▀▄▀ مواليد السبعينات بس يدخلون ▀▄▀

الموضوع في 'إستراحة المنتدى' بواسطة Kuwait, بتاريخ ‏16 نوفمبر 2008.

  1. Kuwait

    Kuwait مراقب

    التسجيل:
    ‏28 فبراير 2006
    المشاركات:
    1,394
    عدد الإعجابات:
    7
    مكان الإقامة:
    ♡♥ Kuwait ♡♥
    وصلتني رساله من واحد من الربع بالايميل

    يذكرني بسوالف قبل

    وطبعا مواليد الستينات داشين معانا بالحسبه



    تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه .



    تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع ( بلاستر وباندج)



    تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل -



    تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
    تفاخيه وطبعا لاتفاخيه ولا قالها الله لين تطلع بلاعيمك منه .




    تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر


    تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها شنو هالشفاحه من لاحقكم



    تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب .




    تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
    خدامتكم تلاقي اصابيعك اتعربك.....صج كانت معاناة بالعيشه.




    تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....


    تذكرون شريط الشراغي الاحمر اللي اذا اخترب المسدس ماله مايبيله كلام حًول على جوتي الوالد وكمل عليه بالكاشي والا على عتبة الباب اخر شي الوالد مكمل عليك بالجوتي لووووووول


    تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه .



    تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.


    تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره .




    تذكرون عزايم قبل والسماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.




    تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله .



    تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم .



    تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره



    تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
    كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ .




    تذكرون كمبي وتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول .

    تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش ( تقول فرقة التلفزيون لوووووووووووووووووووووووووول .)



    تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم ....
    لووووووووووول .



    تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف .....
    ترررررن تررررررن سكشن فايف.....هاي سوبر فالكون ههههههههه .





    تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .


    تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول .




    كل اللي نقلته لكم

    انا مسويه :)
     
  2. محيسن اللقلق

    محيسن اللقلق عضو جديد

    التسجيل:
    ‏4 سبتمبر 2006
    المشاركات:
    296
    عدد الإعجابات:
    0
    حسبي الله على ابليسك ... حركت المواجع ... يا حلاة ذيج الايام واهلها

    ااااااااااااااااااه من القلب وبتنهيدة حارة ...

    عسى الله يحفظ الكويت واهلها قول آمين كوووووويت .

    ملاحظة : شكلك مالحقت على كشاكيل الشيخ صباح الله يرحمه
     
  3. ورق خسران

    ورق خسران عضو نشط

    التسجيل:
    ‏19 يناير 2008
    المشاركات:
    2,439
    عدد الإعجابات:
    0
    مكان الإقامة:
    الكويت الحبيبه
    ايي والله
     
  4. Kuwait

    Kuwait مراقب

    التسجيل:
    ‏28 فبراير 2006
    المشاركات:
    1,394
    عدد الإعجابات:
    7
    مكان الإقامة:
    ♡♥ Kuwait ♡♥
    حتى على ملابس وزارة التربيه وتوزيع الاكل الصبح

    بيض وحليب ومادري شنو:)

    مواليدي 1975 توني صغير
     
  5. محيسن اللقلق

    محيسن اللقلق عضو جديد

    التسجيل:
    ‏4 سبتمبر 2006
    المشاركات:
    296
    عدد الإعجابات:
    0
    لالالالالالالالا عيل غزاك الشيب من مبطي ;)... عسى الله يعطيك الصحة والعافية ...
    وشكراً من القلب على هالموضوع الجميل :cool:...
     
  6. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    أنا أذكر لما أنجح يشتري لي أبوي ماكنتوش وأوزعه على الصف والاساتذه بعد .. ترى شطور لما كنت صغير بس شكلي الحين قفلت :)

    وأذكر أسوي عزيمة النجاح كبسة دجاج وسطل فيه فيمتو وطاسه صغيره داخله وأغرف منها وأشرب :)

    ياحلوها من أيام
     
  7. maha_Q8

    maha_Q8 عضو نشط

    التسجيل:
    ‏19 يونيو 2008
    المشاركات:
    4,537
    عدد الإعجابات:
    4
    مكان الإقامة:
    الكويت.. ((جبــله ))
    عاد سطل مره وحده :)

