تجربتي الشخصية في شراء سيارة من امريكا (للفائدة)

الموضوع في 'اعلانات المركبات' بواسطة المركز المالي, بتاريخ ‏1 نوفمبر 2008.

حالة الموضوع:
مغلق
  1. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    بسم الله نبدأ

    بشهر 5 الماضي قررت اشتري سيارة من امريكا فقعدت ادور بالمواقع الى ان حصلت السيارة بالمواصفات والسعر اللي ابيه بعدها دقيت على بيت التمويل لاني باخذها اقساط عليهم فقالولي عندنا مكتب هناك لاستيراد السيارات (شركة ليبرتي-تكساس) وظيفته يشتري السيارة اللي تبيها ويشحنها وياخذ عمولة 3% من قيمة السيارة ، اخذت رقم المكتب ودقيت عليه واتفقت معاه على كل التفاصيل بس نبهني ان الشحن ممكن يطول بسبب الزحمة وقلة السفن قلت مو مشكلة ، بعدها دز عرض السعر بالفاكس لبيت التمويل (قسم خدمة الموردين-معرض الشويخ) ويشمل سعر السيارة+قيمة الشحن (بري وبحري)+عمولة المكتب ، اخذت عرض السعر ورحت خلصت المعاملة بقسم المرابحة ، الحين ما علي الا اني انطر وصول السيارة الى المينا ، والصراحة مثل ما قالي المكتب ان الشحن راح يطول يعني المعاملة خلصتها بنص 6 السيارة وصلت اخر 9 ! ، وكان الشحن على 3 مراحل: اولا من مكان السيارة في كاليفورنيا الى ميناء هيوستن برا ، ثانيا من ميناء هيوستن الى ميناء جبل علي في دبي ، ثالثا من ميناء جبل علي الى ميناء الشويخ ، وطول هالفترة كنت على اتصال مع المكتب بالتلفون والإيميل والصراحة الاخوان ما قصرو معاي الأخ حاتم الأدهم بوعماد في تكساس وولده عماد في جورجيا كل واحد يشتغل من صوب ، المهم وصلت السيارة المينا وعرفت هالشي من الشركة اللي اشحنت السيارة من دبي للكويت بعد ما دزلي بوعماد اوراق السيارة على الدي اتش ال فتواصلت معاهم لين وصلت السيارة ، الحين تبدا مرحلة التخليص الجمركي (مكاتب التخليص-مؤسسة الموانئ- الدور الأول) والمخلص راح يكون معاك لين تاخذ السيارة لفحص المرور ، اول شي لازم اطلع رخصة استيراد مؤقت من وزارة التجارة (مجمع الوزارات) بعدها سويت المعاملة في المكتب ودفعت الجمرك بعد ما ثمنوا السيارة بقسم التثمين (الجمرك 5% من قيمة التثمين) وتم فحص السيارة فحص مبدئي بعد ما شلت التظليل وختمت ورقة الفحص في ادارة المواصفات والمقاييس (المنطقة الحرة الثانية) (رسوم 60 دينار) وعطوني اللوحة المؤقتة (مدتها اسبوع) بعدها رحت الفحص والمرور حق الدفتر واللوحات ، هذي اهم النقاط لكن اللي حاب يسأل عن أي شغلة انا حاضر وبالخدمة ، اهي صج دوخة راس بس انت راح تاخذ السيارة بالمواصفات والسعر اللي تبيه.
     
