صندوق الهنـد 490 فلس أكتوبر

[DOCTOR]

وصل صندوق الهند 490 لشهر اكتوبر

 

[3lgm]

إذا قصدك صندوق الهند اللي تابع المدينة مو البنك التجاري , أنا سحبت منه الشهر اللي طاف , كان 630 , صفيت على نص فلوسي تقريبا, بس لي الحين ما نزلولي فلوسي .

 

[Doc30]

عاد هذا قالو عنه من احسن الصناديق بالكويت

 

[3lgm]

أهو مو الخوف من عدم تنزيل الأرباح يا ديلر , المصيبة إذا تصفى الصندوق بسبب إنخفاض قيمة وحداته لأقل من نصف قيمتها و ولما يتصفى وما عنده اللي يغطي فلوس المساهمين .

 

[3lgm]

أنا أشهد يا ديلر , بس شدرانا إن بيصير جذي.
أنا متدبس بصندوق أعيان لمجمعات دبي , مو راظيين يعطوني فلوسي و يقولون روح دورلك شراي حق وحداتك أو أنطر يجينا واحد , هذا البلا يا خوي.

 

[3lgm]

شوته يا معود , ترا كل شهر بنزول , أنا كنت متهدد عليه من شهر 8 يوم بلش النزول , ولو إني مسيله جان مو خسران شي , ولي الشهر اللي طاف والموظف يقولي بيصعد حرام عليك تسيل , وهذا اهو كل شهر بنزول , ما أدري متى ناوي يصعد.
الله يسلمك عندي صندوق ولث منجمنت بالستي بنك اللي بالبحرين , صج ناس شرفا عكس ربعنا , من بلش النزول , سيل نص محفظتي المسؤول عن حسابي , وكنت عنده الأثنين اللي طاف , قالي الدشه بالنص الكاش مو قبل 6 أشهر .

 

[3lgm]

لا دق علي وبلغني إن فيه خسارة 20 % إن سيل وحذرني من اللي ياي , فرحت ووقعت أوراق وبعدين سيل.
خوش إدارة , إنت تنقي شنو تبي تستثم فيه والمدة ونسب الربح والمخاطرة.

 

[market-maker]

ياجماعه الاسواق كلها نازله بس ان شاء الله كل شي بيتعدل والصندوق السنه إلي طافت محقق ربح موطبيعي وهذه السنة نزول وان شاء الله بيرتفع

 

[نيويورك]

ألحين هالصناديق بمدراءهم و امكانياتهم .. ما يعرفون شي اسمه ستوب لوز ...!؟!؟!؟! .. ليش ينطرون على نسب خساره كبيره جدا ..

 

[Bo_jassim]

آمن مكان حق البيزات هل يومين ولي صج يحميليك اياه اهيا كاشيت بيتكم

 

[hanon2222]

الله يستر

أعتقد احداث التفجيرات الهند اليوم ستأثر سلبياً على الصندوق..
الله يستر

 

[الفسكرة]

آمن مكان حق البيزات هل يومين ولي صج يحميليك اياه اهيا كاشيت بيتكم

ياليت يعيدون شيحفان القطو لتعم الفائدة

 

[ابو سالم]

وين شطارتكم امس حاطين واحد من شركة المدينة يتكلم في مارينا أف أم
محد فيكم كلف على نفسة يتصل ويسكت الناس الي يطبلون حتى في الأذاعات الظاهر تعودعتوا على التحلطم في المنتديات

 

[مضارب غ معروف]

كم وصل قيمة الصندوق اقصد كم اعلى شي وصله الصندوق من تاسس؟

 

[3lgm]

أنا دشيت كان دينار , يوم وزع 88 % .