شقة أيجارها 1000 دينار كم تسوى ؟؟؟

[الأرستقراطي]

يعطيكم العافية أعضاء منتدى المؤشر ،،، معروضة علي شقة ب 130 الف دينار مطابقة لبنك التسليف بمشروع درة الفنطاس تتكون من دورين و 4 غرف نوم ،،، مؤجرة ب1000 دينار على عائلة أجنبية سيبدأ الأيجار من شهر 3 - 2009 عقد سنتين ،،، تسوى كاستثمار مع العلم اني راح آخذها كاش ،،،​

 

[نوخذه]

السلام عليكم
في الوقت الراهن أخي العزيز أنا أقول ورأيي الشخصي الصبر زين والاسعار تنزل والان تعطيك تقريبا 7 بالميه أو 7 ونص بعد سنتين بعد ما يطلع هل سعر العقار اقل او اعلى من هذا الوقت هل سيكون هناك مستأجر نفس المبلغ 1000 دينار او حتى الايجارات نزلت والقرار النهائي لك و130000 ألف بعد فتره تقدر تخليها دفعه لعماره لان الاسعار قاعده تنزل أنا اكلمك من واقع عملي وسامحني على الاطاله

 

[الرسته جوكى]

هلا والله الاستقراطي
والله انا راي انه السعر هذا سعر بيت ف احسن انك تشتري فيها بيت وتستثمره حتى لو تزيد 10 الاف شارع واحد عليه واستثمره اجارات واذا تبي تبيع بعدين البيت بصرعه ينباع وانت تكون مطلع منه ومو خسران ان شاء الله
والله اعلم موفق خير

 

[>>الرويلي<<]

حدها من 115 الى 120 وبس

 

[الموحد1]

السلام عليكم
في الوقت الراهن أخي العزيز أنا أقول ورأيي الشخصي الصبر زين والاسعار تنزل والان تعطيك تقريبا 7 بالميه أو 7 ونص بعد سنتين بعد ما يطلع هل سعر العقار اقل او اعلى من هذا الوقت هل سيكون هناك مستأجر نفس المبلغ 1000 دينار او حتى الايجارات نزلت والقرار النهائي لك و130000 ألف بعد فتره تقدر تخليها دفعه لعماره لان الاسعار قاعده تنزل أنا اكلمك من واقع عملي وسامحني على الاطاله

عندي 130000 وين أقدم على عماره وياريت تعطيني الحسبه بالضبط ابي نصيحتك

 

[الأرستقراطي]

حدها من 115 الى 120 وبس

صح كلامك سعرها الأصلي من سنة كان 112 و لكن الآن بعد التسليم ارتفعت اسعارهم على العموم آنا عطيته 125 الف و ناطر يرد علي ،،، مشكور أخوي الرويلي ،،،

 

[طارق55]

السلام عليكم

بهذا السعر ايضا تقدر تشتري بيت في خيطان .. ( ربع ) مساحه 120 متر .. مدخوله علي الاقل 1500 دينار شهريا .. هذا ان كان فيه محل .. المهم اسأل بعض المكاتب العقاريه الي في خيطان .. كلها يومين أفتر عليهم .. وتشوف وتقارن
لكن اذا شريت بيت ربع .. يبيلك مكتب ثقه يديره .. ومايكون نصاب .. لان الشغله متعبه اذا كان المكتب ينصب عليك ..