ياجماعة ابي نصيحتكم بموضوع مهم

الموضوع في 'إستراحة المنتدى' بواسطة مستثمر 2008, بتاريخ ‏11 نوفمبر 2008.

حالة الموضوع:
مغلق
  1. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت
    [u]عندي صديق اخو دنيا وكاسر خاطري بقولكم سالفته ونبي رايكم وتوقعاتكم [/u]
    وشنو يسوي
    المهم بدش بالموضوع صديقي يشتغل وفي مكان عمله شاف وحده معاه بالدوام وبعد ما سئل عليها وطلعت خوش وحده ومحترمه كلم شخص وقاله بالدوام وقاله اسئل البنت اذا متزوجه مخطوبه مرتبطه واذا ما عندها مانع الولد يبي يتقدم لها رسمي بس حب ياخذ رايها بالاول عشان ما يصير احراج المهم قالت البنت عطوني وقت افكر واخذت وقت فوق الشهر تفكر والولد كل يوم عن يوم قاعد يتعلق فيها ويزيد حبه واهي بمساعدتها يعني البنت تمر صوبه بالعمل او بالمواقف السيارات تطلع في وقت خروجه والولد للحين ماكلمها بس حس من خلال افعالها انها موافقه واهني الولد حبه صار حبه عشق وما يقدر يوم وما يشوفها الا لازم كل يوم يشوفها المهم كلم الشخص الوسيط عشان يعرف هل موافقة او ............ المهم البنت ردت وتقول لا انا غير موافقه
    انصدم الولد وحاول انه ينسى البنت وفعلا قدر انه يشيلها من تفكيره .......... بعد جم اسبوع البنت ردت وتسوي نفس الحركاتت تمر صوب مكتبه وتنطره بالسياره وحركات تدل على انها اتبي موافقه الولد زاد حبه اكثر من قبل وتولع فيها وصار ما يفكر الا فيها وعشقها عش والبنت تسوي نفس الحركات والافعال وقال خلاص البنت موافقه موافقه موافقه ولكن المصيبه الكبيره انه البنت تقول انها غير موافقة


    هذي القصه باختصار


    الحين السؤال

    ليش البنت تسوي هل حركات وتخلي الولد يحبها وبعدين تكسر فيه وتقوله انا غير موافقه وتلعب في اعصابه

    هل معقوله انه افعال البنت كانت كلها صدف ما اتوقع

    هل البنت من طبيعتها تحب تسوي هل حركه عشان تشوف مدى تمسك الولد فيها لانه هذا زواج مو لعبه يخلص منها ويهدها

    هل تشورون على الولد انه خلاص يهدها ويتركها ويشوف حاله

    او يطق الثقل ويتركها مؤقتا ويشوف شنو ردت فعلها

    الرجاء الافاده وتعطوني رايكم لانها حاله انسانيه

    واسف على الاطاله
     
  2. sms 74

    sms 74 عضو جديد

    التسجيل:
    ‏30 أغسطس 2008
    المشاركات:
    524
    عدد الإعجابات:
    0
    اخوي معظم البنات والحريم بشكل عام تحب تلفت نظر الرجال والناس عامة وتحب دائما تكون في دائرة الضوء , والواضح انه البنت هذي مو موافقة على الارتباط في صاحبك بس بنفس الوقت تبيه يتابعها ويهتم فيها بس علشان ترضي غرورها وتقول حق نفسها انها جميلة ومحط اهتمام
    وانا نصيحتي لصاحبك انه طالما انه طق الباب وردته لا يشغل نفسه فيها ولا يفكر يطالعها بعد ,,, ودام هذي تصرفاتها هذي بصراحة مغرورة او انها تبيه يخضع لها علشان يتبعها طول عمره فتركها وحقرانها افضل ,,, وعسى الله يرزقه ببنت الحلال ,,,,,,
     
  3. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت
    الله الله عليكم شكرا على المرور تحليل منطقي وجهة نظر تحترم

    خل نشوف راي باجدي الاعضاء
     
  4. بو شيوخة

    بو شيوخة موقوف

    التسجيل:
    ‏13 ابريل 2008
    المشاركات:
    255
    عدد الإعجابات:
    0
    بنت هبلة
    وصاحبك مع إحترامي لك وله - مو أقل منها هبال !!!
    البنت لو تشوف عتوي جدام الباب يغزها - تلقاها 24 تمر جدامه ( رايحه راده )
    وصاحبك مدام طق الباب وما كو فايدة - خل يطق راسها بالطوفة .
    صج مو كفو ..
    خل صاحبك يداوم عندي - الربع هنيه كل واحد ( شنبه ) لي ( ركبته )
    يمكن ينسى هالسخيفة هذه
     
