امامك فرصة تمر عليك مرتين في العمر ... الله يطول عمرك للثانية

[rahaly]

كلام حلو بس وين الكاش نسأل الله ان يعوضنا خيرا

ياخوي احنا خوافين

والا بتفهمني ان ما عندنا مثلا 2000 دك تشتري فيهم اسهم بو 20 ؟؟

ومع هذا ما اشتريت ...
ليش ؟

لانك خفت وت الثقة ................. في الوقت الغلط

 

[I T C]

كلام حلو بس وين الكاش نسأل الله ان يعوضنا خيرا




تبي اعطيك سلف كم
ومتى تردهم
الفائده نفس المركزى

 

[المؤشراتي2]

شنو تفسير صعود الاسهم التي معرضة للمشاكل وثبات الاسهم القيادية

صراحة شي محير
وبدا صناع السوق لعبة جديدة ما ندري القصد

 

[I T C]

شنو تفسير صعود الاسهم التي معرضة للمشاكل وثبات الاسهم القيادية

صراحة شي محير
وبدا صناع السوق لعبة جديدة ما ندري القصد

القصد المضاربه على الاسهم الصغيره حيث ان نسبة ربحيتها عاليه
براس مال بسيط وجنى الارباح وتوفير الكاش
ثم لاحقا عند استقرار السوق يعودون الى القياديه
والله اعلم

 

[rahaly]

شنو تفسير صعود الاسهم التي معرضة للمشاكل وثبات الاسهم القيادية

صراحة شي محير
وبدا صناع السوق لعبة جديدة ما ندري القصد

ببساطة الاسهم الصغيرة فيها مجال للصعود الى نسب قد تصل الى 100% واكثر ..

شوف الصفوة مثلا من 20 فلس الى 40 ..... 100%
(والله اعلم وين يوصل)

اما الاسهم القيادية .... كم بتوصل ؟؟

فالقصة قصة مضاربة ومصلحة وتحقيق مكاسب .. اولا ... ثم اولا

 

[abatchy007]

اخوي الغالي رحالي يعطيك العافيه وماقصرت على هالمجهود والله يعطيك على قد نيتك.

في شي معين تنصح فيه والرزق بيد الله والتوفيق بيد الله والتعويض بيد الله

 

[rahaly]

اخوي الغالي رحالي يعطيك العافيه وماقصرت على هالمجهود والله يعطيك على قد نيتك.

في شي معين تنصح فيه والرزق بيد الله والتوفيق بيد الله والتعويض بيد الله

من صجك ؟؟ !!!!!

انا اوصيت على الاسهم الرخيصة بشكل عام ...
وانتقاء الاسهم الجيدة ...
ولم احدد سهما معينا ....

...................... وبقيت انطق



هالمرة تبيني اوصي على سهم معين !!!!!


يا روح ما بعدك روح

ياريت اللي هاجموني الحين يقولون .... فعلا كانت فرصة وما اقتنصناها ..
ولكن !!!


بس تدرون ؟؟
والله ماني زعلان من احد

ما ينلامون من اللي شافوه من السوق ... ويمونون ... اخوة اعزاء

 

[jarjoorian]

رحالي
التوصية لا تزال قائمة?

والا الخطة تغيرت والا غضيت النظر عنها؟

 

[الطـبـيـب]

الأخ رحالي فقدناه

عسى ما شر ؟؟

من زماااان ما شفت له مشاركة

 

[بوراشد جروب]

الغايب عذره معاه ... إن شاء الله خير

 

[بوناصر10]

الله يجزاك خير يارحالى واللى طاعك أستفاد راح ارفع موضوعك بعد سنه أن شاءالله

أخوك بوناصر

 

[rahaly]

رحالي
التوصية لا تزال قائمة?

والا الخطة تغيرت والا غضيت النظر عنها؟

اكييييييييد قائمة ..

