أبي فيلا بنيانها حلو وموقعها زين ولايتجاوز سعرها 145000 دينار

[على حمد]

الكتاب واضح من عنوانه

خاطري بفيلا للعيال موقعها زوين وبنيانها طيب وبالمنطقة العاشرة ولا يتجاوز

سعرها 145 ألف دينار .

بانتظار ردودكم ​

 

[fahad100]

اعتقد ستحصل بهذا السعر

اسعار الاراضي على ما اعتقد وصل 90000 في العقيله وأقل

والبناء رخص

60000 يسوي لك دورين ونص

والاسعار في نزول اكبر ..................... بالتوفيق

 

[life-enginer]

طلبك اظن موجود بفهد الاحمد قطعه 2

 

[على حمد]

آآآآآآآآآخ ...يا فهد دست على الجرح

من زمان وأنا ادور بالعقيلة ...لكن عجزت احصل مع اني أموت بهالمنطقة

تقبل تحياتي

 

[على حمد]

هلا اخوي life-enginer

الصراحة أنا بيوت حكومية ما أبي

أبي قسايم ان حصل

وتقبل تحياتي

 

[bug]

العقيله الحين اقل بيت ١٨٠ الف و فوق... و هذا اللي حده خايس. بهالاسعار تحصل الصيف الياي اذا الوضع ما تعدل. الحين احسن حل تدورك ارض و تاخذها و تبني. يقولون ابوفطيره تحصل اراضي على ٦٠ و٧٠ الف بس تبني بعد اقل شي سنه ولا سنتين. اذا تبي الحين بهالسعار تحصل جابر العلي ، القصور ، الصباحيه ، او حكومي معدل بالقرين.

والله يوفقك

 

[عبدالله1967]

اعتقد ستحصل بهذا السعر

اسعار الاراضي على ما اعتقد وصل 90000 في العقيله وأقل

والبناء رخص

60000 يسوي لك دورين ونص

والاسعار في نزول اكبر ..................... بالتوفيق

الحديد نزل سعره ولكن بقية المواد كالاسمنت او مواد التشطيب لم يتغير سعرها

بالوقت الحالي وحسب ماأسمعه من اللي يبنون لاتستطيع ان تبني باقل من 80000 للدورين ونص يعني ياخذ له جاهز اريح له اذا كان 160 او 170

او ينتظر ان تصل اسعار الاراضي بالعقيلة الى حدود 60 الى 70 وهذا يحتاج صبر سنة ويمكن اكثر على حسب الظروف القادمة


فالافضل برأيي ان يشتري في بوفطيرة بالاسعار الحالية على امل تنفيذ البنية التحتية خلال سنتين او ثلاث

 

[fahad100]

آآآآآآآآآخ ...يا فهد دست على الجرح

من زمان وأنا ادور بالعقيلة ...لكن عجزت احصل مع اني أموت بهالمنطقة

تقبل تحياتي

يا عسا ربي يرزقك بالبيت الحلال والمبارك

ان شاء الله الاسعار قريب راح تنزل اكبر

والنفط صار اقل من 38 دولار

وهذا يساعد على النزول

كلها اسابيع وان شاء الله تلقى

الله يرزقك يا رب

 

[على حمد]

وانت دوم عساك سالم يا ابو الفهود

وانشاءالله تنزل هالاسعار وكل واحد يقدر يضف عياله ببيت

لأنه بصراحه النفط ارتفع وبدال ما يصير عون للناس صار زيادة هم

الاسكان وقفت كل المشااريع والاسعار ارتفعت ولا طلنا بيوت الاسكان ولا طلنا الشراء

وتقبل تحياتي وبارك الله لك وفيك

 

[على حمد]

للرفع لا اكثر ولا اقل