اللي استخدم اليوكن

[الفيلسوف_11]

السلام عليكم ورحمة الله وبركاته

يا جماعه انا محتار بين اليوكن والبرادو

الي استخدم اليوكن يا ليت يقولنا شلون استخدامه و شنو عيوبه اما البرادو تويوتا معروف

 

[foxmind]

اليوكن ممتاز بس استهلاك للبانزين اكثر من التويوتا اما بالنسبه للمركب فهو فرق كبير بين وبين البرادو تحس انك قاعد في بيتكم اما القطه واستهلاكها واسعارها مااعلم فيها كثير لاني استعملت سنه بس

 

[nokia*nokia]

هلا أخوي الفيلسوف_11

اليوكن موتر كــرف وإستعماله حلووو

بس عندك الصيف شويه تكييفه يضيق الخلق

لأن الموتر نصه جام فطبيعي الحراره تدخل عليك من الشمس من كل مكان

وقطع غياره بالتراب وين ماتروح تحصل والكل يشتغل فيه

أما البرادو فهو فخــر الصناعـه اليابانيـــة

موفق بإذن الله

 

[sjl71]

السلام عليكم

اخوي انصحك في البرادو

1- تكيف احسن

2- بانزين اوفر

3- استعمال اخف وانعم

4- البرادو ماتحس بحجمه كأنه كامري

اليوكن مقارب لسوبر

بس البرادو 2010 يقولون بتغير شكله

 

[دينار كويتى]

الله يسامحكم .

تقارنون بين اليوكن والبرادو .

ما فيه وجه مقارنه .

اليوكن وبس .

 

[الفيلسوف_11]

foxmind nokia*nokia sjl71 دينار كويتى

الله يجزاكم عني كل خير على نصايحكم وما قصرتو

 

[cocacola]

انا و اهلي شارين يوكن 2008
السيارات فيها رجفيه رحت الشركه و غيرت التواير
وطلع معاي الفني و قالي هذا شي طبيعي في اليوكن (رجفيه)
والامريكي حده سنتين و يبدي يتفجج
البرادو وايد احسن
بس راح يتغير شكله السنه القادمه

 

[Camaro]

انا عندي تاهو اخو اليوكن موديل 2003 ولارجفه ولا يحزنون واخوي ميزان هنتر اللي عند كهرباء العدساني افضل من الوكالات بالنسبه للرجفه لأن يسوي وزن حق تواير سلكسات ملوت الهدات
وعيب اليوكن والتاهو بشكل عام طرمبة البانزين يعني لاتخليه يصفر
والدبل اذا زورت عليه السناسر احتمال تخرب
وبالنسبه للقلص زين بس مو مال تقلص عليه ثقل مسافات كبيره لانه حساس شوي

 

[الحريه وطن]

اليوكن فخم ومريح ابرك لك من البرادو

 

[السراي]

انا و اهلي شارين يوكن 2008
السيارات فيها رجفيه رحت الشركه و غيرت التواير
وطلع معاي الفني و قالي هذا شي طبيعي في اليوكن (رجفيه)
والامريكي حده سنتين و يبدي يتفجج
البرادو وايد احسن
بس راح يتغير شكله السنه القادمه

أنا كنت ناطر البرادو يتغير شكله 2009 بس نزل قبل يومين وماتغير. شوف نيسان باثفايندر أو أرمادا هم خوش سيارات أما إذا تبي يوكن أو تاهم أنطر الوكلاء ينزلون الأسعار او أخذ من السعوديه وايد أرخص

 

[بو فلاح]

والله بالنسبه لي يوكن لاني مجرب الاثنين بالسفر اليوكن افضل بس لا ينزل البانزين لان الطرمبه تخترب ولك حريه الاختيار

 

[Q8iiee]

اخوي انا عندي يوكن 2001 وعندي برادو 2007 استعلمت الاثنين بصراحه انا بالنسبه حقي البرادو شي خيااااال ناعم وما ينسم هوا وخفيف .. انا انصحك بالبرادو الفل اوبشن

 

[متداول حريص]

السلام عليكم

اخوي انصحك في البرادو

1- تكيف احسن

2- بانزين اوفر

3- استعمال اخف وانعم

4- البرادو ماتحس بحجمه كأنه كامري

اليوكن مقارب لسوبر

بس البرادو 2010 يقولون بتغير شكله

صحيح إن الياباني عمره أطول ومكيفه احسن وما يطقطق ويقرقع بس مع إحترامي لك حرام البرادو يكون تويوتا!!!!!! ولا موتر تدش فيه الدوار بالغلط شوي مسرع ينقلب فيك!!!! قسما بالله وبدون مبالغه أنا أدعوا كل راعي برادو ينتبه لما يكون الطريق مبلل ولا يطق بريك فجأه لأن الموتر غبي وراح يزلق فيك وتدعم ولا وأزيدك من الشعر بيت إرتفاع السياره عن الأرض زياده عن اللزوم وشوف الموتر لما يصير هوا ولا غبار شلون يلعب فيك لعب يمين ويسار تقول 4 سلندر مو 6. بالنهايه لما تحط مميزات وعيوب الإثنين راح توصل إلا أن اليوكن أفضل من البرادو لأنه أثبت وأنعم وقعدته وايد أريح وشكرا.