منهو سعيد الحظ ...اللي قعد بالسوق وإلا اللذى برا

[حاطب ليل]

السلام عليكم ورحمة الله وبركاته

يقال بأن غلطة الشاطر بعشر

من بداية سماعى للخبر (وقف التداول) وأنا فى صراع و نزاع منهو سعيد الحظ اللي قعد بالسوق..... وإلا اللذى برا

هل من هو كاش وينتظر الفرصه أوفر حظ أمن هو داخل القرقور

ممكن تصير أحوال حتى ولا تطري على البال

من لديه وجهة نظر يدلى بها ....فليس لنا من الأمر شئ إلا السوالف والحداء ....ويا ليتهم أوقفوها في وقت مضى وأنتهى


ملاحظه

والله لو كان فيه مجال للتأثير على أحد بالخروج أو بالدخول لما كتبت هذا الموضوع ......ولكن بعد أن سبق السيف العذل.....فلا بأس من النقاش والتحاور فالهارب هارب والمصيود مصيود و الخيره خفيه

 

[kaifani]

و الله يا حاطب أنا نفسك محتار .
لأن السوق ممكن يرتد فوق و ممكن يغرز تحت .

 

[Cha3bar]

إلي بالنص

المستثمر إلي بالسوق ومازال لديه سيولة خارجه يقدر يدخلها متى ما أراد .. من الشركات ما أشوف إلا ثلاثة بنوك والمشاريع وكم شركة خدماتيه

 

[مضارب شجاع]

ذكرتنى فى أيام الغزو العراقي هناك صامدون وهناك متشردون اللذين كانوا خارج الكويت أو خروجوا بعد الغزو وهناك أسرى فى السجون
ولان الوضع نفسه ولكن بطريقة اقتصادية ، هناك من هم خارج السوق من سيل محفظته قبل الازمه ، وهناك من صمد وخسر مع الخاسرون ، اما الأسرى هم من اشتري فى الأجل .....
وكانت الامم المتحده تدخلت فى قضية الكويت ، ولان المحكمه تدخلت فى وقف التداول .

 

[H.F.H]

بكل تأكيد الخارج عن السوق لان السوق ما زال في هبوط حتى لو صعد كم يوم ...الامور العالقة لم تحل و لم يطرأ على الازمة المالية شيء ما زالت تطحن البورصات العالمية ..و لا ننسى اننا الحلقة الاضعف في هذه الازمة .

 

[jeme_E]

تبي الجد وجهة نظري اللى قاعد برى هو سعيد الحظ

لو الخساره فوق 30/100

مابي اقول ارقام كبيره

ونقول ان كل الاسهم كاش

بيكون للي بره فرصه دخول باسعار احسن من اسعار الشراء

واللى خسران يبيله ايام يعوض خسارته

وبينما صاحب الكاش باقل من هل فتره يقدر يدخل

وزيد عليها ان صاحب الكاش الان يقدر يختار على راحته افضل فرصه دخول

بينما اللى داخل ممكن يكون متدبس بشركات خسرانه وتوها تبين الخساره


وهم بزيد عليهم الضرر النفسي اللى اصاب صاحب الاسهم من الايام اللى فاتت بروحه

يبيله تعويض

هذا راي ولكل رايه

وصدقني اللي ايده بالنار غير اللى ايده بالماي

وانا اتكلم لاني داخل ومنقرص

خسارتي بروحها تخليني اروح الري انقي اي سياره اطقها كاش واطلع

((كلن بهمه سرى افكر اشتري سياره عاد ))

يعني نفس الكمية عندي وفوقهم سياره كاش

نسأل الله يرفع عنا وعن الاخوان الخساره ويحولها ربح ويربح كل من يدخل من اخونا

 

[aadm1]

اتوقع اللي بالقفص

لانه يمكن تتعدل اوضاع الاسواق خلال هالجم يوم القادمه

 

[حاطب ليل]

ذكرتنى فى أيام الغزو العراقي هناك صامدون وهناك متشردون اللذين كانوا خارج الكويت أو خروجوا بعد الغزو وهناك أسرى فى السجون
ولان الوضع نفسه ولكن بطريقة اقتصادية ، هناك من هم خارج السوق من سيل محفظته قبل الازمه ، وهناك من صمد وخسر مع الخاسرون ، اما الأسرى هم من اشتري فى الأجل .....
وكانت الامم المتحده تدخلت فى قضية الكويت ، ولان المحكمه تدخلت فى وقف التداول .

