حدث غريب امس مع زين اقصد(( شين )) عينك عينك

الموضوع في 'السوق الكويتي للأوراق الماليه' بواسطة المانع, بتاريخ ‏3 ديسمبر 2008.

  1. المانع

    المانع عضو نشط

    التسجيل:
    ‏25 فبراير 2008
    المشاركات:
    1,991
    عدد الإعجابات:
    6
    مكان الإقامة:
    الكويت
    (( الجزء الاول))

    حدث معى امس امر غريب مع زين كنت اتصل على بنك التمويل وكنت تونى معبى كرت ايزى عقب ماعبيت الكرت ب 5 ك وبعدها اتصلت على بنك التمويل طلع البنك مشغول طوط طوط طوط شيكت على الرصيد ولا ناقص 40 فلس قلت لا لا مايصير وقمت ودقيت مره ثانيه وهم مشغول البنك طوط طوط وعدت السالفه مرارا لما اخصمو منى 250 فلس على طوط طوط اى كان مشغول وتصلت على الشكاوى وقلت حق الموضف السالفه وقالى بكتبلك طلب متابعه عاجل ;) واليوم دق التلفون ولا يقول معاك المركز الفنى او ماشابه ذلك قالى مقدم طلب قلت نعم وكملت السالفه وقالى صحيح كلامك وقالتله شنو الحل قالى هم انا بقدملك طلب متابعه :eek: وبعد ثوانى اندق عليك السالفه اطلعت لعب فى لعب ؟

    (( الجزء الثانى )) اكمال اهوال شيييين مع ( المحامى )

    مو شنى مصختها :D

    وهذى سالفه منذ 7 اشهر كنت مشترك مع خدمه ( ايقو ) وبعدها كنت بسافر فقمت وتصلت على خدمه العملاء وكلمنى البروكر وقلت حق البروكر ابى اقطع اشتراكى من الايقو لانى بسافر وكلمت الاخ شهر 5 الى طاف وقالى مايحتاج تقطع الخط من عندنا اهو تلقائى اذا مادفعت ينقطع ويتكنسل وقلت حق البروكر اكيد ماينزل على اشتراك بعد مارد من السفر قالى هذا شغلنا واحنا انعرف شغلنا اخوى لاتحاتى شى :cool: وبعد مارديت من السفر دق على محامى مصرىوقالى عليك اشتراااك ايقو 3 شهور ولازم دالوئتى تسدد الى عليك ولا نتخذ الازم وقلت وكلمنى بعدها محامى ثانى وقالى هم سدد الى عليك وشرحتله السالفه وماكو فايده وعطانى مهله اكلم خدمت العملاء و دقيت على خدمه العملاء وقلت لهم برد الاشتراك قالى الموظف مايسير لازم اتسدد الى عليك قلت شنو الى على قالى 3 شهور وعاد شرحتله الى صار بالسابق وقدم طلب متابعه وماكو فايده وقالى لازم تسدد ال3 اشهر الى عليك وقمت كلمت واحد من الربع له علاقه ببعض المسؤلين وماقصر طلعى التسجيل اليوم والشهر والتاريخ والوقت وقالى روح حج المدير بالتسجيل ودخلت على المدير وشرحتله القصه وقالى بس خلنى اتاكد من المكالمات السابقه وعقب ماتحرى قالى ماكو مكالمات بهل السالفه ولازم تسدد وطلعت التسجيل ونصدم لا اسفين وحقك علينا والغى الفاتوره الى على بس قالى امسح التسجيل :eek:

    الجزء الثالث لطش من ماستر كارد شركه زين :cool:

    انا دايم اسدد حق الايقو من الماستر كارد عن طريق خدمه العملاء وتصل عليهم ويخذون رقم الماستر وسددون عن طريقه ويالى مسج من البنك بالخصم ثلاث مرات بدل المره الواحده وتصلت عليهم ولا بالبال كل يقولون نقدملك طلب لين قابلت المسؤل شخصيا وماكو فايده وقلت ماباليدحيله الا اروح بيت التمويل واخذ كشف حساب الى تم عن طريق الشركه وتبين فعلا انهم خاصمين ثلاث مرات ورحت حق نفس المسوؤل وحطيت كشف الحساب بعيونه وردلى افلوسى

