Viva

[ahmadm]

تم بيع جمبع الخطوط المميزه

 

[Prnce]

وشنو الهدف من الموضوع ؟

 

[q8240z]

السلام عليكم

اخوي هذا ما يتسمي بيع

هذا مجرد حجز للخطوط

وغير الي اصحاب الشركه والموضفين حاجزينهم وما نزلوهم السيستم

 

[whab3321]

اخوى روح اشتك عليهم بالمخفر

 

[foxmind]

البيع تم على 55 فقط وهو حجز بالمعنى الاصح ولسى في 51 و50 وانت ماشي والخطوط الذهبيه سيتم دفع مبلغ 300 تقريبا عليها على حسب مسئول في الشركه

 

[بوغمازات]

حلوه تم بيع الخطوط المميزه !!!! اي مميزه اي بطيخ !!! باعوا الخطوط السكه وافتكوا منهم .... واللي اشتروا الحين انقص عليهم

 

[KuWaiT DriFT]

روح اشتك عليهم بالمخفر اخوي

و اذا باعو جميع خطوطهم الله يهنيهم شالمشكله يعني

شنو الموضوع !!

و بعدين اللي يقول في 51 و 50 شالفايده !!

ال 55 احلى شي

يعطيكم العافيه

 

[gmail]

ماشفت رقم عندهم مميز لا ويقولي 100 دينار يستريحون انا كرهت الشركه من هالسالفه هذا اوله ينعاف تاليه الربع داشين على طمع لقونا مطقاقه حق زين والوطنيه قالول انكملها

 

[r77a]

يا جماعة انا حجزت اكثر من رقم وكلهم ارقام خيالية مو بس مميزة وحلوة وايد زي جذي ( 55588600) وفي احلى
ورغم هالشي مجانا
وقالولي بعد تقريبا اربع اسابيع يوصلك مسج بوقت استلام الشريحة بالبطاقة المدنية
الشركة للحين ماشية تمام التمام واللي ما سمع يسمع الحين عن عرضهم بالسعودية
تخيل انك تكلم اول خمس دقايق بفلوس والباقي مجانا لو تكلم قد ما تبي ( العرض من 2.11.2008) لمدة شهر
وهالكلام مو بس عالمكالمات المحلية حتى الدولية بعد واللي ما يصدق ادز له ايميل رسمي منهم وفيه جدول للاسعار بعد
وان شاءالله انها تسوي هني بعد عروض تستاهل
واحنا والله من زمان ناطرين هالشي يصير
مو مثل عروض زين هني تقص عالناس قال شنو ( zain e-go2go) دقوا على زين واسألوهم عن تفاصيل هالعرض اللي ما يتسمى عرض.
تعبي رصيد بدينار ونص ويعطيك 500 ميغا بس ولازم يخلصوا بـ 24 ساعة او يروحوا عليك
يعني كل يوم تشبك لازم تعبي دينار ونص
وان شاءالله الحين نتأمل خير بالشركة الجديدة واذا مافيها خير بعد انا اقول نرجع على زمن السيناوي
ونلغي هالجوالات احسن لنا

 

[عازف الجيتار]

zain e-go2go خدمه ماعجبتني خير شر وماعتقد نجح لأن مافيها من العروض شي غالي جدا وفقط 500ميغا و24 ساعه

ان شاءلله viva اتكون افظل

تحياتي

 

[fai11sal]

اخواني البيع صار من الارقام اللي تبدى 55 الى 5555 يعني في ارقام تبدى ب55555 للحين ماصار عليها شي وسمعت انها بتنزل مزاد

 

[bom3ath]

للبيع 55555665
ساومو

 

[AHMADO85]

روح ارفع قضيه

 

[الحريه وطن]

صدقوني الوطنيه خوش شركه

اما زين الله لايعيدها شفطت دمنا

 

[MUSAED77]

للبيع 55555665
ساومو

بكم ؟

 

[ahmadm]

نزلت أرقام مميزه جديده

 

[الصج ينقال]

ترى الإشاعات وايدة ..

هالموضوع إشاعة الأرقام مازالت موجودة بس في ناس تحاول تحبط ناس طمعا وحسدا

أقولهم خافوا ربكم .. حب لأخيك ما تحب لنفسك روح احجز له رقم قوي وساعده
حنا مسلمين تجمعنا أخوة الإسلام

الخطوط المميزة والغير مميزة مازالت موجودة وعندكم وقت تقريبا ثلاث أسابيع
اخذ راحتك لا تستعيل

 

[Business Man1]

للبيع 55555665
ساومو

جم؟

 

[state of kuwait]

فعلا انا دشيت السايت انباعوا كلهم بس لما دقيت على خدمه العملاء قالوا ان مليون رقم نزلوا وراح يكون في دفعات جديده

 

[sound blaster]

انا بالبدايه غسلت ايدي من الارقام لان ماكان في شي

لكن امس بليل نزلت دفعه جديده وحجزت

5500099*

يعني لا تخافون كل يوم في دفعه وارقام جديده واحلى من الي قبل