إذا .......اللذى برااااا

 

[Bo_jassim]

الكاش يتم الملك حتى لو السوق ابيصعد على الاخبار نقدر اندش وياهم بس اذا نزل السوق راح ننتظر
وعلى قولتهم ربح يفوتك ولا خساره تلحقك

 

[barbarian]

الكاش هو الملك...

مو شرط تصيد السهم بالقاع

راضي فوق القاع بتعليقه مو مشكله على الاقل السوق راح يصعد كذا يوم وتكون ربحان وراس مالك يزيد يوم بعد يوم

احسن من انك تسوي نفسك مقطع السمكه وديلها وتبي تصيده بالقاع وينزل عليك السهم وراس مالك يقل يوم بعد يوم ونفسيتك تصير خايسه وتتنرفز على ام العيال وتطلع حرتك باليهال

وايد ناس اعرفهم على ابو ان صايد السهم بالقاع وخذا الصفوه على 97 فلس واكتتاب بـ 100 فلس والحين خسرانين تقريباً 40% من راس مالهم

 

[مضارب شجاع]

الكاش يتم الملك حتى لو السوق ابيصعد على الاخبار نقدر اندش وياهم بس اذا نزل السوق راح ننتظر
وعلى قولتهم ربح يفوتك ولا خساره تلحقك

الكاش مرات مال ينفع اذا كانت الطلبات فى الحد الاعلي ولا يعطونك شئ
شنو فايدة الكاش
ويمكن يعلق السهم لمدة اسبوع والكاش الي عندك ما يكفى لشراء وحده

 

[ابوعامر]

انا اشوف المضارب وليس المستثمر اللي داخل السوق لان اتوقع يصدر قرارات تنعش السوق حتى لو يومين او ثلاثه

 

[ابو سالم]

وجهة نظر ي هي الأثنين خسرانين ولاكن الخسران الأكبر هو صاحب الكاش لأنة طوف على نفسة فرصة للشراء بأسعار خيالية تقولي أشلون أقولك إذا هم يفكرون نفس تفكيري وهي كتالي :

حجم المؤشر السعري ممتاز جداً بالنسبة للأسعار الحالية المتدنية بمعنى هذي الأسعار الحالية كانت موجودة لما كان المؤشر السعري اقل بكثير عن سعرة الحالي فلوحب التاجر رفع أسهمة لسعرها السابق أو حتى نصف سعرها السابق فكم راح يكون يكون حجم المؤشر برتفاع السهم يومياً ففي هذي الحالة ما استفاد شي التاجر رفع قيمة سهمة السوقي ورفع معاة حجم المؤشر السعري فهم يبون رفع القيمة السوقية للسهم دون التأثير على حجم المؤشر . شلون ؟ إلي نعرفة أن أي شركة مايتم تداول سهمها يتم تداول سهمها في اليوم الثاني الدبل يعني بدال لايرفع سهمه 100 فلس اليوم يترك السوق معلق عن التداول ولما يرجع للتداول يرفعها الدبل .

فالقصه كلها علشان مايكون تضخم في المؤشر السعري وان هذا التوقيف مدروس ومتعمد .

 

[حاطب ليل]

اتوقع اللي بالقفص

لانه يمكن تتعدل اوضاع الاسواق خلال هالجم يوم القادمه

حياك الله أخى الكريم aadm1

وهذا ما أميل إليه والله أعلم

لكن مالنا عن المقسوم مجناب

فالحمد لله

 

[Bo_jassim]

الكاش مرات مال ينفع اذا كانت الطلبات فى الحد الاعلي ولا يعطونك شئ
شنو فايدة الكاش
ويمكن يعلق السهم لمدة اسبوع والكاش الي عندك ما يكفى لشراء وحده

حد اعلى! السهم ماراح حد اعلى الا في احد شرا بالحد الاعلى هذا اهو راعي الكاش

 

[حاطب ليل]

الكاش مرات مال ينفع اذا كانت الطلبات فى الحد الاعلي ولا يعطونك شئ
شنو فايدة الكاش
ويمكن يعلق السهم لمدة اسبوع والكاش الي عندك ما يكفى لشراء وحده

