الى متي هذا النزول الكويتي والامريكي

[ساره]

قالوا السوق الامريكي نازل وشرينا وقالو السوق الكويتي يبي يصعد وشرينا بعد

وكلهم نازلين واسمع اليومين هذه السوق السعودي صاعد صعود جنوني اخاف اشتري عندهم ينزل شنو سوي كل ماطقه بمكان تطلع عوجه

 

[بوعنتر]

انا انصحج تطلعين من السوق علشان يرتفع
بس من متابعتي للسوقين الكويتي والامريكي ملاحظ انه السوق الكويتي اهون من الامريكي حيث لاحظت بعض الاخوه خسارتهم تجاوزت ال50% بالامريكي ولااجد شركه بالكويتي تجاوزت ال50 % هبوطا الا ماندر

 

[قلنا لكم]

شوفو ياجماعه

لحد يقص عليكم ويقولكم السوق الامريكي زين
السوق الامريكي زين اذا تعرف تتابع اخبار الشركات
وطبعا اعتقد محد يقدر يتابع اخبارهم احسن من اخبار شركاتنا
وبعض الاحيان يطلع خبر وماتعرف شنو يقصدون فيه بالضبط
لان لغتهم غير لغتنا وخاصه لغة البزنس في مصطلحات مانعرف شنو يعني فيها هذا الخبر
نصيحتي انكم تكونون بسوق الكويت او اي سوق عربي ممتاز
نعرف نقرا اخبارهم ونعرف خباياهم
انصح وبشده التنقل بين السوق السعودي والكويتي
اذا راقبتهم عدل راح تجني ارباح ممتازه
فمثلا حاليا السوق السعودي فوووق والكويتي تحت
وبعد فترة اعتقد مو بعيده راح تنعكس السالفه
هني يجب على المستثمر ان يراقب كم شركه بالكويت ويحط شغله فيهم
وعند الارتفاع المعقول والمرضي
ومع ترقب السعوديه وعند رؤيتك لاسهم شركات سعوديه باتت مغريه للشراي
سيل من الكويت وحول على السعوديه
هذا ما افعله انا