منو يقدر يفيدني ابي تذاكر مباريات الدوري الانجليزي

[q8kof]

السلام عليكم ورحمة الله وبركاته

شباب انا ناوي اروح جم مباراة بالدوري الانجليزي

بس لما شفت اسعار تذاكر المباريات بالكويت عن طريق مكاتب الاسعار غاليه

وحتى 1 box office هذا مكتب معتمد من الاتحاد الانجليزي اسعار التذاكر ناااار

في احد يقدر يفيدني شلون احصل تذاكر بأسعار معقوله او مو غاليه وايد ​

 

[alanzi]

كان ودي اخدمك واساااعدك

للعلم لو ترووح هناك احتمال كبير ما تحصل تذاااكر
لانهم يشتروون التذاااكر حقت السنه كلها مع بعض
واذا حصلت تحصلها بالسوق السوودا عندهم
وطبعا اضعااف مضااااعفه



تقبل مرووري

اخووووووووك

 

[q8kof]

مشكور حبيب قلبي والله يالعنزي

انا اقدر احجز حاليا بس التذاكر نار تذكرة المباراة اغلى من تذكرة الطيارة

عالعموم مشكور على المشاركه يالغالي وان شاءالله في اخوان يفيدونا

 

[>>الرويلي<<]

يمدحون الدوري العراقي !!
خاصة مبارة الزوراء والجيش

علي انا انصحك لا تروح بالبرد شوفها بالبيت وفك عمرك
مستانس تصارخ بالملعب وتاليها بلاعيمك صاكه وتشرب حليب زنجبيل

 

[كويتي لوز]

سلام عليكم
انا حضرت مباراه شيلسي مع مدلزبره وشارين التذكره ب25 باوند يعني 14دينار وبعض الشباب الي وياي ماحضرو المباراه وباعوها تحت برا الملعب ب50 باوند يعني 28 دينار وكنا في اغلا منطقه شيلسي والكلام هذا العام

 

[q8kof]

يمدحون الدوري العراقي !!
خاصة مبارة الزوراء والجيش

اذا تنكت قولي علشان اضحك

سلام عليكم
انا حضرت مباراه شيلسي مع مدلزبره وشارين التذكره ب25 باوند يعني 14دينار وبعض الشباب الي وياي ماحضرو المباراه وباعوها تحت برا الملعب ب50 باوند يعني 28 دينار وكنا في اغلا منطقه شيلسي والكلام هذا العام

وعليكم السلام

انا سمعت ان التذاكر تنباع هناك بين 20 الى 50 باوند بس مابي اجازف واروح وماحصل تذاكر انزين رايك اروح تتوقع احصل والا اشتري من اهنيه لان التذكرة طلعت علي اكثر من 120 دينار

شاكرلك يالغالي مشاركتك وجزاك الله خير​

 

[aalmazee]

120 دينار على مبارة قوية ترى تسوى
النهائي يوصل سعرة 300 دينار أو أكثر

 

[abanos]

مشروع قوي

في منتدى مختص للكره ليش ما تحط موضوعك مناك

 

[abo_djanh]

ثلاث طرق أمامك

1- بوكس أوفس عن طريق مكاتب <- غالي
2- من الملعب نفسة <- صعب اتحصل تذاكر
3-من النت عن موقع النادي نفسة <-- أَضمن وأرخص



وأنا أنصحك بالثالثة خصوصاً للدورى الانقليزي لانة صعب اتحصل تذاكر عن من غير حجز

وبالنسبة لملعب تشيلسي انا داش ب45 جنية استرليني قبل سنتين


انصحك لاتروح الا والتذاكر مضمونة الانقليييز ماكو تذاكر

واذا بتروح أرسنال ومانشتر وليفربول صعبة حيل اتحصل بالطرق الثلاثة كلهم

اما تشليسي وباقى الفرق الانقليزية احتمال انك اتحصل من شباك النادي ( طبعاً مو المباريات القوية وأبطال أوربا )


اتمنى انى فدتك

 

[q8kof]

120 دينار على مبارة قوية ترى تسوى
النهائي يوصل سعرة 300 دينار أو أكثر

معاك حق يالغالي صج ماتسوى بس ان شاءالله احصل ارخص

مشروع قوي

في منتدى مختص للكره ليش ما تحط موضوعك مناك

حبيب قلبي والله مادري وانا مو حاط صور لاعبين او اهداف انا ابي اشتري تذاكر يعني فيها فلوس وقلت هذا مكانها

اعذرني اذا كنت غلطان يالغالي

abo_djanh
عضو نشط

على راسي والله كلامك عدل فعلا ون بوكس اوفس كلمتهم وتذاكرهم نااار وماني مجازف واروح قبل ماحصل تذاكر المباراة خاصتا اني بروح مباراتين حق فريقي واهو واحد من الكبارا الي ذكرتهم

الحل الثالث الي بسويه يالغالي بروح السايت حق النادي واشوف وان شاءالله خير

جزاكم الله خير جميعا اخواني وماقصرتوا والله ​

 

[بونواااف]

اخوي انا حاضر مباريات في المانيا ملعب ارينا بايرن ميونخ وحضرت مباراه تشيلسي وحضرت مباراه باسبانيا ملعب برشلونه بصراحه كل التذاكر اشتريها بالسوق السوده اروح قبل المباراه بساعه على الاقل واحصل راح تشوف ناس يفترون ويأشرون لك من تحت لتحت لان الشرطه تمنعهم وان شالله تحصل بس اهم شي تشجع تشيلسي او ليفربول بالدوري الانجليزي ههههه .

 

[q8kof]

حبيب قلبي بو نواااف انا ليفربولي متعصب بعد وان شاءالله بروح الانفيلد

شكرا على الافاده حبيب قلبي

 

[abo_djanh]

أقولك شي

ما أبى أييس فيـــــــــــــك

أنا مشعج لليفربول وأمنيتي أشوف مباراة لستيفن جيراد

وكنت بلندن لمدت شهرين ومعاى افلووس مو محتاجهم تقريباً 2000 دينار فوق البيعة


ومع هذه حاولت بكل الطرق انى احجز تذاكر لليفربول فى مدينة ليفربول وما حصلت ؟

وحاولت أيضاً أحجز تذاكر لــ أى مبارة لليفربول خارج أرضة وهمم ماحصلت ؟


ما الك إلا حـــــــــــــــــــل واحـــــــــد مـــــــاكو غيرة

أنك تحجز عن طريق النت أول مايفتح البوكس ماله

وعلى ما أذكر قبل المباراة بأسبوع .




أما بالنسبة للى يتكلم عن السوق السودة


انا اذكر مباراة أرسنال وايفرتون حصلتها بالسوق السودة بـ 500 باوند للتذكر

وكان الشرط أن تنباع التذكرتين معاً


ولولا أن ولد عمي حلف بالطلاق

جاااان شاريهم لانى كنت عازمه بس حلف بالطلاق انى ماأشتريهم

 

[soud sa]

سلام عليكم
اخوي انا اقدر افيدك بموقع معتمد فيه عالميا
ومن مميزات الموقع اذا تبيه يوصل التذكره الي الكويت يوصلها عن
طريق فيدكس

www.worldticketshop.com

وعسالله يوفقك انشالله​