شنو صار اليوم مباراة القادسية والكويت

[kwt.to.kwt]

شنو صار اليوم مباراة القادسية والكويت




ممكن احد يوجزها لنا
ما شفت المباراة
لكن اشوف الوطن بلاس وضيوف البرنامج مستائين
​

 

[(فزاع)]

أوقف اللعب
بسبب انسحاب الحكم وعدم قدرته علي اكمال المباراة​

 

[kwt.to.kwt]

ليش وقفها
وكم كانت النتيجة
وشكرا يافزاع

 

[(فزاع)]

ليش وقفها
وكم كانت النتيجة
وشكرا يافزاع

العفو يا قلبي ..
النتيجه كانت 2\1 .. لصالح القادسيه ..
واللي سجل الاقوال اهو بدر المطوع ..
كان احد الاقوال .. من ضربة جزاء ..

اما بخصوص نادي الكويت فـ اللي سجل قولهم اهو العجمي ..

دمت بود ​

 

[يقولون]

كالعاده القادسيه فايزين

 

[chart-man]

اهم شي القادسيه فوووووووووق

انا اتوقع خالد الفضلي قااااعد يقضي على ماتبقى من تاريخه ومكانته باخلاقياته داخل الملعب
واكبر دليل مافعله مع المطوع والله عيب

 

[coooool2]

رغم اني ما اتابع الرياضه .. و لا اهتم بالكووره

رغم اني احرص يوميا على متابعه الاخبار السياسيه .. لفت نظري خبر هوشه بالملعب و النتيجه وقف المباراة ..

 

[kwt.to.kwt]

يقولون بدر المطوع
ومساعد
اعتدوا على حكم الراية

 

[مساهم11]

اول مره تصير بتاريخ الكره
هروب الحكم من ساحة الملعب في ظل وجود كامل عدد الفريقين
والاصل هو انسحاب فريق وليس هروب حكم
وهو الحكم خميد عرب
وشي غريب جدا

والاقوال تقول ان فيه احتمال اعادة المباراة

 

[Balool]

هذا الحكم و انطق بعد يبون الرياضة ترجع .. ان شاء الله ما يردون العضوية فيفا دام الروح ما تطلع الا على الحكم الفقير .. يعني ترجع العضوية الي الحين يسمع يقول اول ما ترد العضوية بنفوز

 

[سهم فسفوري]

اهم شي القادسيه فوووووووووق

انا اتوقع خالد الفضلي قااااعد يقضي على ماتبقى من تاريخه ومكانته باخلاقياته داخل الملعب
واكبر دليل مافعله مع المطوع والله عيب

تاريخ....!!! لاتعليق

 

[KuWaiT DriFT]

لووووووووووووووول والله حاله

والله يا جماعه انا صاحبي كان بالمباراة يقول شي مو طبيعي صاااار !!!!!

يقول الفضلي ركض ركض ركض ركض من المرمى لمن نص الملعب و مسك الحكم و طقه بوكسات هههههههههههههههه

أي رياضه أي بطييخ أي فيفا حتى شين وطنيه ما يسجلون عضويتنا

موفقين جميعا و خلوكم على دوري الانجليزي وربعه احسن لكم

 

[شهوب]

اتفضل

http://www.youtube.com/watch?v=ew8nw0Zoezg

 

[kwt.to.kwt]

يقال إن مساعد ندى
لما كان محترف بالدوري القطري
محترم جدا ووديع !!!

 

[fabulass]

الصراع على اتحاد الكرة امتد حتى الى المباريات هذه الأيام !

 

[kwt.to.kwt]

شفتوا مباراة التضامن والسالمية
واللاعب اللي ضرب الحكم
اتوقع رااح فيها وسيتم اعتباره كبش فداء
لأنه من نادي التضامن