السلام عليكم ورحمة الله وبركاته

والله أنك شجاااع حقا وليس بالمضاربه

ما تسمع اللى يقول هذا بلى أبوك يا عقاب

وأنا أقول هذا بلا حاطب يا شجاع

 

[Bo_jassim]

واذا تبي الرد الصحيح بعد الي عنده كاش وعنده اسهم بعد عشان يلعب بالصوبين

 

[حاطب ليل]

وجهة نظر ي هي الأثنين خسرانين ولاكن الخسران الأكبر هو صاحب الكاش لأنة طوف على نفسة فرصة للشراء بأسعار خيالية تقولي أشلون أقولك إذا هم يفكرون نفس تفكيري وهي كتالي :

حجم المؤشر السعري ممتاز جداً بالنسبة للأسعار الحالية المتدنية بمعنى هذي الأسعار الحالية كانت موجودة لما كان المؤشر السعري اقل بكثير عن سعرة الحالي فلوحب التاجر رفع أسهمة لسعرها السابق أو حتى نصف سعرها السابق فكم راح يكون يكون حجم المؤشر برتفاع السهم يومياً ففي هذي الحالة ما استفاد شي التاجر رفع قيمة سهمة السوقي ورفع معاة حجم المؤشر السعري فهم يبون رفع القيمة السوقية للسهم دون التأثير على حجم المؤشر . شلون ؟ إلي نعرفة أن أي شركة مايتم تداول سهمها يتم تداول سهمها في اليوم الثاني الدبل يعني بدال لايرفع سهمه 100 فلس اليوم يترك السوق معلق عن التداول ولما يرجع للتداول يرفعها الدبل .

فالقصه كلها علشان مايكون تضخم في المؤشر السعري وان هذا التوقيف مدروس ومتعمد .

هلا بك يا بو سالم

ومن قالك أنى بقولك شلون لا لا إلا بقول ألا ليت شعرى

لكن ما باليد حيله ليطارت الطيور بأرزاقها

أرزاق ومقاسيم مكتوبه

 

[ابو سالم]

هلا بك يا بو سالم

ومن قالك أنى بقولك شلون لا لا إلا بقول ألا ليت شعرىلكن ما باليد حيله ليطارت الطيور بأرزاقها

أرزاق ومقاسيم مكتوبه

كملها عاد ماندري تقصد أي بيت فيهم :

ألا ليت شعري هل أبيتن ليلة ** بجنب الغضا , أزجي القلاص النواجيا

او
ألا ليت شعري: هل يرى الناسُ ما أرى, من الأمْرِ أوْ يَبدو لهمْ ما بَدا لِيَا؟ بَدا ليَ أنَ النّاسَ تَفنى نُفُوسُهُمْ, وأموالهمْ، ولا أرَى الدهرَ فانيا ...

او
ألا ليت شعري هل لمافات مرجع, ألا زورة تروي الغليل وتنقع. ألا سلوة تشفي الفؤاد من الجوى, وتبرئه إني من الوجد موجع. ألا لب لي إلا تجلد برهة

 

[متداول حريص]

السلام عليكم ورحمة الله وبركاته

يقال بأن غلطة الشاطر بعشر

من بداية سماعى للخبر (وقف التداول) وأنا فى صراع و نزاع منهو سعيد الحظ اللي قعد بالسوق..... وإلا اللذى برا

هل من هو كاش وينتظر الفرصه أوفر حظ أمن هو داخل القرقور

ممكن تصير أحوال حتى ولا تطري على البال

من لديه وجهة نظر يدلى بها ....فليس لنا من الأمر شئ إلا السوالف والحداء ....ويا ليتهم أوقفوها في وقت مضى وأنتهى


ملاحظه

والله لو كان فيه مجال للتأثير على أحد بالخروج أو بالدخول لما كتبت هذا الموضوع ......ولكن بعد أن سبق السيف العذل.....فلا بأس من النقاش والتحاور فالهارب هارب والمصيود مصيود و الخيره خفيه

أخي العزيز حاطب,تصدق إني واحد من الناس مصيود من جهتين فبالإضافه إلى إنهم وقفوا التداول اليوم وهذا يعتبر عادي يعني على الكل ولكن المشكله إني أملك بسهم مهدد بالإيقاف يوم الأحد بسبب التأخر بتقديم البيانات الماليه يعني بالعامي لا طبنا ولا غدا الشر وتجمدت الفلوس.