آراء وتعليقات الاعضاء عن ايقاف البورصة (مواضيع مدموجه)

[neidan]

باقر قدم استقالتك..

 

[الفال الطيب]

يجب ان نفتخر بنزاهة قضائنا العادل ..

.

 

[bo a7md]

اعنقد الاخوه المطالبين بايقاف التداول هم اكثر المتضررين من القرار لانه تاخر وراحت عليهم فلوسهم ولما صار وقت التلقيط والتجميع وقفو التداول هذا ظلم0 طبعا راح يصير اكشن بعد اعادة التداول ثم تصريف على روس الغلابة وترجع الامور مثل كانت قبل الايقاف0 الا اذا استجدت امور

 

[wld al salmiya]

الحكم بوقف التداول جاء بالوقت الضايع

تأخروا حيل

والحين وقف التداول مامنه فايده

 

[مستثمر سابق]

اخسر جم الف مشكلة لكن الوطن يضيع هذي المصيبة

مجلس الامه وقفوا جلسته .....

كره القدم توقف من قبل الفيفا....

مشروع حقول الشمال وقفووه .....

المصفاه الرابعة وقفووووهاا ....

البورصة توقف بقرار قضائي....

يا الله ما ايي اليوم اللي نوقف فيه دقيقة حداد على الكويت

الكويت عدت ازمات اكبر من هذي بوقفه اهل الكويت ايام الغزو و اتمنى نرجع نتكاتف عشان نعدي هالازمة اللي تمر فيها الديرة ....

مسلم البراك و اخوانه اعضاء مجلس الامة يا ريت لو يهدون الوضع ترى البلد كلش مو ناقص تجاذبات و لا الوقت الحالي مناسب لتسجيل المواقف ::verymad:: .

 

[بيتك للتداول]

المحامي عبد الهادي داخل البورصة ... وزحمة عليه من المتداولين والصحفيين

 

[ray]

ليش وايد ناس مستا ئه من حكم المحكمه....اتوقع راح اتكون فرصه لتوصيل رساله شديده لمنخذي القرار وعلي اعلي المستويات بوجوب التحرك السريع وانقاذ مايمكن انقاذه لوقف هذا الانهيار ...او علي الاقل التخفيف من حدته.....ثاني شيء الايقاف ماراح يكون سنه او سنتين....كلها جم يوم يمكن خلال هذه الايام اعطاء فرصه لتقديم حزمه متكامله من قبل لجنه الانقاذ ....كتخفيض كبير لسعر الفائده....انشاء صندوق جامبو كصانع سوق.....وغيرها من القرارات.....

 

[مضارب شجاع]

فقط الى 18 من الشهر !! خلهم يوقفونها سنه على الاقل علشان نرتاح من شرهم ومشاكل التجار ونهبهم الاموال المواطنين البسطاء
خالص خالص خااااااااالص خاااالص مانبى بورصه

 

[كوادر]

اسبوع و انشوف شنو يبون يسوون ,,, البورصه ما راح توقف لين ماله نهايه ,,,

 

[بيتك للتداول]

فرحة عارمة داخل قاعة التداول (هرج ومرج)

الله يستر اذا رد التداول

 

[rahaly]

الوقف قرار في مصلحة جميع المتداولين

لما الحكومة تاخذ فرصتها وكذلك الشركات لترتيب اوراقها
وتشوف التصرف الصحيح امام انهيار متتابع

 

[mbshier]

الوزير باقر يملك الدواء المناسب لعلاج الأزمة.........زلا تظلمونه

 

[العملاق]

مجلس الامه وقفوا جلسته .....

كره القدم توقف من قبل الفيفا....

مشروع حقول الشمال وقفووه .....

المصفاه الرابعة وقفووووهاا ....

البورصة توقف بقرار قضائي....

يا الله ما ايي اليوم اللي نوقف فيه دقيقة حداد على الكويت

الكويت عدت ازمات اكبر من هذي بوقفه اهل الكويت ايام الغزو و اتمنى نرجع نتكاتف عشان نعدي هالازمة اللي تمر فيها الديرة ....

مسلم البراك و اخوانه اعضاء مجلس الامة يا ريت لو يهدون الوضع ترى البلد كلش مو ناقص تجاذبات و لا الوقت الحالي مناسب لتسجيل المواقف ::verymad:: .

لو يوقفون المجلس وايد ارحم للكويت
مجلس فاشل بكل المعايير

 

[الطـبـيـب]

استراحة محارب التارج يقولن

ويمكن قاعدين يتوعدون يقلون والله نخلي الضحك هذا حزن وهم

 

[الفسكرة]

الحين يروحون محامين متضررين من وقف التداول يرفعون قضية ويردون التداول وبس هذه حالتنا !!

وين الرجال الاقتصاديين والماليين في البلد !؟
وين وزير المالية إللي قال البورصة مو دكان يفتح ويصكر !!
وين مدير عام البورصة ( انظر مقابلة ناصر الخرافي السابقة ) !!
وين ..... ولا ماله شغل صج وزير التجارة !!

ما اقول إلا الله يعين المتداولين وسلامتكم ..

 

[ميلان]

باقر لو يعرف الاحراج ماقبل المنصب لو يشيلونه وتعرض عليه وزير بلا وزاره لا يتردد

 

[مستثمر سابق]

لو يوقفون المجلس وايد ارحم للكوبت
مجلس فاشل بكل المعايير

لا ان شاء الله مو ناقصين تدهور اكثر من جذي بحالة البلد .....

 

[mo7amey]

لو يوقفون المجلس وايد ارحم للكوبت
مجلس فاشل بكل المعايير

هاذي الفكره اللي قاعد يسعون لها للاسف "يبون يوصلون الناس لمرحلة كرهه الديمقراطيه " لتحقيق الغايه المطلوبه .. واللبيب يفهم

 

[الطـبـيـب]

طلاب كراسي الله يكسر الكراسي على روسهم

اذا مو قده ليش تسوي نفسك طرزان ؟؟؟

 

[khaled 2006]

السلام عليكم الصراحه شى غريب اليي صيير يعني الاسهم نازله لدرجه تداولها صار ضعيف سواء عرض ولا طلب لقله السيوله وخساره الطرف الي يعرض يعني ماله داعي يوقفون التداول !!! ولا عشان اسهم التشغيليه انزلت بيتك وزين وشغل الكبيير نزل حكم المحكمه !!