عادي....طاح الحطب...

[بوسعود66666]

المشهد الاول


وحدة مزيونة بالحيل....و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي......طاح الحطب....... و حلوة الحياة


المشهد الثاني


ملتزم ....
يصلي كل الفروض....
و إذا تعب... فوت صلاة الفجر
وإذا شبع راحت صلاة العصر...
و عنده دش....و يكذب كثير
و إذا صحى الصبح .....مشط اللحية
عادي.....طاح الحطب..... و حلوة الحياة


المشهد الثالث


غني و ظالم ....
يطرد المساكين....و يستغل الضعوف
مغرور و فاسق...
و مجلسه عامر....
كلن يبهر له....
و مع ذلك يجمع حسنات....من كثر اللي يسبونه
عادي.....طاح الحطب...... و حلوة الحياة


المشهد الرابع


يكد يدرس و يشتغل....
لأجل يبني مستقبله...
تزوج و جاب عيال...ثم تقاعد
صار يسكن في مكان...و أم عياله في مكان
والسبب العيال...
صار دار المسنين بيتهم......
عادي.....طاح الحطب..... و حلوة الحياة


المشهد الخامس


تغازل و تاخذ أرقام.....
و تطلع مع هذا.....و تواعد هذاك....
و يوم طاح الفاس في الراس....
بكت....
و راحت تشكي لامها غدر الزمان....
طبطبت عليها امها وقالت:
ولا يهمك .....سفرة برا.... وشوية سيولة
و ترجعين بنت......
عادي.....طاح الحطب..... و حلوة الحياة


المشهد السادس


مرفوع الكفن أبيض ....
وصاحبه وسط البياض...
بعضهم يبكي...و بعضهم عادي
دفنوه.....و تبكبكوا شوي
و آخرالليل سكارى...
عادي....طاح الحطب..... و حلوة الحياة



المشهد السابع


سيارة مسرعة...
و تدعس لها واحد..
مسكين هندي...
و العسكري صديق الطايش....
والخطأ نصه على الهندي...
والباقي على أبو الطايش....
و في الليل.....الطايش يلعب بلوت
عادي.....طاح الحطب..... و حلوة الحياة


المشهد الثامن


قارورة مويه ....
ما تضره ....طايحة في السيارة
يناظرها بغضب....زعلان منها
و يفتح الشباك ...و رماها وسط الطريق
وإذا اجتمع مع الشباب قال:
متى بنتحضر؟؟؟؟؟؟
عادي......طاح الحطب....... و حلوة الحياة


المشهد التاسع


اهم شي الثوب نظيف....و الشماغ مكوي...
و القلم ماركة...والساعة تضوي....
و الجزمة جلد....والسيارة عجب...
و تلفونه ما يسكت...
إما بنات...
أو البنوك تبي فلوسها....
.عادي...طاح الحطب.... و حلوة الحياة



المشهد العاشر


سطحية ...و مغرورة
غبية....و متكبرة...و يا ريتها حلوة
تبي زوج مواصفات....
ما يقول لا....ويكره الاستراحات
لازم وسيم...و انيق..و متعلم...و دخله ممتاز
و يحب السفر.....
و بعد سنين...تلاقي نفسها في الانترنت
تدور واحد يقبل بها....
عادي.....طاح الحطب..... و حلوة الحياة



المشهد الحادي عشر


فتح الكمبيوتر...
و دخل للمنتدى....و كلامه ما يتعدى ان الموضوع روعة و رهيب
و هو ما قراه و لا يعرف كاتبه.....
بس يبي يزيد المواضيع موضوع ....
ويزيد همومنا هم.....
علشان يصير صاحب الألف موضوع...
و يتميز....
والمشكلة انه يتميز.....
عادي....طاح الحطب..... و حلوة الحياة



المشهد الأخير


الكذب اثم.....ومع ذلك نستخدمه
و ندري ان هذا حرام....و مع ذلك نجربه
نتذكر السهرة و الفرح و السفر....
و ننسى الجالسين على كتوفنا....
و نتناسى ان معهم كتاب يسجل افعالنا و نياتنا....
كل شي محسوب....
حتى النظر...
نسينا ان ورانا يوم....علاماته قربت
ومع ذلك كلنا ناسين....
أن بقيت على حالك تتناسى .... لازم تعرف


إن ذاك اليوم مهوب عادي


وأنت الحطب


و ما به حياة​

 

[عذووب]

روعة يا بوسعود

 

[sms 74]

فعلا طاح الحطب ... الا خلللصصصصصصصص الحطب ,,,, ​

 

[fabulass]

يا سلام عليك بوسعود

 

[yoyo1983]

جميييييييل

شكرا لك

 

[مساهم11]

ملتزم ....
يصلي كل الفروض....
و إذا تعب... فوت صلاة الفجر
وإذا شبع راحت صلاة العصر...
و عنده دش....و يكذب كثير
و إذا صحى الصبح .....مشط اللحية
عادي.....طاح الحطب..... و حلوة الحياة

هذا بلى ابوك يا عقاب
وشنو الي خسرني 55 الف دينار الا شخص مثل هذا

الله المستعان ولاحول ولا قوة الا بالله
قلبت المواجع يا سعود وكنت ناسي


شكرا لك ومشاهدك كلها تعور

 

[NoOoOoR]

شكرا

 

[قلم حر]

وحدة مزيونة بالحيل....و حبيبة ...
بس تخون!!!!

لو جيكره وتخون عادي ما تشوف شر نخلي مواعيدنا صدفه

 

[nestla]

بعطيك العافيه

 

[بوسعود66666]

اشكر الجميع على المرور

 

[KuWaiT DriFT]

تسلم يابو سعوود و طااح الحطب

 

[rakan_yes]

تلاقيها بالنت تدور لها على زوج
عادي طاح الحطب


ماتشوف مواقع الزواج كثرت يقولون ابرك من البورصه
دائم اسهم هالمواقع مرتفعه فوووووووق تزيد بس ماتنقص
لانها زواج

مشكور بوسعود
اخوك
ابورااشد

 

[تفائلوا بالخير]

الموضوع روعه ورهيب وقريناه كله جزاك الله خير يابو سعود

 

[ابو سالم1]

روعة ورهيب ههههههههههههههههه
شكرا اخى الكبير ابا سعود يسعد صباحك تئبرنى