اخوى Pivotrend (ابومحمد)

[ابوراشد]

ادا سمحت انا اشوف انك تستخدم مؤشرات كثيرة دايم تدكر واخوك الفقير المسكين مايعرف الا الفاليوم والماكد والارسي اي والبولنجر باند
ياريت لو توعدنا انك فى الويك اند تسوي شرح اقل من بسيط لها

وعندى سؤال انا مشترك فى برنامج qchart

فى ميزة بالبرنامج نسيتها ابيك تعلمنى عليها الا وهيه شلون تعرف اكثر تداول على السهم على اى سعر يعني يقولك اكثر سعر انشرى عليه السهم هذا على السعر الفلاني

 

[Pivotrend]

حاضرين يابو راشد

وأن شاء الله أني ماراح أقصر بشرحي
ما أعرف أشرح مثل أبو رواف بالصور
بس بحاول

 

[ابوراشد]

تحرى بالطيب يا ابو محمد

ناطرينك بالويك اند

بس خل صورك صغيرة موكبيرة عشان نجرب النظارة

وماعلمتى عن اللى فى برنامجى العجيب وين احصلها الخاصية

 

[Pivotrend]

بو راشد أعتقد قصدك مؤشر أسمه Price By Volume
هذا مو موجود بكيو شارت
ولاحتى بكيو شارت برو مال الميتا ستوك ابو 120 مؤشر

أما من ناحية الصور , الشاشة عندي على resolution عالي فيها لذلك تشوف الصور كبيرة عندك أذا كان الريسولوشن ضعيف عندك

الأنديكايتور الي أعتقد تقصد , هذا موجود بستوك شارت http://www.stockcharts.com
مثال بالصورة سيسكو على كيفك اليوم مرتفعه أكثر من 2%

تلاحظة أن أكثر فليوم مر على سيسكو بخلال الست أشهر الماضية كان بين 23.50 و 24.50
وهاذي النقطة تعتبر مقاومة و دعم
طبعا مجال كبير 1$ لكن يحدد لك أعلى فليوم مر على السهـم

 

[ابوراشد]

ابومحمد ماهدا طلبي

الظاهر انى شايفه فى الاي سجنل

وهو يحددلك اكثر سعر تم التداول عليه فى المدة اللى انت طالبها

 

[Pivotrend]

مادري شقصدك يابو راشد
بس هذا بعد يعطيك أعلى فليوم حسب سعر السهم
وعلى حسب المده الي تبيها بالشارت سواء شهر , 6 أشهر , أو سنه
حتى أنترا داي بعد

اللون الأسود (مرات أخضر) هو أعلى فليوم بذلك السعر مر على السهم + أن السهم أغلق على هاي لتلك المده
والأحمر العكس.

 

[ابوخالد]

ابو راشد
مداخله بلقافه بس ندعي الموانه
شف عمي اذا انا فهمت وش تبي فابشربها وانا اخوك
انت تبي كم سهم نفذ يوم سجل هاي
ابرفق لك الموقع
والمطلوب منك تحرك الفاره طال عمرك على الرسم وبتلاحظ الايام تتغير وجميع الموشرات تتغير بموجبه ومن ضمن الموشرات الفوليوم وبيكون ارقام في الركن الايمن من البرواز الخاص به
يعني فيك فيك النظاره
http://bigcharts.marketwatch.com/javachart/javachart.asp?symb=iip&draw.x=23&draw.y=11

 

[ابوخالد]

عسى ضبط يا ابوراشد
اذا ما ضبط ادور لك غيره
اشارة منك ببشاره

 

[ابوراشد]

هلا ابو خالد اسمحلى يا اخوى ترى تو شفت ردك

انا اللى ابيه مثلن سهم صارله شهر يتداول من 1.65 الى 2.10

ابي فترة الشهر هدى مثلن تداولو فى الشهر كله 20 مليون سهم

يقولك منهم 12 مليون انشرو على 1.78

فهمتو على يا اخوان