اشتراكات فيفا للانترنت

[indexmontaha]

بصراحة ياشباب غير مقتنع بهالشركات لسبب بسيط اولا ماكو رقم محدد للسرعة مثلا الدي اس ال يصير الداونلود عند رقم معين ماينزل عن هالرقم يعني تعرف شلك وشعليك وهذا برايي المهم .[/QUOTE

(ماكو رقم محدد للسرعة) لأن هذه السرعات من زين الوطنية و حتى فيفا كلها شير Share يعني يشاركك مستخدمين آخرين في نفس منطقة التغطية يعني إذا إشتراكك 7.2 مو كل هذه السرعة لك بل موزعة على من يشبك في منطقة تغطيتك و إرتفاع السرعة يعني قلة من المستخدمين شابكين في ذاك الوقت و بطىء السرعة يعني زيادة عدد المستخدمين أو المشتركين في نفس منطقة التغطية شابكين على النت. أما الشركات الأخرى مثل فاست تلكو و غيرها فيجب أن تكون سرعاتها ثابتة لأن السرعة محددة لكل مشترك (طبعا إذا صدقوا و خاصة كوالتي) لا عرفوا الكواتي بشي. و تقبل تحياتي

 

[المرسومي]

السلام عليكم

اشتراكي 7.2 من زين للنصب والاحتيال

بموقع مكافي يعطيني السرعة 75 كيلو بايت

http://promos.mcafee.com/speedometer/test_1500.asp

 

[مضــارب أسـهم]

فيفا شبكتهم جديدة يبيلهم سنه علي ماتضبط الشبكة

 

[alkhattaf]

انا جربت الشبك عن طريق البلوتوث مع التلفون والكمبيوتر فعلا سريع اسرع من زين والوطنية ما ادري يمكن مافي ضغط على الشركة

 

[ابوداود]

شباب عروض فيفا نت 7-8-9 /1/2009 كنسلو زين والوطنية

صج اقدر العب اولاين بالايجو ومايقطع

 

[fabulass]

مشكور على الافادة

 

[KuWaiT DriFT]

انا من اكثر المتحمسين لشركة فيفا ولكن لأسف السيرفس عندهم تعبان يعني اذا انا دخل البيت السيرفس عندي ضعيف جدآ وبعض الأوقات مافي سرفيس واذا رحت منطقة كبد السيرفس صفر يعني ماراح نستفيد من عروضهم حتى يتم تحسين الخدمة

اخوي كلامك مضبوط بس الموظف قالي انه اهما قاعدين يغطون مناطق الكويت و انشالله بداية 2009 ماكو تقطيع و الشبكه اوكي يعني لمن 15-1-2009 انشالله

بعدها اذا اوكي انا راح اخذ خط داتا

يعطيك العافيه اخوي على الخبر و سرعة الداونلود 2 ميغا و نص شي خيالي ترى يا جماعه

من الوطنيه الى فيفا انشالله .....

دمتم بوود

 

[general_q8]

ممكن أحد يعلمني جم أسعارهم الجديده

 

[zidantheking]

شباب في معلومات عن 7.2 ؟

او جم الروتر ؟

جم المودم العادي ؟

 

[Cantoona7]

ياجماعه الخير بوضح لكم شغله والله اعلم

ال 7.2 او ال 14.4 كيلو (بت) ماتعطيكم السرعه كامله الا اذا كانت الشبكه جبااااااااره يعني مثل شبكات اتصالات اليابان مثلا او كوريا الجنوبيه بالنسبه لشبكاتنا سواء فيفا ولا زين لازم يكون الشبكه فيها ضغط تقريبا 15% الى 25% ممكن هنيه تاخذ السرعه شبه كامله

في موقف صارلي مع موظف بفيفا قالي ترى ماتعطيك ال 14 كامله قلتله ادري بس انا راضي باكثر من النص يعني راضي بــ ال 5 او ال 6 ال 14 مالتكم مابيها ومالي امل اقدر عليها .
ضحك وانا ادري انه موايدري وين الله قاطه قالي لا النص اكيد توصلك ..
تخيلوا لو تعطيكم نص سرعه ال 14.4 ك بت يعني 7.2 ك بت يكون تنزيلك للملف 900 كيلو بايت بالثانيه
تعطيك سرعه زين كامله بس الله يستر لايطمعون كلما تتطور الشركه اكثر واكثر

هذا والله اعلم

 

[الحريه وطن]

27دك غالي

 

[pedram]

سلام عليكمم

شباب ترى عرض بو 20 دك آخر يوم له 31 يناير

يعني يومين

عقبه يصير 24 دك

للفائدة فقط

 

[سـعـود]

والله اعتقتنا شركة فيفا من الحرامية زين والشلة
شكرا فيفا تحررنا من شركة شين و والغير وطنية
ننتظر العروض علي النت اسعار وخدمة

 

[pedram]

تم الاشترااااك بحمد الله

القطعة بلاش و الدفع بعد شهر
20 دك كل شهر و العرض ينتهي باجر
القطع بفرع المرينا فقط

هذي صورة من سرعة الداون لود الساعه 11 تقريبا بعز الذروة بمنطقة السالمية

والله روعه

سلام

 

[Abdulazeez]

السلام عليكم

السرعه زينه والأسعار حلوه لشركة فيفـــا

بس أنا جربت الإشتراك عندي بمنطقة حطين جنوب السره وللأسف ماكو سيرفس وبعض المرات شخطه وحده تروح وترد ، راد أنطر لين ما يعدلون الشبكه

بالتوفيق

 

[pedram]

سلام عليكم
هذي سرعه اشتراك فيفا

صورته لكم قبل ساعه يعني في زحمه شوي و في برنامج التورنت

شوفو السرعه

http://i42.tinypic.com/25twboi.jpg

يلا سلامتكم