حبيبي ... لا تزال الفرص قائمة والعلم عند الله .......... بس احنا نتكلم عن استثمار طويل الامد

ومن حطيت الموضوع في ناس ما رضوا على الكلام
ومع ان الاسهم بعدها نزلت اكثر
(لان محد كان يقدر يصيد الاسهم بالقاع)

بس اليوم بدت ترتفع

وان شاء الله مستقبلا اكثر واكثر ... بس عليك باختيار السهم الجيد

.... ونشوف الاسعار بعد سنة

الأخ رحالي فقدناه

عسى ما شر ؟؟

من زماااان ما شفت له مشاركة

هلا بالغالي

موجود طال عمرك ... بس صراحة ماخذ راحة واستجام من الاسهم

ساعاااات ادخل اطل واطلع ما في شئ جديد نتكلم عنه
وسيولة ماكو

الراي شخصي والله اعلم

 

[Bo Hammod]

رحالي ياخوي
انا كنت متابع موضوعك من البداية واللي كان رادني هو حدوث شيء غير متوقع ولكن انا اشوف ان الرؤيه اتضحت نوعا ما الآن بعد تقديم معظم الشركات بياناتها
انا ليلحين طلبت رأي المحللين اكثر من 4 مرات وفتحت مواضيع اسأل فيها هالسؤال وباقي اسألهم عالخاص لوما الاحراج ...

ما هي الاسهم اللي اقل من 100 فلس ولها اصول قوية ما ينخاف منها للاستثمار البعيد
طبعا انا ما الومهم لأن الكل يخاف من التوصية

بس يا جماعة دام اني طلبت التوصية منك ....لا انا ولاغيري راح يلومك لأن محد طقني على ايدي وقالي اسألك..

وبما انك من الثقات اللي اثق برايهم وخبرتهم ..
لذلك انا اتشرف ان اطلب منك توصية بكل ثقة.. وبارادتي.. وبكامل قواي العقلية على الشركات اللى تنصحني استثمر فيها وانك لا تتحمل اي مسؤولية لاي ظرف كان أو خسارة تحدث لهذه الشركة ولك كل الدعاء مني ومن اخواني اللي يحبون ياخذون بالتوصية والله على ما اقوله شهيد

واذا ما تحب تكون التوصية علنية خلها عالخاص . وشكرا

 

[rahaly]

رحالي ياخوي
انا كنت متابع موضوعك من البداية واللي كان رادني هو حدوث شيء غير متوقع ولكن انا اشوف ان الرؤيه اتضحت نوعا ما الآن بعد تقديم معظم الشركات بياناتها
انا ليلحين طلبت رأي المحللين اكثر من 4 مرات وفتحت مواضيع اسأل فيها هالسؤال وباقي اسألهم عالخاص لوما الاحراج ...

ما هي الاسهم اللي اقل من 100 فلس ولها اصول قوية ما ينخاف منها للاستثمار البعيد
طبعا انا ما الومهم لأن الكل يخاف من التوصية

بس يا جماعة دام اني طلبت التوصية منك ....لا انا ولاغيري راح يلومك لأن محد طقني على ايدي وقالي اسألك..

وبما انك من الثقات اللي اثق برايهم وخبرتهم ..
لذلك انا اتشرف ان اطلب منك توصية بكل ثقة.. وبارادتي.. وبكامل قواي العقلية على الشركات اللى تنصحني استثمر فيها وانك لا تتحمل اي مسؤولية لاي ظرف كان أو خسارة تحدث لهذه الشركة ولك كل الدعاء مني ومن اخواني اللي يحبون ياخذون بالتوصية والله على ما اقوله شهيد

واذا ما تحب تكون التوصية علنية خلها عالخاص . وشكرا

بو حمود .... اااااسف والله ما شفت المشاركة الا الحين

اووووووووووووووووووووو الطيور طارت بارزاقها واكيد انك شريت



والله ياخوي مالي عادة اني وصي على اي سهم توصية مباشرة


بس مدامك مصر ....

