تفتيش دعم العماله

[شكير]

اخواني انا اليوم كنت بمكتبي بالعصمه ومروني تفتيش دعم العماله وحقيقه انا صارلي مده ماشفتهم ومن حديثي مع الموفتش عرفت منه انهم هالايام قايمين بحمله تفتيشيه خاصه على العاصمه وباقي المناطق تبدا من اليوم
نصيحتي للاخوان اتواجد باماكن عملهم هلايام حتى لايدشون في مشاكل اعدت الملف وتوقيف الراتب
وبالتوفيق

 

[كويتي 24]

عدل كلامك احنا امبلشين حمله على العماله الوطنية لاني مفتش عماله وطنيه على البابين الخامس ( اصحاب العمل ) والباب الثالث ( الموظفين بالشركات ) وتفتيشنا بنظام المتابعه يعني طول السنه للتدقيق على العماله الوطنيه لان اكثر الي يقدمون وهمي او لتكمله النسبه فشكر
من الشركات راح تتخالف وتتوقف بسبب العماله الوهميه او الي مايداومون عبالهم الي يسجل ياخذ راتب وخلاص مايدرون في متابعه عليهم وسحب الرواتب الاوليه ال خذوها خصوصا الي شركته
غير قائمه
والتفتيش على كل المحافظات مو بس العاصمه

 

[mohamm3d]

ياريت تفتشون على القطاع الخاص الكبير اللي مايوظفون الكويتيين وكلام

 

[كشخه]

نص ماخذين دعم العماله قاعدين بمصر ولاردن

خل يصيدوونهم

 

[خالد المـطيري]

اعوذ بالله بالحسد لانتو راحمين الناس ولا مخلين رحمة الله تنزل استغفر الله جنه الواحد ياخذ من معاشكم اعوذ بالله ابوي مايقدر على الا امي الناس الواصله ماتقدرون عليهم واهل الدماء الزرقاااء

 

[أبو أنفال]

.

نعم صدقت يا خالد المطيري

خل يدورون ويفتشوف مو كأنه نص وثلاث ارباع موظفين الدوله قاعدين في بيوتهم
الحاسد ::verymad::::verymad::في الآرض والرازق في السماء​

.

 

[ابو ريتاج]

نص ماخذين دعم العماله قاعدين بمصر ولاردن

خل يصيدوونهم

===============
وبعدين وش الفايده من كلامك هذا ... كل هذا حسد اعوذ بالله من الحسود ...بعدين مو قاعدين سياحه ولا كشخه ..هذيلا شباب قاعدين يدرسون ..

 

[حمود الفشقه]

إذا الكلام من فضه فـ السكوت ذهب

 

[كشخه]

ابو ريتاج هلا
لا حسد ولا شي
اول شي معاش حرام
يعني ترضى موظف حكومي يستلم 500 دينار وهذا قاعد لا شغل ولا مشغله يستلم 300 دينار ؟؟؟

نبي الخير حق الديره

 

[(فزاع)]

مشكلة الديره ..
بالحسد ..!​

 

[bo__ali]

ابو ريتاج هلا
لا حسد ولا شي
اول شي معاش حرام
يعني ترضى موظف حكومي يستلم 500 دينار وهذا قاعد لا شغل ولا مشغله يستلم 300 دينار ؟؟؟

نبي الخير حق الديره

ياهلا واللله اخوي كشخه
لا والله اخوي الا حسد ونص بعد
بعدين مايصير تحلل وتحرم يخوي
انت تقول ترضى موظف قاعد بيته ويستلم 500 دينار وهذا قاعد لا شغل ولا مشغله يستلم 300 هذأ شنو مو حسد
يخوي انت شعليك فيهم انت مو قاعد تتدفع من عندك صح
بعدين شدراك هذا الي يستلم 300 دينار قاعد لا شغل ولا مشغله نصهم يدرسون ونصهم ناطرين الوظيفه
بعدين هذا الي يدرس يحتاج معاش يبي يشتري سيارة تودي وتيبه يبي يعبي بانزين يبي يعبي كرت يبي يصرف على نفسه الخ....