    شكلها ايام كانت حلوه الله يعطيكم طولت العمر
     
  8. شكير

    شكير عضو جديد

    التسجيل:
    ‏11 ديسمبر 2005
    المشاركات:
    192
    عدد الإعجابات:
    0
    الله عليك ذكرتنا بس نسيت مقول شهيره بذيك الفتره

    من عنده فيديو صغير ؟؟؟
     
  9. النجدي2007

    النجدي2007 عضو نشط

    التسجيل:
    ‏13 مارس 2007
    المشاركات:
    2,755
    عدد الإعجابات:
    0
    مكان الإقامة:
    الكويت مني وفيني
    ذكرتنا بالي مضي انا من مواليد 1977
     
  10. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    تذكرون اول ماطلعت الشاورما ؟؟ نسميها سندويشت قص
    عطنا اثنثن قص
     
  11. Kuwait

    Kuwait مراقب

    التسجيل:
    ‏28 فبراير 2006
    المشاركات:
    1,394
    عدد الإعجابات:
    7
    مكان الإقامة:
    ♡♥ Kuwait ♡♥
    ايام قبل احلى بصراحه

    شاكر للجميع على الردود
     
  12. بومشاري 97

    بومشاري 97 عضو نشط

    التسجيل:
    ‏26 أغسطس 2007
    المشاركات:
    330
    عدد الإعجابات:
    127
    مكان الإقامة:
    الكويت
    الله يغربل ابليسك
    من وين ذاكر هالسوالف
    ذكرتنا بالذي مضى
    عيل تذكر المصارعة الحرة لما يحطونها بتلفزيون الكويت
    سوبر فلاي سنوكا
    هولك هوجن
    اكو واحد ياباني اسمه مستر فوجي كله عنده ملح
     
  13. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
    كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ .
    هههههه والله عندكم خووووووووووش سوالف
     
    أعجب بهذه المشاركة away1979
  14. شجرة العود

    شجرة العود عضو جديد

    التسجيل:
    ‏10 سبتمبر 2008
    المشاركات:
    1,816
    عدد الإعجابات:
    2
    مكان الإقامة:
    ديرتي
    ياسلااااام أحلى موضوع قريته بالمنتدى وبدون مجاملة لأن مو أول كلمة قريتها وانا ابتسم ومرات أموت من الضحك الله يجزاك الجنة يا kuwait بعد عمر طويل ونستنا موضوعك المميز

    تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
    تفاخيه وطبعا لاتفاخيه ولا قالها الله لين تطلع بلاعيمك منه .
    حتى أذكر ابكي لما أحد يحاول يلمس النفاخية لأنها بسرعة تنبط وارجع اسوي وحدة من يديد

    مشكووور ما قصرت وتأكد من فترة لفترة برجع اقرأ الموضوع مرة ثانية لأنه يونس
     
  15. Kuwait

    Kuwait مراقب

    التسجيل:
    ‏28 فبراير 2006
    المشاركات:
    1,394
    عدد الإعجابات:
    7
    مكان الإقامة:
    ♡♥ Kuwait ♡♥
    شكــــــــــــــــــــرا

    على كل رد حلو
     
  16. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  17. Kuwait

    Kuwait مراقب

    التسجيل:
    ‏28 فبراير 2006
    المشاركات:
    1,394
    عدد الإعجابات:
    7
    مكان الإقامة:
    ♡♥ Kuwait ♡♥
  18. شجرة العود

    شجرة العود عضو جديد

    التسجيل:
    ‏10 سبتمبر 2008
    المشاركات:
    1,816
    عدد الإعجابات:
    2
    مكان الإقامة:
    ديرتي
    تم رفع الموضوع
    لتوسيع الصدر بعد هالمشاحنات اللي صارت بالمنتدى
     
  19. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    اي والله وانتي صاجه
    على فكره انا قرأة الموضوع اكثر من مره
    وكل مره أموت من الضحك ..........الله يعطيك العافيه مراقبنا
    والف شكر على الموضوع الجميل

    ولكم طولت العمر جميعاااااااااااا
     
  20. بن فرناس

    بن فرناس عضو جديد

    التسجيل:
    ‏31 مايو 2007
    المشاركات:
    508
    عدد الإعجابات:
    0
    يا حلوها من ايام

    كانوا الناس على الفطره

    وما كنا نشيل هم شيء

    مشكور مشرفنا