    :(

    الغرض من كتابه الموضوع
    والله ماتسوى علينا كل يوم نروح انطالب بحقوقنا ذليتينا ياشين ياشينك شينا
     
  2. وايلي

    وايلي عضو نشط

    التسجيل:
    ‏8 ابريل 2008
    المشاركات:
    2,719
    عدد الإعجابات:
    2,905

    صدقني انهم حراميه عيني عينك
    وانت واحد من ملايين
    وفيه ناس ينخصم منهم ولا يدرون
    وربي مره صدتهم ورولي الحساب
    بعد فظايح
    منوا الي بيشيك على الرصيد كل شوي
    خلها على الله​
     
  3. المانع

    المانع عضو نشط

    التسجيل:
    ‏25 فبراير 2008
    المشاركات:
    1,991
    عدد الإعجابات:
    6
    مكان الإقامة:
    الكويت
    اشكرك على مرورك يالغالى فعلا لازم الواحد اشيك على هالامور ومايتجاوز عنها شكلهم كل مايخسرون يطلعون خسايرهم من الناس الله يجازيهم
     
  4. D.NeT

    D.NeT موقوف

    التسجيل:
    ‏12 أكتوبر 2008
    المشاركات:
    1,157
    عدد الإعجابات:
    0
    مكان الإقامة:
    عمار يا كويتنا
    ياجماعه سؤال ورد غطاء

    من اين اتت اموال الشين واصبحت من اقوى شركات الاتصالات بالشرق الاوسط ؟!

    الجواب : سنة 1982 وهي بوق بجيوب المواطنين ... حتى البيجر تاخذه 120 دينار والاشتراك تاخذه 100 دينار ومكالمات حدث ولا حرج بالملايين .

    كيف لا تصبح من اغنى شركات الاتصالات بالشرق الاوسط والاجابة من البوووووق
     
  5. الفاتح

    الفاتح عضو نشط

    التسجيل:
    ‏15 مارس 2006
    المشاركات:
    1,192
    عدد الإعجابات:
    0
    وانا صارلي مواقف مشابهة كله طلب متابعة يعني ادفع واسكت هذي سياسة شين مافي اي احترام للعميل
     
  6. المانع

    المانع عضو نشط

    التسجيل:
    ‏25 فبراير 2008
    المشاركات:
    1,991
    عدد الإعجابات:
    6
    مكان الإقامة:
    الكويت
    صاج اخوى وشوف منو الى يملك فيها واحد معروف ومايتمنى لنا الخير ولا ليللحين ماشبع افلوس الضاهر بكوش حتى على بيوتنا ومعاشاتنا
     
  7. سياف

    سياف عضو جديد

    التسجيل:
    ‏9 يوليو 2008
    المشاركات:
    686
    عدد الإعجابات:
    0
    هانت يالربع ,, عن قريب فيفاااااااااااااااااااااااا
     
  8. المانع

    المانع عضو نشط

    التسجيل:
    ‏25 فبراير 2008
    المشاركات:
    1,991
    عدد الإعجابات:
    6
    مكان الإقامة:
    الكويت
    انا مومنقهر الا من الموظفين المشكله يدرون انهم على خطأ ورقعون
     
  9. q8aty

    q8aty عضو نشط

    التسجيل:
    ‏15 أكتوبر 2008
    المشاركات:
    539
    عدد الإعجابات:
    0
    انا اول امس دافع واليوم فاصلينه ................ تعرف قبل العيد.عيديه شين.€ز
     
  10. ملخصات4 ثانوي

    ملخصات4 ثانوي عضو جديد

    التسجيل:
    ‏5 سبتمبر 2008
    المشاركات:
    153
    عدد الإعجابات:
    0
    الســــــــلام عــليكم


    هانت ياخـــوان هــانت
     
  11. المانع

    المانع عضو نشط

    التسجيل:
    ‏25 فبراير 2008
    المشاركات:
    1,991
    عدد الإعجابات:
    6
    مكان الإقامة:
    الكويت
    هلا بالحبيب تبى الصج الحق علينا لازم نفضحهم بالجرايد نفس مايذلون الناس بالمحامين ووراك وراك لى المطار عسى الله لايوفقهم
     
  12. المانع

    المانع عضو نشط

    التسجيل:
    ‏25 فبراير 2008
    المشاركات:
    1,991
    عدد الإعجابات:
    6
    مكان الإقامة:
    الكويت
    شباب موحاسين اليوم الايقو سريع ليش عشان تتحدى فيفا بس مو علينا هالكلام
     
