوب يوقفون التداول والحكومه من صوب تستأنف .. والصراع السياسي على اشده ... والفقير ابن عم الج.....

اكثر من الاستغفار ووكل امرك لله ​

 

[yoyo1983]

شباب عقب مايرد التداول
اسعار الاسهم علي نفس اغلاق الخميس او الاربعاء

اسعار اليوم الخمييييييس

 

[kaifani]

اللهم استأنف حياه باقر بالدنيا اهو واعوانه اللهم امين وورنه فيه يوم كيوم عيد الفيله بافريقيا

شنو يصير في عيد الفيلة في أفريقيا ؟

 

[بلوتو]

السوق بنزول مستمر البعض يبيع اليوم بالادنى على أمل ان يشتري باجر بالادنى ويقلل سعر السهم عليه
اشتر ب 200 وبيع ثاني يوم 190
تقدر تنتظر أو في ثالث يوم اشتر ب 180 وراح تكون ما خسرت شي إذا وصل 190
هذي سياسة بعض الناس

 

[برشلونة2002]

والله توني كاتب موضوع مشابه لموضوعك وطلبت من المشرفين الرد
ومحد رد علي

ياجماعه شنو ذنب المحتاج الي عليه شيكات حاله
او يبي اسافر للعلاج

افلوس العالم تنحجز لييييييييييييييييييييش

والله والله والله مايجوز

للعلم ماعندي ولا سهم بالبورصه
بس الحق ينقال
والله المستعان

 

[unknown]

اكثر من الاستغفار ووكل امرك لله ​

هذا مثل صبر العمي على عماه ... سواء صبر ولا ما صبر اهو عمي عمي

 

[بلوتو]

والله توني كاتب موضوع مشابه لموضوعك وطلبت من المشرفين الرد
ومحد رد علي

ياجماعه شنو ذنب المحتاج الي عليه شيكات حاله
او يبي اسافر للعلاج

افلوس العالم تنحجز لييييييييييييييييييييش

والله والله والله مايجوز

للعلم ماعندي ولا سهم بالبورصه
بس الحق ينقال
والله المستعان

من هنا ستبدأ المشاكل