للبيع لابتوب hp ( بصمة ) duoCore2 بحالة ممتازة مع جنطة كشخة-شاشة14+ Wفيستا -ريكفري

[Hi5]

سلام عليكم شباب

للبيع لابتوب hp بحالة ممتازة نظام البصمة عليه الوندوز فيستا ماله والريكفري عليه وباجي المواصفات الواير لس والبلوتوث والكاميرا المدمجه والمايك المرفق بالجهاز ، والجهاز طبعا يعمل بحالة ممتازة
والمواصفات بالتفصيل :

الموديل : dv2520ee

Intel Core2duo

الرام : 2048
التخزين : 120 غيغا
حجم الشاشة : 14.1
واير لس
بلوتوث
كاميرا مدمجة
مايك مدمج
DVD Multi Recorder
كرت الشاشة : mobile intel (r) express chipest family
قارئ ميموريات
بصمة
ويندوز فيستا مع الريكفري مال الجهاز
جنطة samson كشخه مع الجهاز

والجهاز بحالة ممتازة طبعا والبيع لافضل سعر
راجيا المشاركة للجادين في الشراء فقط والسوم بعد قراءة المواصفات مع وضع رقم الهاتف مع السومه

للاستفسار : 97134734

 

[Hi5]

--------------

 

[مؤشردوت]

150 دك

 

[mna69]

فية كفالة ولا لأ

 

[sorry]

65835575

والسوم 160

 

[r77a]

اخوي كم سرعته وشنو كرت الشاشة اللي عليه ؟

 

[Hi5]

اولا يا اخ r77a ارجو قراءة المواصفات بعدين السؤال كرت الشاشة ذاكره فوق مسجل
ثانيا : السرعه duocore2 1.7
ثالثا تم بيع الجهاز لاخوي سوري وعسى الله يبارك له فيه

 

[r77a]

مشكور على الرد يا اخ Hi5
واولا انت مو ذاكر كم حجم كرت الشاشة
وثانيا انا قريت الموضوع عدل وما لقيتك ذاكر اهم شي اللي هو سرعة الجهاز لهالسبب انا سألت
انت لو تذكر كل المواصفات ما كنا سألناك
عالعموم الله يوفقك ويبارك للشاري
ملاحظة ( ترى انت ما كنت كاتب شنو كرت الشاشة وسويت تعديل حطيت كرت الشاشة وانا متأكد من كلامي والدليل في تاريخ تحت اخر صورة مذكور فيه وقت تعديل الموضوع وياريت تفهم اني ما بيني وبينك شي ولا اعرفك ولا تعرفني ليه كل ما اسألك سؤال تنقلب علي وكأني سبيتك يا اخي احنا هني كلنا اخوة بهالمنتدى نفيد بعض ونستفيد فياريت ما تفسر كل شي على هواك وهذا الكلام والله عشانك )
والحر تكفيه الاشارة

 

[Hi5]

تم بيع الجهاز راجيا من اخواني المراقبين اغلاق الموضوع

بعدين ورب الكعبه واللي خلقني اني كنت كاتبه وما رديت كتبته عشان انت كتبت وانا ما رديت على الموضوع الا بعد ما بعت الكتاب
ولو سمحت لو تتكلم بشي انت مو عارفه
ارجو من اخواني المراقبين اغلاق الموضوع واهما عارفين متى كان التعديل قبل والا بعد

بعدين الدين يا اخوي مو توقيع تحطه حق نكك الدين معامله وعمره ما كان اتهام
هذا منتدى بيع وشراء الله ما كتب لك نصيب بالجهاز خلاص ما له داعي تشتري
والحمد لله الاخ الي شرا الجهاز والله ما رضا يفحصه لانه وثق بكلمتي وانا بعد اربع ساعات تقريبا اتصلت عليه اطمن على حاله الجهاز
فما له داعي جزاك الله خير تحول موضوع بيعه انتهينا منها مناقشة

وانا شخص والله عمري ما شريت جهاز من المنتدى ولا راح اسوم ادش ابيع واطلع بس
ولا ادخل نفسي بنقاشات مع احد هنييي .
كونك تبيع وتشتري بالمنتدى مو ملزم اني ابيعك او ارد على كل اسئلتك
وعلى فكره انتا قلت اني عدلت بعد سؤالك وانا اقسم بالله العلي العظيم اني مو معدل والمواصفات حاطهم من الاول ، والقسم الثاني اقسم بالله اني ماني محللك جدام رب العالمين لأنك اتهمتني وقلت اني متعدل قبل سؤالك .