يقول الشاعر:
وللحرية الحمراء بابٌ // بكل يد ٍ مضرجة يدق ُ
من وجهة نظري أن الحرية أنواع وأشكال ..
بالنسبة للحرية بشكل عام هو تصرف الشخص بما يحلو له دون الحد أو التدخل في حريات الآخرين ..
لكن التعدي على الآخرين يكون بشغلات حتى لو مو ملموسة ..
كمثال الي يدخن بغرفته كيفه ..!!
لكن لمه يدخن في مكان عام او مجمع او في مبنى فيه غيره من الناس ، للأسف هذا مو محترم ولا احترم حريته ولا حرية الآخرين .. لأنه ضايقهم بدخان الزقارة وضرهم بعد وإن كان ما يقصد او ما يقصد ..!!!
وهذي بالنسبة لنا في الديرة بلوة ..يا أخي تبي تضر نفسك كيفك بس لا تضرنا معاك ..!!
ومثال آخر البنت لمه في بيتها أو غرفتها تلبس الي تبيه ...كيفها..
أما تلبس البس الغير محتشم وتتمشى في الشارع هذي تعدت على حرية غيرها وقد يتضايق منها غيرها من الناس الي يغضون بصرهم عن الحرام ومايبون يشوفون هالأمور لأنها حرااااااام وتخدش الحياء ..!!
الحين هالبنت تقول كيفي لا يطالعون ... اي مو أنتي لا تضايقين خلق الله في مكان عام بالي لابسته واهم ما اييون صوبج..ولبسي لبس محترم ولا احد يتعرض لج او يكلمج بكلمة ..!!
اما الحرية عندنا كمسلمين فيها ضوابط وشروط ..
لك حرية كاملة تسوي الي تبيه دام هالشي ما يطلع من إطار الدين والشرع..!!
وبوجهة نظري هذي الحرية الصحيحة لأنه الدين ما حط ضوابط وحدود إلا إنها تحمي الناس من أنفسهم وحريتهم الغير عقلانية ...
وتحمي غيرهم من أن يتعدى عليهم أي أحد ، اي الدين يحفظلي حريتي ويحفظ للغير حريته ..
في البلدان العربية يتفاوت مستوى الحرية ولا توجد حرية كاملة عن العرب.... وللأسف..!
وحتى في ديرتنا ما عندنا حرية كاملة وأنا أتحدى أي احد يقول عندنا حرية كاملة في الديرة ..!!
مع احنا المسلمين الفاهمين المفروض اول من تكون عنده هالحرية.. لكن للأسف ..
كثير من الدول الاوروبية وكذلك أمريكا عندها حرية كاملة ..
حرية في الراي في الإعتقاد والانتخاب وغيره وغيره ..
والله يجزاج خير اختي عالموضوع ونأسف عالإطالة في الرد ..
لكن الموضوع ذو شجون ^_^ ...
وكما قرأت لأحد المدونين من قبل كلمة جميلة ..
إن كان للحرية ثمن..... فهو الحرية..