Amazon والبنوك الكويتيه !

[هامـور السوق]

السلام عليكم ورحمة الله وبركاته

ابي استفسر عن البنوك الكويتيه

افضل بنك اتعامل وياه لـ شراء المنتجات من امازون . كوم والمواقع العالميه و شلون اسجل بـ ارامكس و ابي الموضوع يكون كامل والكامل الله سبحانه

و شلون الطريقه بالظبط من فتح حساب وجذي

و هل راح تطول ؟؟

و الله يعطيكم العافيه

 

[coooool2]

والله ما عندي خبره بس انصحك بيت التمويل

 

[(فزاع)]

لازم اول شي تبطل صندوق بـ امريكا ..
وهالصندوق انا اذكر اني بطلته من شركة ارامكس بـ 10 او 11 دينار ،، ماني متذكر جم بالضبط ..
لأن اغلب الشركات الامريكيه ما توصل حق المدل ايست ..
واول ما تبطله يعطونك عنوان كامل .. تقوم وتحطه اذا بغيت تطلب شي من امازون ..
وراح تلقى ان شركة ارامكس توصله لك لـ باب البيت ..
اما بخصوص افضل بنك .. فـ انا استعمل الـ visa ..

اما اشلون طريقة تسجل بـ ارامكس .. تروح العارضيه الصناعيه وانت واقف يفتحون لك صندوق .. يعني السالفه ما تآخذ معاك 5 دقايق ..


هذا اللي اتذكره ،، وان شاءالله قدرت افيدك ..

 

[هامـور السوق]

والله وايد انصحوني ببيت التمويل بس المشكله هالوقت مادري شفيهم البنوك محد راضي يرد قلنا خلنا ننزل موضوع!!

و عسى الله يعطيك الصحه والعافيه

 

[هامـور السوق]

لازم اول شي تبطل صندوق بـ امريكا ..
وهالصندوق انا اذكر اني بطلته من شركة ارامكس بـ 10 او 11 دينار ،، ماني متذكر جم بالضبط ..
لأن اغلب الشركات الامريكيه ما توصل حق المدل ايست ..
واول ما تبطله يعطونك عنوان كامل .. تقوم وتحطه اذا بغيت تطلب شي من امازون ..
وراح تلقى ان شركة ارامكس توصله لك لـ باب البيت ..
اما بخصوص افضل بنك .. فـ انا استعمل الـ visa ..

اما اشلون طريقة تسجل بـ ارامكس .. تروح العارضيه الصناعيه وانت واقف يفتحون لك صندوق .. يعني السالفه ما تآخذ معاك 5 دقايق ..


هذا اللي اتذكره ،، وان شاءالله قدرت افيدك ..

الله يعطيك الف عافيه

وماقصرت والله

 

[(فزاع)]

الله يعطيك الف عافيه

وماقصرت والله

الله يعافيك ..​

 

[شيل و مشي]

عندك ثلاث شركات
الاول ارامكس تفتح حسابك عندهم بالعارضية مثل ما قالوا الاخوان اول نص كيلو 3 دنانير وثاني نص كيلو 2.5 دينار
الثاني ushopweship تفتحه اونلاين وتدفع بالكي نت او الفيزا اول نص كيلو 2.250 دينار وثاني نص كيلو 1.750
والثالث DHL تفتحه اونلاين وتدفع بالكي نت او الفيزا اول نص كيلو 3.5 والكيلو 6 دنانير
طبعا الاول والثاني يعطونك صندوقين في امريكا وبريطانيا ماعدا الثاني يعطيك صندوق في دبي
الثالث بس في امريكا
الاول والثاني مكانهم في نيويورك وبتواجه مشاكل مع سالفة الضرائب مع امازون
الثالث في اوهايو وماراح تواجه مشاكل بالضرايب
الاول يدز كل خميس وسبت والثاني بس الخميس والثالث خلال 24 ساعه من وصول الشحنة لصندوقك
رسوم فتح الحساب:
الاول:10 ونص دينار
الثاني والثالث 26 دولار

نأتي للعيوب
الاول رسومه عالية بس سرعه الوصول متميزه
الثاني رسومه رمزية بس سرعه الوصول بطيئة وصفحة التتبع متخلفة
الثالث رسومه عالية +رسوم الجمارك بس سرعة الوصول متميزه
موقع ارامكس
www.aramex.com
موقع ushopweship
www.ushopweship.com
موقع DHL
http://www.borderlinx.com/dhl/kw/en/index.html
بالنسبة للفيزا انصحك تاخذ فيها اللمت فيها صفر والرصيد صفر يعني تعبي وتشتري مثل بطاقة فيزا بنك بوبيان او الوطني التمويل مانصحك

 

[هامـور السوق]

الله يعطيك العافيه

وكلامك صحيح

انا بسوي بطاقه حق جذي بس يعني اعبي واصفر بس

و همن وايد انصحوني بالوطني لان تعاملهم حيل قوي وحلو مع العملاء

ويزاك الله الف خير

يعني الحين ارامكس ؟؟

 

[شاب محترم]

لموقع امازون و ebay .. ارامكس ممتاز ..


بالنسبة للدفع .. كلهم نفس الشي سواء فيزا بيت التمويل او الوطني

احنا نفضل بيت التمويل .. بس عن الحلال والحرام

لكنهم نفس الشي .. ما في فرق بينهم


تحياتي

 

[هامـور السوق]

الله يعطيك العافيه

وماقصرت والله