ممكن تحليل من الخبراء aldn

[الدانة]

للخبراء و المحلليل و اللي لديه وجهة نظر في الشارت

وش رايكم في Aldn

عندي الشارت يقول Ok بس خايفة من النزول لأنه مرتفع كثير و فيه قاب بين سعره الحين و سعر السبورت حقه

مشكورين مقدما ...

على فكرة ضاربت فيه اكثر من مره و كانت حلوه ... بس خايفة استثمر فيه مبلغ
خايفة من النزول ...

 

[الدانة]

العطار + وسيم + ابو راشد .... وينكم عن هذا السهم

هل راح ينزل إلى 23 $ أم انه سيبقى فوق 24 $

عنده دعم في اعتقادي عند 23.95 $

هل هذا صحيح ؟ و هل هو دعم آمن للشراء ... و هل مقومات السهم كما ارى الى ارتفاع ؟ ام تعب من الارتفاع طوال السنة و رايح ينزل إلى العشرين ؟

 

[waseem]

دانه تذكري الرقم هذا 28 اعتقد بإذن الله هو حق السهم ان ماكان اكثر .

 

[alattar]

اهلا يادانة

شوفي بالنسبه للسهم انا مريت على شارت 10 وكل النقاط تشير الى ان اهو في طور النزول

اول محطة هي 23

من الممكن ان يصيب 24.30 تقريبا ويرتد وهذا احتمال ولكن الواضح هو 23 ومن ثم اذا تم كسر23 تكون المحطه الثانية هي 22


على شارت 60

هو الأن واقف عند مستوى 62 % من مستويات الفيبوناسي وهي 3.54 اذا كسرها راح نعرف ان اهو في طور النزول الى 22


تحياتي

 

[alattar]

هلا ياوسيم

كتبنا الرد مع بعض

بما انك قلت ان هذا السهم راح يصيب الهدف المذكور اتصور راح يصيبه والسبب بركتك يابركة

 

[alattar]

على فكرة يادانة كلام وسيم مضبوط هدف السهم على الديلي هو 28 وممكن يكون 27.5


انا كان تحليل على شارت 60 و10


تحياتي

 

[waseem]

الله يسعد موضوع الدانه اللي خلانا نشوفك ياموسيقار والله لك وحشه يالغالي .

موسيقار ترى موضوع اسهم خذ وخل لشهر ابريل ينتظرك وينتظر النقاش والتعلم والاستفادة لا تبخل علينا ترى بركتنا يوم تشرفنا فيه .

اما سهم الدانه هذه الأدمية بركه واختياراتها ماشاء الله عليها دايم موفقه الله يحفظها وينور على بصيرتها ويرزقنا واياها من واسع فضله آمين يارب العالمين .

 

[ستريمر]

السلام عليكم

كثير من الاخوة الافاضل يجهلون ان هذي الشركة اسرائيلية ومقرها في تل ابيب ...

للحذر .. والاعمال بالنيات

وفقكم الله

Aladdin Knowledge Systems Ltd
15 Beit Oved Street
Tel Aviv, 61110Phone: (212) 896-1251
Email: info@ealaddin.com
Web Site: http://www.ealaddin.com/

 

[waseem]

جزاك الله بالخير اخوي ستريمر وبالفعل كنت اجهل انتمائها .