علمت غيري كيف لاصـد ماجيـه
وانـا تعلمـت الصبـر والصلابـة
لأن الشجاع ان مالقى مـن يواسيـه
ان مانشدتـه مـا علمـت بمصابـه
مادام بعدي عـن رفيقـي بيرضيـه
نذرٍعلـي انـي فـلاطـق بـابـه
عيب التفت في جاه مخلوق وادعيـه
وللمبتلـي ساعـة دعـا مستجابـه
الضعف ماطيقه ولااطيـق طاريـه
والدمـع لايـرقـى ولا ينرقـابـه
والحلم يغنيني عـن الكبـر والتيـه
والظلـم محصينـي كآبـه كـآبـه
ان ماجمعت اوجيه مافـرّق وجيـه
ومـن لابنيتـه ماسعيـت بخرابـه
وانا لو انـي بلتفـت بلتفـت ليـه
الرمـح غالـي والفريسـة ذبـابـه
بدري على احسب له حساب واوجيه
وبدري عليه يشيلنـي مـن حسابـه
كانـي عتقتـه بأعتقـه رأفـةٍ فيـه
إلا الطلابـة ماخشيـت الطـلابـة
مهب على شانه ,عشـان المشاريـه
سامحـت طيشـه وابتليـت بعذابـه
اليا كسر في خاطرك شخص تغليـه
حتى المعاتب تستحـي مـن عتابـه
اللي سكن صدري من الغيظ يكفيـه
ملـت تفاصيلـي سكـوت ورتابـه
اللي بيدخل فـي مزاجـي بأسويـه
وبخاطـب الفـظ الغليـظ بخطابـه
مثل الغلا اللي باخذه منـه بعطيـه
ويسمع جوابي مثل ماسمـع جوابـه
لو كل شخص بيحتقر في باخاويـه
ماكان حزت من المراجـل مهابـه
ياهيه مثلـي مايقولـون لـه هيـه
مـدري متـى تتعلمـون الـذرابـة
اللي معلمـك الكتابـة علـى يديـه
لمحة بصر ويبعثـرك مـن كتابـه
ومثلي لامن قلت لـك قـولٍ يوفيّـه
والقرم لامـن وكّـد العلـم جابـه
سمّه تحـدي سمّـه اللـي تسمّيـه
بس الوكاد انـه مهـوب استجابـه
اللي مهـب قـد المواجـه يخليـه
ومن لاقـدرت تهيّبـه منـك هابـه
الله يعـز وجيـه ويطمـن وجـيـه
وحنا بشر لكن بشـر وسـط غابـه
ومن لافزع بالكايـدة مـع بنيخيـه
وقت الرخا مايحسب حسـاب لابـه
للشاعر حامد زيد