حصل الموضوع لصديق لي وهو ذهبت أنا وهو لشراء جهاز من أحد المحلات وتم ذلك وتم شراء جهاز دل 1330 الصناعه ماليزي واخذ الجهاز وسافر وأثناء سفرة اكتشف بأن الجهاز لايحتوي على بلوتوث فقلت له ارسلة لي وأنا بدوري اذهب للمحل لإيجاد حل فأرسله لي وقال بأن الكيبورد يوجد به عدد 2 تلفانة لسقوط جمرة زقارة علية فقلت أستبدله لك بالوكالة فقال اوكي قبل لا تودية حق الرجال صلحة وودة له فتم ذلك. وانا عملت له فورمات عندي فالبيت أدري طولتها عليكم إسموحة. المفاجأة كالأتي قال لي بالحرف الواحد هذا الجهاز ليس الجهاز الي اشتريتوه مني فقلت كيف هذا هو نفس الجهاز فقال الكيبورد متغير( فقلت له نعم) (للعلم الكيبورد الماليزي يختلف عن الأيرلندي ) الأيرلندي هو الأصلي) للعلم فقط فقال السيرل نبر ليس نفس الجهاز يعني إلي بالفاتوورة ليس نفس الي بالجهاز قلتله احنا ماخذينة منك شلون انت تتحمل قالي لا قلتله بينا حماية المستهلك فأرجو المشورة منو معاه الحق
والله اخوي مالك الا حماية المستهلك لأنه هذا يعتبر غش تجاري لأنه الشركة كل جهاز يطلع منها مسجل له سريل نمبر واذا انت ماخذه من محل عادي اتوقع بالوكيل بالكويت لما المحل ياخذ منه اجهزه يسجل السريل نمبر مالت الأجهزه الي وزعهم على المحل الفلاني وشوف السريل نمبر مال جهازك عند الشركة ماخذه اي محل وبالحاله هذي تصيده وان شاءالله تكون وصلة المعلومه واذا فيه اي شي اقدر اساعدك فيه انا حاضر
دامك شاريه منهم وغيرت بس الكيبورد تسري الكفاله دام الجهاز مكفووول لان انت رايح اساسا مو عشان الكيبورد انت رايح عشان البلوتوث واذا الفاتوره عندك وعليها كفاله روح لحمايه المستهلك
اهم شي ان الفاتوره عندك اذا عنك سو الي بخاطرك وهم وهددهم برفع قضيه تعويض للضرر لان صاحب الجهاز مسافر وكان معتمد عليه لاعماله وتعطلة اعماله بسبب الضرر الواقع عليه من قبل عطل البلوتوث ولان الجهاز يحتوي على القطعه وتضرر بارساله لهم ورفضهم التصليح وهم تبلى عليهم وراوهم العين الحمره اهم شي يكون عندك الفاتوره وفيها السريال نفسه وايضا شوف الكفاله هل تقطي العطل او لا بالتوفيق
الله يعينك بووو عزووووووز تبي أروح وياك نوريهم العين الحمره ماعندي مانع اهم شي الفاتورة وحقك بتاخذه غصبن عليهم
السلام اللي اعرف ان اي جهاز ينفتح برا المحل اللي شاريه منه تسقط الكفاله منه يمكن هذا السبب ما رضي يبدله صاحب المحل
حتى لو صار هالشي المحل ماله حق ينكر أن الجهاز مو شارينه منه !!! حماية المستهلك بتاخذ حقك ان شاء الله !! اذا ما عطوكم جهاز جديد بعد !
استشاره قانونية / بقانون الاثبات المدعي لكي يرفع دعوة غش تجاري يجب أن يثبت ما يدعيه وطبعا الاثبات بثبوت الورقه بمعنى الفاتوره وطبعا نسخه موجوده لديك ونسخه عند المحل وحصل تغيير يعني ليس من صالحك لا يوجد اثبات على ما تدعيه والحل عندي راجع الخاص
