ممكن احد ينورنا عن ابيار وعارف؟

[نهاش فتى الجبل]

السلام عليكم

يووم الخميس انصحوني وقالولي 100% راح يرتفع عن عارف الاستثماريه وابيار العقاريه .. والخميس كانو نازلين شوي .. وشريت:

عارف 100 الف سهم بــ300 فلس

ابيار 200 الف سهم بـ 248 فلس

ومن يوم الاحد واهم حد ادنى واللي يخوف ابيار عرض بالحد الادنى بالملايين ...

ممكن احد ينورنا اذا يعرف شي عن الشركتين ؟؟ وهل ابيع او ابرد عليهم ؟ وهل ممكن يتعدلون خلال الايام القادمه ؟

وشكرا

 

[mtc3]

اخوي حاول تتخلص منها
ابيار طالع قبل شهر وين كان السهم والحين وين صار الي قالك بيرتفعون غشك
اليوم حتى اسهم البنوك كسرة حواجز قوية من المفروض انها ماتنكسر واسهمها قاعدة تنهار
فما بالك باسهم هل شركات

 

[نهاش فتى الجبل]

مشكووور mtc3

بس ابيار لان يقولون ماعليها خووف واللي شدني اكثر ان كان سعرها بالـ720 فلس وطاااح طيحه ووقف قلت هم زين .. بس قام ينزل زيادة بعد

وعارف نفس الشي نزلت مع طيحه السوق هالاسبوع ..

هل عليهم خوف ؟

 

[sulaimanajmani]

المفروض كنت متابع ترند النزول عارف ماخذهم على اعلى قمة وابيار المفروض انك كنت تنتضر يوم صار فيه تداول عالى ما تشترى تشوف اليوم الى بعده اذا صكر فوق اعلى سعر وهو 255 كنت ممكن تشترى ولو انى افضل يومين اعلى واذا كا تحت ما تشترى وهذا اللى صار ما صكر اعلى من 255 ابدا يعنى ما شريت


المفروض انك يوم بدا النزول كنت اتخفف حملك بالنزول مو تمسك الكمية كلها كان المفروض تبيع على الاقل 40000 او اكثر من اول يوم او ثانى نزول لكى تمسك العصاة من النص علشان لا تكون خسارتك جايدة وتقدر باللى بعته تشترى من تحت علشان تعادل السعر

التبريد ما راح يفيد اليوم او باجر الا اذا بدا يرتد السوق

هذى طريقتى لعلك تستفيد للمرة القادمة

غير النك مالك خوفى يخسرك اكثر مع نزول السوق وناهش نهش بالاسهم دير بالك على حلالك :d

 

[ahmedh]

انا نصيحتي لك أبيار انساها شوي .. وراح تشوف السعر اللي يعجبك... بس يبيلها وقت شوي ... المشكله مو بالسهمين اللي انت ذكرتهم .. المشكله بالسوق كله.. وانت شوف بعينك اسهم كثيره كل يوم حد أدنى.. يعني المشكله مو باختيارك للسهم بالعكس أبيار سهم ممتاز واغلب المحللين يقولون جذي.. بس الازمه نزلت السهم لسعر غير سعره.

انطر لين قبل الجمعيه العموميه لأبيار اذا مارتفع راح يرتفع عقبها .. وراح يوصل اقل شي للسعر اللي انت ماخذه فيه.. لان سعرك مو بالعالي مقارنة بغيرك اللي خذاه على 700 او 600 او 500 قبل أقل من شهر تقريبا...

هذا رأي وعسى الله يوفقك ويوفق الجميع.