  13. كويتي2006

    كويتي2006 عضو جديد

    التسجيل:
    ‏11 سبتمبر 2006
    المشاركات:
    1,166
    عدد الإعجابات:
    0
    هاكم الحل الحل الحل الحل الحل الحل الحل الحل الحل

    :mad:
    مشكلتكم يا اهل الديرة ، وخاصة يلي تكتبون مشاكلكم بهل المنتدى ، انكم تحبون التذمر والعويل والتحلطم ، دون طرح حل عملي ينفذ على ارض الواقع .

    عضو يكتب مشكلته والباجي يردون عليه بانهم هم مثله مظلومين وانباقوا وووو . ولم تتذكروا كما ورد بالحكمة : رحم الله من طار بجناح أو استسلم فأراح .

    بدل التحلطم اهني وبالدواوين كعادة شعبنا اللطيف ، اتخذوا خطوة ضد الي ارتكب ضدكم الخطأ او مثل ما تقولون انهم باقوكم . انت الي عندك ديليل انهم 3 مرات سحبوا منك ، وانت يلي عندك دليل انك الغيت اشتراكم وهم نزلوا عليك اشتراك 3 شهور وغيركم من اصاحب الأدلة ، اخذو دليلك وروحو للجرايد وخاصة الجرايد الي ممكن تتبنى هل الطرح وتحطه على الصفحة الأولى وتكسر الشركة وتسويها شعلله وتكون النتيجة بزوغ لجنة او جهة رقابية تدقق على هل الشركات . انا شخصيا اقترح ان يتم الغاء نظام الدقايق والوحدات ويستبدل بالاشتراك السنوي او الشهري مثل النت وبشرط يكون الاشتراك رخص التراب ويكون شامل مو مجزء ، يعني 105 دنانير او دنانير شهريا وتتكلم وترسل على راحتك ، علشان نقلص عملية الحرمنه ، انا اشدراني صج يحسب على كل دقيقة ولا يزيد من عنده . انا كذا مره اشوف احسابي يرتفع فجأة ولما اتصل عليهم يقولون هذي فاتورة الشهر الي طاف توها نازلة . عموما انا سمعت ان شركة فيفا راح تطبق نظام اشتراك يومي بقيمة ربع دينار باليوم ، يعني سبع دنانير ونص شهريا ، فاتوقع راح تكون ضربة للي استنزفوا اموالنا من خلال بيع الهواء ( المكالمات ) .

    عموما انا صراحة اتخذت اجراء عملي وكلمت احد الكتاب بالصحافة وحط الحل بمقالة وسوى مقارنه مع شركات اتصالات عالمية وشركة زين وراوا الناس الفرق بالأسعار ، ووضع تحليل حول ان زين ليس لديها ضرائب بالكويت بينما شركات اجنية تدفع ضرائب في دولهم ومع ذلك ارخص .

    الحين خلونا من التحلط . نبي اجراء عملي ، جم واحد فيكم صارتله مشكلة وطنشوه وعنده دليل خل نسوي بكج كامل ونروح فيه للصحف وبعض القنوات ( انا عندي قناة تتبنا مشكلتكم وتشرشح زين لكم بشكل مكثف ومع محامين ومسؤولين وتسويها صرقعه ) ونروح لبعض الأعضاء يحطون تشريع ضد هل الممارسات ( انا عندي لكم جم عضو يتبنا مشكلتكم ) .

    يلى خل نحط ايدينا بيد بعض وننهي المشكلة ، كثرة التحلط لا تصنع الحل ، والشعوب لا تحل مشاكلها بالتذمر بل بتشخيص المشكلة والبحث عن حلول ووضع خطة للتطبيق وثم رأيت النتائج وبالنهاية المحافظة على النتيجة كوقائية من ظهور غيرها .

    وشكرا :p

    وهناك مثل ( من ابتكاراتي ) يقول : الي يبوق بيضة راح يتجرأ يبوق جمل ، والي يبوق ناقلة راح يتجرأ يبوق سعر دقيقة مكالمة ، ولي يبوق حبة شعير راح يتجرأ ويبوق بعير ، وإلي يتجرأ ويبوق حبة فول راح يستمر بالبوق مهما تتحلط وتقول .
     