  5. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت
    شكرا على المرور والله ضحكتني وعلى قولتهم شر البليت ما يضحك صح كلامك القطوه ان شافت عتوي تفتر دار مدار البيت
     
  6. KuWaiT DriFT

    KuWaiT DriFT عضو جديد

    التسجيل:
    ‏9 سبتمبر 2008
    المشاركات:
    2,233
    عدد الإعجابات:
    0
    مكان الإقامة:
    الـــكـــويــــت الحــبــيـــبـــه
    حبيبي قول حق صاحبك الي ما يبيك ما تبيه و اهيا قالت مو موافقه خلااص الله يوفقها

    و بعدين خل اهوا يروح يسألها لأنه بهالزمن مافي ثقه كلش يمكن الوسيط ما كلمها اصلا او يمكن كلمها و قالتله موافقه بس الوسيط ما يبيهم يتزوجون كل شي جايز و يمكن ما يبيه ياخذها لانه شايف عليها شي !! عالعموم ربك أعلم :)

    و بعدين و العيااذ بالله و الله يستر على جميع المسلمين و المسلمات بس يمكن البنيه تبيه بس مو على علاقة زوااج !! كل شي جاايز

    فعلامات التعجب اللي بالموضوع و علامات الاستفهام ما تنحل الا بأنه يروح بنفسه و يسألها و دام انه سأل عنها و مافيها شي سمعتها البنيه الله يوفقه معاها اذا كانت موافقه و بعدين الريال ما يعيبه شي فيه مليون بنيه غيرها

    و اللي كاتبه الله بيصير يا خوي و اتمنى اني وفيت بالرد :)
     
  7. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت

    شكرا يا اخوي وكلامك يحترم وكل شي جايز او يمكن البنت تبي تشوف غلاتها عنده
     
  8. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت
    للرفع نظريا لاهمية الموضوع بالنسبة لى
     
  9. أبو أنفال

    أبو أنفال موقوف

    التسجيل:
    ‏21 ابريل 2006
    المشاركات:
    341
    عدد الإعجابات:
    0
    هلا مستثمر 2008 شكله انت صاحب السالفه بس تقول صاحبك جنه مالك دخل !!!!!هههههههه
    عالعموم حبيب قلبي صاحبك اذا يشوفها ولا كلمها بصراحه مع السلبيات الي فيه وانا ماحبها
    لكن صاحبك شريف وعفيف والله يكثر من امثاله والشباب الحين لو بمثل هذي الحركات جان تلقاه
    24 ساعه نايم عالتلفون سوالف هو وياها وناسين الزواج بعد لووووووووووووووووول
    نجي للمهم : خله يكلمها ويقولها بلسانه تبيني بجي اخطبج ماتبيني شحقه رازه وجهج كل شويه تمرين قاطه حالج على هلاص فكيني من شرج وواحد مثله لازم يتزوج لانه شريف ومتربي
    والي مثله اي بنت تتمناه لانه حب يبي البنت بالحلال وعسى الله يوفقه يارب
     
  10. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    هذا من صجه رفيجك ولا شنو بالضبط ..؟
    بس عفوا ً ، رفيجك مراهق ..؟
    وين قاعدين ..!
    حق شنو التولع والتغمز .. ؟
    حق باجر لـ تزوجوا يسولفون هالسالفه حق اعيالهم ..؟

    لو انا من الاخر .. ايي وألتها كف على عينها .. واقول لها تتزوجيني ولا لأ ..؟ :d
    يا ايلك حب جذي طاحوني .. ولا ما اسميه حب ..

    دمت بود
     
  11. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3
    اوووووله كف عاد صج مجرم تبي الصج انت يبيلك وحده تلكك كف وتقولك تتزوجني او اخطفك جدام اخوانك واقولهم بتزوجه يعني بتزوجه على فكره اهيه واخوانها كلهم مجسمين :p
     
  12. النجدي2007

    النجدي2007 عضو نشط

    التسجيل:
    ‏13 مارس 2007
    المشاركات:
    2,755
    عدد الإعجابات:
    0
    مكان الإقامة:
    الكويت مني وفيني
    واضحة وضوح الشمس والله اعلم

    اقولك شلون البنت يمكن موافقة بس تري البنات فيهم حياء وحيائهم هذا الي محليهم يعني تستحتي تجي حق رفيجك وتقولة تري الاهل موافقين , خل يفهما ولايعلق نفسة خل يروح ويتوكل علي ويتقدم واذا في نصيب ان شاء الله بياخذها واذا مافي نصييب علي الاقل ترتاح نفسيتة

    ( ولايقول فيها اي احراج , في واحد اعرفة متزوج مسؤولتة في الدوام واعرفة عز المعرفة )

    وعسي الله يوفقة
     
  13. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    وبعدين بليلة الزواج .. اييلها واقول لها .. "ويش تقولي لو خطفوني ..؟ "


    يمعود فال الله ولا فالك .. خلنا جذي اعزوبيه .. وايد ابرك .. وبلا زواج بلا نيله ..!
     