  2. lawyer_9

    lawyer_9 عضو جديد

    التسجيل:
    ‏6 أكتوبر 2008
    المشاركات:
    172
    عدد الإعجابات:
    0
    جم تكلفت عليك السياره وجم سعره او شنو مواصفاتها
     
  3. مستثمر صغيرون

    مستثمر صغيرون عضو جديد

    التسجيل:
    ‏17 يونيو 2005
    المشاركات:
    952
    عدد الإعجابات:
    0
    صراحه مشكوور وانت فخر للمنتدي
    وجزاك الله خيرا
     
  4. المرسومي

    المرسومي عضو نشط

    التسجيل:
    ‏17 نوفمبر 2006
    المشاركات:
    2,913
    عدد الإعجابات:
    1
    كم كلفت عليك السيارة غير السعر الأصلي

    وهل تختلف التكلفة باختلاف نوع السيارة (جيب أو صالون ...إلخ)؟

    اسم الموقع إلي شريت منه وهل مكتب بيت التمويل هناك عندهم سيارات وشلون اسعارهم؟

    وبارك الله فيك

    أخوك/ أبو عبد الله
     
  5. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    اخوي السيارة همر وانيت 2007 (adventure pkg) ماشي تقريبا 35 الف كيلو سعره 9800+شحن (بري وبحري) 850+عمولة مكتب 300+جمرك 900
    المجموع 11850 دينار تقريبا

    الصراحة تثمين السيارة بالجمارك كان غالي 18000 دينار بس مع هذا السيارة ارخص من السوق بكثير غير المواصفات والنظافة

    وسامحنا على القصور
     
  6. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    وياك اخوي ما سوينا شي طال عمرك تستاهلون اكثر
     
  7. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    اخوي التكلفة الاضافية تعتمد على قيمة الشحن+قيمة الجمرك 5% من قيمة التثمين في الجمارك+عمولة المكتب 3% من قيمة السيارة

    بالنسبة للشحن كل شركة سعرها يختلف عن الثانية والشحن قسمين جوي وبحري

    الجوي غالي كثير فما راح اتكلم عنه
    البحري قسمين اما شحن السيارة بكونتينر ويعتمد على حجم السيارة اذا كانت تاخذ كونتينر بروحها او مع سيارة ثانية
    او شحن (الرورو) وهو شحن السيارات داخل الباخرة في مواقف خاصة لها وهالطريقة تتبعها اغلب وكالات السيارات ومعظم الناس عموما لانها ارخص وامنة في نفس الوقت
    والمكتب راح يحاول يشوفلك شركة زينة ورخيصة بحكم خبرته

    وبالنسبة للجمرك فيعتمد على تثمين السيارة بالسعر المحلي حسب نوعها وموديلها

    اسم الموقع اللي شريت منه الصراحة الشركة اللي عارضه السيارة حاطتها في اكثر من موقع مثل autotrader و yahoo وغيرها بالاضافة الى موقع الشركة نفسها imaxautogroup فدزيت رابط الصفحة اللي موجوده فيها السيارة الى المكتب والباقي عليه

    انا سمعت ان المكتب يبيع ويشتري في السيارات وتقدر تتصل عليه وتساله وهذا رقمه:0012144780630 بو عماد
     
  8. ايمن البورسعيدى

    ايمن البورسعيدى موقوف

    التسجيل:
    ‏11 سبتمبر 2008
    المشاركات:
    130
    عدد الإعجابات:
    0
    مكان الإقامة:
    اقيم فى القاهرة وبورسعيد
    هل السيارة كانت مواصفات خليجية ام ان المواصفات الامريكية مناسبة والصراحة مشكور على الموضوع
     
  9. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    اخوي السيارة استعمال امريكي وسمعت ان المواصفات تعتمد على جو الولاية اللي تنباع فيها السيارة وعموما انا كان عندي جراند ماركيز وارد امريكا استعملته 7 سنين بدون مشاكل وبالنسبة للهمر وارد امريكا موجود بكثرة في الكويت والخليج عموما

    وشكرا على المرور
     
  10. NaaaaR

    NaaaaR عضو جديد

    التسجيل:
    ‏15 نوفمبر 2006
    المشاركات:
    310
    عدد الإعجابات:
    0
    الله يباركلك فيها ويطعمك خيرها ويكفيك شرها بس اخوي لو انك دفعت فرق الف او الفين وشريتها من الكويت مو احسن من الدوخه هذي !!!
     