  14. ابو بـدر

    ابو بـدر موقوف

    التسجيل:
    ‏28 سبتمبر 2008
    المشاركات:
    139
    عدد الإعجابات:
    0

    تعتقد الصحافة راح تضحي بألاف الدنانير من اجل مواطن نصبت عليه شركة اتصالات

    حرب جريدة الوطن على الشركة الوطنية وملاكها سببها الاخيرة اوقفت الاعلانات فيها :)
     
  15. نائب

    نائب عضو نشط

    التسجيل:
    ‏7 يوليو 2006
    المشاركات:
    754
    عدد الإعجابات:
    10
    مكان الإقامة:
    الكويت
    لا وانت الصاج لان الشيخ خليفة علي الخليفة الصباح عضوا بشركة زين

    اما بالنسبه للقضايا فهي تتبني اي قضيه لكي تقبض ثمن السكوت من الشركة المبتزه لتضحي بمن لجأ لها

    يعني في كلا الحالتين الشركة دافعه دافعه بالعراقي ماخذ مهوس ماخوذ مهوس
     
  16. كويتي2006

    كويتي2006 عضو جديد

    التسجيل:
    ‏11 سبتمبر 2006
    المشاركات:
    1,166
    عدد الإعجابات:
    0
    هناك حكمة ( من تأليفي :p ) تقول : الشعب الذي يفقد الأمل ولا يحرك ساكنا ويخدر نفسه بالتبرير ، فليتحمل ما سوف يكون عليه المصير .

    وهناك حكمة هم من تأليفي :p تقول : اذا حاولت فامامك خيارين ، اما ان تنجح او تفشل ، وإذا لم تحاول ، فأمامك خيار واحد وهو ان تفشل .

    وهناك حكمة صعيدية ;) تقول : الرصاص إلي ما يصيبش بيدوش .

    خلونا نعمل دوشه ، خاصة وأن الفيفا الأن دشيت على الخط . :p


    وكما كنت اقول سابقا : وهم عاش بو عادل :rolleyes:
     
  17. Leoo

    Leoo عضو جديد

    التسجيل:
    ‏25 ديسمبر 2005
    المشاركات:
    213
    عدد الإعجابات:
    0
    مكان الإقامة:
    الكـــــــــــــويــــت
    السعوديين يشكون من فيفا ويقولون حراميه ومستانسين ان زين دخلت عليهم ...

    واحنا نشكي من ربعنا وفرحانيين بفيفا

    زيد أخو عبيد ,,,, وبكرة يبين

    خل تلفونك للضروره فقط
     
  18. قلب المؤشر

    قلب المؤشر عضو جديد

    التسجيل:
    ‏4 نوفمبر 2007
    المشاركات:
    469
    عدد الإعجابات:
    0
    مكان الإقامة:
    قــلب أمـــي

    وليش هالدوشه والفسفسه بالجرايد ؟
    قاطعوهم وأرتاحوا :cool:
     
  19. UNIX

    UNIX موقوف

    التسجيل:
    ‏9 ابريل 2007
    المشاركات:
    7,556
    عدد الإعجابات:
    1
    الغريبة ان وورن بوفيت ما عنده تلفون نقال. و مقدمه برنامج أوبرا، السيدة اوبرا وينفري توها تتملك نقال لأول مرة بحياتها و بضغط من صديقاتها.

    هذول مليارديرية و ما كان عندهم نقال، انت شعازتك فيه؟؟
     
  20. دخيل الله

    دخيل الله عضو جديد

    التسجيل:
    ‏17 يونيو 2006
    المشاركات:
    451
    عدد الإعجابات:
    0
    عادي، وحنا عندنا تريليورديريه امثال وحكم، وين تبي يقولونها بعد المنتديات "كويتي، اتشاقى وياك :D "

    سؤال على طاري السالفه، ما هو اكثر سؤال يطرح على النقال،خاصه اول ما ترد؟؟؟؟
    hint : النسره الاصليه لازم تسأله بعد نشرة الاخبار 10 بالليل وهي تعرف جاوبه للرجل فوق الاربعين
    للي تحت الاربعين تصيبه حاله انكماش وخرعه ويوطي صوته وشكله يكسر الخاطر في الدوانيه

    حاول تقول تريليوردير:p