  14. al7bebe

    al7bebe عضو نشط

    التسجيل:
    ‏24 مارس 2005
    المشاركات:
    10,052
    عدد الإعجابات:
    941
    ان تم الزواج الطلاق بعد شهر العسل :rolleyes:

    الافضل الابتعاد عن نوعيه النساء اصحاب المزاج المتعكر التي تلعب على مزاجها وتبحث عن كبش فداء .

    نصيحه الي صديقك من تريد الزواج لاتفكر كثيرا ان رأت ان هذا الزوج مناسب لها والعكس صحيح. ولكن هذه الفتاة مكاره وخبيثه لانها عرفت تجذب قلب هذا الخروف الذي رآى اول فتاة تقول لهم انت الوحيد الذي دخل قلبي انت فارس احلامي انت انت حتى تخيل نفسه انه الشاب الوحيد الذي لامثيل له ................مسكين خروف نهايته ضحيه على فتاة خبيثه تتلاعب في مشاعره تحت مسمى (احبك) وهي مثل الثعبان السام ....................
    رجاء الانتباه من نوعيه النساء وابحث عن ذات الدين التي تخاف الله وتريد الستر والعافية والاستقرار والاولاد وتكوين اسره صالحه.
     
  15. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت

    البنت تقول حق الوسيط انا غير موافقه ليش بعد يسئلها وتقول انه ظروفها ما تسمح انها ترتبط حاليا واهي غير مرتبطه بشخص حاليا وترد تسوي نفس الحركات يا بنت الناس ليش هل حركااااااااات ؟
    وشكرا يا اخوي
     
  16. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت

    شكرا يا فزاع وجهة نظرك يمكن تكون صح يمكن البنت تبي تكلمها مباشرتا ومن غير وسيط حتى لو كان الوسيط رفيجتها بس اكيد البنت عندها خصوصيات وما تبي احد يعرفها بس عاد يطقها كف حرام بس على اللي تسويه يبيلها تداويها بنفس طريقتها
     
  17. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت


    هذا اللي انا مستغرب منه تفاعل وجذب وحركات واشياء تصير واضحه واخر شي تقول تقول حق رفيجتها انها غير موافقه الموضوع يبليه تفسير تسوي اشياء لمده تزيد عن الشهر واخر شي تقول غير موافقه
    الموضوع يبيله قعده وتفكير انا اقول لو يثقل عليها وما يعطيها ويه تتوقع اهي اللي تقوله حرام عليك انا موافقه

    وشكرا
     
  18. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت



    نعم البنت خلته يحبها ولا بعد يموت فيها واخر شي تقوله لا غير موافقه انزين ليش تخلينه يحبج شنو متراهنه عليه ....؟
     
  19. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2
    علشان مرت من قدامه بالممر حط في باله انها موافقه - صاحبك يتوهم بس لأنه هو يبيها ومتعلق فيها ويفسر اي تصرف منها على حسب مزاجه واذا تبي الصراحه صارلي مثل هالموقف قبل كم سنه خطبني شخص من القرابه بمايقارب تسع سنوات من يوم انا عمري عشر سنوات وكان مرتز في بيتنا لما كبرت ودخلت المرحله الثانويه كنت امر عادي واصادفه مرات كثيره وخاصه لما اكون راجعه من المدرسه تعلق الشاب وتوهم اني ابادله نفس الشعور وتقدم المره الاخيره بشكل رسمي وبقوه بعد لما رفضت انصدم ودخل بحاله نفسيه واتهمني بالموافقه قبل بشكل مبدءي من تصرفاتي وحركاتي مع ان حركاتي كانت جدا عفوويه وغير مقصوده بس الحب اعمى - بإختصار صاحبك يتووهم لطالما ان البنت رفضت خلااص لايتعب نفسه -
     
  20. مستثمر 2008

    مستثمر 2008 عضو جديد

    التسجيل:
    ‏21 ديسمبر 2007
    المشاركات:
    1,167
    عدد الإعجابات:
    0
    مكان الإقامة:
    الكويت
    شكرا على المرور ولكن البنت قاعده تمر واهي مستحيه وتقعد وتجابله ونظرات بينهم مو مره بس كل يوم شنو صدفه لا ما اتوقع , ومن وجهة نظري البنت قالت رفضت عشان تتاكد من مدى تمسكه فيها وهل اهو صج يحبها ولا قاعد يلعب الموضوع اكبر ممن تتصورين
     
حالة الموضوع:
مغلق