 

[كشخه]

بوعلي شلون نصهم ناطرين وظيفه وهوو مسجل بالديوان انه موظف بقطاع الخاص وياخذ دعم العماله
شلون ينطر



الله يعطيكم العافيه
وبيضه الله وجيهكم

 

[bo__ali]

يا هلا فيك اخوي كشخه
يخوي انا اعرف شخص مسجل بالديوان وياخذ دعم عماله

 

[kappa]

اللي عنده شك ان راتب دعم العماله

اللي ياخذه الموظف وهو مايداوم انه حرام

يسئل اي شيخ دين هل حرام اخذ راتب على اني موظف لدى شركة

وما اداوم ولا حلال .. لكن خلك واضح مع الشيخ .. علشان لا تقولون حسد ومن هالكلام

 

[خالد المـطيري]

اعوذ بالله مناشبين الطلبه والموظفين على 500 دينار وهادين الي يبوق بالملاين وهادين الي ياخذ المناقصات مثل الفحم المكلسن والمدينه الاعلاميه بالمليارات وو وو وو وو استغفر الله خلوني ساكت لا اخربها الحين

 

[bo__ali]

اعوذ بالله مناشبين الطلبه والموظفين على 500 دينار وهادين الي يبوق بالملاين وهادين الي ياخذ المناقصات مثل الفحم المكلسن والمدينه الاعلاميه بالمليارات وو وو وو وو استغفر الله خلوني ساكت لا اخربها الحين

اي والله صدقت يخوي كلامك 100/100

 

[bahry_y]

مستحيييييييييييل مستحيييييييييييييل واحد مسجل بالديواان وياخذ دعم العماله ولي يقوول انا اعرف واحد... اعرف انه هذاا بس قاعد يتكلم وهو مايدري وين الله قاطه

 

[bo__ali]

مستحيييييييييييل مستحيييييييييييييل واحد مسجل بالديواان وياخذ دعم العماله ولي يقوول انا اعرف واحد... اعرف انه هذاا بس قاعد يتكلم وهو مايدري وين الله قاطه

افااااااااا
تقصدني انا يالله ماعليه مقبوله منك

 

[شكير]

الاخوه الاعزاء بعد التحيه الحقيقه انا ماكنت متوقع ان الموضوع بياخذ هذا الحجم الكبير من الاخذ والعطاء انا لوكنت عارف الي بيصير لكنت طرحت الموضوع بصيغه ثانيه يشهد الله ان كان هدفي تنبيه الاخوان علشان يداومون هاليومين وانا احي جميع الاخوان واحترم كل راي طرحوه
وانا راي ان البلد فيها خير والي تقطه برى اكثر من الي تصرفه على عيالها
واقول الي يدرسون مايخالف
والي ينطر لحد مايلقى وضيفه هم بعد كله واحد
لاكن هناك فئه كبيره لاتستحق دعم العماله بجميع طرقها
وهي بعض الاشخاص الذي عايشين برى الكويت ويشتغلون في بلدان اخرى ويحملون جنسيتين
هذول هم سبب المشكله والي مخربين علينا ومسوين لنا ضغط من التفتيش

 

[core99]

الأجر مقابل العمل...
يا أخي أنت تستلم معاش بدون عمل ... هذا حلال أو حرام...

طيب إذا قلت حلال ليش حاط إيدك على قلبك من المفتشين.... ليش تبي تداوم بس علشان يشوفونك مداوم... هذا لف ودوران وكذب و أكل مال بالباطل..طيب إذا صادوك وأنت مو مداوم يقطعون هالعلاوه شمعناة هالكلام..لو أن اللي تسويه قانوني ومثل البشر كان مو هذا فعلك..

وبعدين أنا موظف قطاع خاص وأداوم مثل الناس محلل معاشي .... وأنت وغيرك يخرب على يعني ممكن يقطعون هالعلاوه والسبب لفك أنت ودورانك..

وبعدين لا تكون إمعه ... قال رسول الله صلى الله عليه وسلم (( لا تكونوا إمعة، تقولون إن أحسن الناس أحسنا، وإن ظلموا ظلمنا، ولكن وطنوا أنفسكم، إن أحسن الناس أن تحسنوا وإن أساءوا فلا تظلموا))..

يعني مو تشوف السارق وتسرق وتشوف الكذاب وتكذب وإذا خاطبك الناس تقول شوف فلان وفلان .. هذا كلام غير صحيح .. من مبدأ العدل أن تعدل مع نفسك وتنصفها ما تهينها وتظلمها في الحرام بمجرد أن اللي حواليك حراميه..

ودمتم