عن نفسي .... انا مستثمر بسهم ابيار واشوف اسعاره الحالية مناسبة للمستثمر الصبور اللي مستعد ينتظر مدة طويلة

وعن نفسي ما عندي مانع اخلي السهم سنوات

السبب ؟؟؟

الشركة تعمل بالعقار فقط وفي عدة دول حاليا دبي .. مصر .. السعودية

والعقار على المدى الطويل لابد ان يعود الى الارتفاع ... اضافه الى السجل النظيف لادارة الشركة


هذا الرأي .... شخصي

والله اعلم


وبالتوفيق


@@@@@@@@@@@@@



على فكرة .....


شرايكم بحركة الاسهم هذه الايام ؟؟؟

الا توحي باننا مقبلين على صعود .... وستتكرر السوابق ان شاء الله ؟؟




والله اعلى واعلم

 

[3lgm]

أخوي رحالي انت وصيت وما قصرت , واثبت السوق انك صاج واحنا غلطانين اللي ما طعناك وشرينا , لكن يا خوي ما ننلام كان الوضع ضبابي وأظلم , وفرصة تروح ولا راس مال يروح , ومشكور على التوصية وعسى الله يعطيك على قد نيتك الصافية .

 

[rahaly]

طبعا بعد كتابة هذا الموضوع الاسهم نزلت اكثر بكثير ...

لاحظ المشاركة رقم #13
فيها جدول

مع النزول الكبير بعد الموضوع ... كثير من الاسهم رجعت اليوم الى اسعار ذاك اليوم ... وبعضها ارتفع اكثر من تلك الاسعار ...

(يعني اللي اشترى بعدها بشهر اليوم محقق 50 - 100% حسب السهم)

واحلى شئ شوف مشاعر 178 اليوم 230 )

ولا تزال الفرصة قائمة (لبعض الاسهم المختارة بعناية) الى نهاية هذ السنة .. او الربع الاول القادم

( بس وين القريشات ؟؟ )

الرأي شخصي بالتأكيد .. والله اعلم

 

[(طموح وقنوع)]

طبعا بعد كتابة هذا الموضوع الاسهم نزلت اكثر بكثير ...

لاحظ المشاركة رقم #13
فيها جدول

مع النزول الكبير بعد الموضوع ... كثير من الاسهم رجعت اليوم الى اسعار ذاك اليوم ... وبعضها ارتفع اكثر من تلك الاسعار ...

(يعني اللي اشترى بعدها بشهر اليوم محقق 50 - 100% حسب السهم)

واحلى شئ شوف مشاعر 178 اليوم 230 )

ولا تزال الفرصة قائمة (لبعض الاسهم المختارة بعناية) الى نهاية هذ السنة .. او الربع الاول القادم

( بس وين القريشات ؟؟ )

الرأي شخصي بالتأكيد .. والله اعلم

اشهد اني اذكر هالموضوع
كلام ينم عن خبره
والخبره ضروريه في ذيك الفتره
والفتره الحاليه

على فكره
شريت الام صجمه​

 

[qaz123]

كلامك صحيح .......... بس آه وين الفلوس .....الله كريم يرزقنا وياكم من رزقه الوسيع ......هي التوافيج من الله .... ولعله خير ما عندي فلوس اشتري ....جان اعصابي احترقت من تذبذب الاسعار والخوف من الخسارة..... خبرك الفقارة يخافون على الجم فلس اللي عندهم ....

 

[Bo_Yosef]

rahaly السلام .... يعطيك العافيه كلام جميييييييل انا واحد من الناس الي لا أمن بالمضاربه بالاستثمار .... الله يعطيك العافيه

 

[rahaly]

اشهد اني اذكر هالموضوع
كلام ينم عن خبره
والخبره ضروريه في ذيك الفتره
والفتره الحاليه

على فكره
شريت الام صجمه​

الظاهر الخبرة هالايام ما توكل عيش

شريت الام صجمة ... بس شفت ردك ياخوي اللي باعني عالانترنت صادني باعني اغلى من المحل... مدري انها موجوده عند المزين

بس من شريتها (شارها حق البريعصية) مالقيت ولا بريعصي بالفريج :d