  11. العساف7777

    العساف7777 عضو نشط

    التسجيل:
    ‏22 أغسطس 2007
    المشاركات:
    1,432
    عدد الإعجابات:
    9
    مكان الإقامة:
    ][الكــ. .K.U. .ـــويت][
    الله يبارك لك بالسيارة وشايف خيرها والله يكفيك شرها

    تقبل تحياتي
     
  12. قيس

    قيس عضو جديد

    التسجيل:
    ‏3 يوليو 2008
    المشاركات:
    200
    عدد الإعجابات:
    0
    اخوي الكريم /// المركز المالي
    اقدر استورد اسكاليد جيب موديل 2007 //2008 مستعمل
    وكم سعرة بامريكا
     
  13. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    جزاك الله خير

    اولا اخوي لو الفرق بسيط ممكن لكن اذا وصل 3 الاف وفوق اعتقد اشتريها من بره احسن

    ثانيا مواصفات السيارة ونظافتها ما حصلتها بالكويت ابدا ، السيارة الصراحه كانها طالعه من الوكالة وهذا اللي شجعني غير سالفة السعر

    ثالثا الدوخة اللي صارت سببها اني اول مرة استورد سيارة وما كنت عارف الخطوات والاجراءات المطلوبة لكن الحين ممكن ارتب الأمور بشكل احسن وتبقى بس سالفة الإنتظار الخاصة بالشحن
     
  14. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    جزاك الله خير اخوي على الدعوة الطيبة
     
  15. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    اخوي بالنسبة لأسعاره تتراوح ما بين 7000 الى 17000 دينار تقريبا حسب الممشى و المواصفات اللي فيه لكن المتوسط تقريبا 11000 دينار وهذا الموقع من اكبر مواقع بيع السيارات في امريكا autotrader.com تقدر ادور فيه على راحتك واذا في اي سؤال انا حاضر اخوي
     
  16. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    طال عمرك اذا تبي اعطيك حالت السيارة وكم ممشاها الصحيح
    عطني رقم الشاصي لان يمكن ملعوب بالعداد
     
  17. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    صحيح اخوي ممكن عن طريق رقم الشاصي تتأكد من حالة السيارة من ناحية تعرضها لحوادث او ماشابه وكذلك بالنسبة للعداد في موقع الكارفاكس والأوتوجك وغيرها برسوم بسيطة وممكن البايع يعطيك الشهادة مجانا

    لكن اخوي سالفة اللعب بالعداد مو سهلة بالنسبة للشركات والمكاتب المعروفة لأنها تهمها سمعتها بين الناس وصدقني هالشغلة محدودة في نطاق الأفراد وهم قلة

    بالنهاية انصح الإخوان انهم يشترون من شركات او مكاتب معروفة حتى يرتاحون من هالشغلة

    وأي سؤال انا حاضر
     
  18. alfares

    alfares عضو جديد

    التسجيل:
    ‏16 مارس 2006
    المشاركات:
    376
    عدد الإعجابات:
    0
    مشكوور على الشرح الوافي
    والله يوفقك ويباركلك انشاءلله ويعطيك خيرهاا ويكفيك شرهاا
     
  19. بومعالي

    بومعالي عضو جديد

    التسجيل:
    ‏29 ابريل 2006
    المشاركات:
    380
    عدد الإعجابات:
    0
    مكان الإقامة:
    الـكـويـت
    مشكور أخوي المركز المالي والله يجزاك خير

    والله يعطيك خير الموتر ويكفيك شره :)
     
  20. kuwaiti909

    kuwaiti909 عضو جديد

    التسجيل:
    ‏8 يونيو 2007
    المشاركات:
    109
    عدد الإعجابات:
    0
    مكان الإقامة:
    الكويت
    اخوي رد على داز رساله على الخاص وابلي اسالك بعد شنو يعني zip code لان الموقع مايطلع السيارات الا لما ادخل الكود
     
حالة الموضوع:
مغلق