Nt بإنحدار ... أرجوا التحليل

[أبو يوسف2]

السلام عليكم ورحمة الله...

أشتريت Nt بـ 3.82 واليوم السهم بـ 3.27

أرجوا منكم المساعده وماذا تتوقعون لهذا السهم في الأيام القادمة؟

والله يعطيكم العافية

 

[ابو سعود]

أخوي الفاضل ..

للأسف نقطة دخولك كانت خاطئه ..

وقد تناولنا هالسهم وتحليله بالتفصيل في مواضيع سابقه ..

السعر اللي انت شريت عليه .. أنا بعت الكميه اللي كانت عندي عليه .. وبخساره طبعا ..

عند 3.25 تقريبا هناك نقطة دعم .. ولكنها ليست قويه .. والسهم حاليا متأثر بهبوط السوق ..

ويتضح لنا من الشارت أن السهم اقترب من أدنى أسعاره في سنه .. ولو لاحظت العمود الرأسي فهو يشير الى هذه المنطقه والتي أتوقع انها بتشكل نقطة دعم قويه للسهم .. ( حول 3$ تقريبا )
طبعا اذا لا سمح الله كسر السهم هذه المنطقه فعاد الله يعين ..

اذا استمر هبوط السوق فأتوقع مزيدا من النزول ل NT .. ولكن اذا تحسن السوق .. ( وأستبعد ذلك ) فقد يرتد السهم ..

شخصيا أنوي الدخول فيه مرة أخرى اذا ارتد ان شاء الله .. ولكن ما أدري متى بالضبط ..

أنا آسف جدا لأني ما قدرت أفيدك .. والسبب هو حال السوق .. القرار راجع لك .. وان كانت واحد من الحلول هي مضاعفة الكميه في حال ارتداد السهم .. والحل الأخر هو بيع السهم بخساره ..

رجاء خاص .. لا تحملني أي مسئوليه .. لأن القرار راجع لك انت وحدك ..

 

[THE SPECIALIST]

أنا شقول اللي شاريه بمبلغ 4.20 ( (

ولا بعته للحين .. والله راح أنطر .. هالشركات هذي عملاقة وما تنهار .. هالسهم أول وتالي بيصعد .. يمكن بعد اسبوع أو شهر .. أو حتى 3 شهور .. أنا ناطر ..

 

[ابو سعود]

^
^
^

من نا حية أنه بيطلع .. فهو ان شاء الله طالع .. الله لا يعوق بشر .. لأان الشركه فعلا عملاقه ونتائجها معقوله .. ولولا حادثة الاختلاس كان شفت سعرها والله أعلم ما بين 5$ الى 6$

بس السؤال متى ..؟؟ .. ومن وين بتكون نقطة الارتداد ..؟؟

القرار لكم .. وأتمنالكم التوفيق ..

 

[THE SPECIALIST]

والله يا أخي العزيز بو سعود كلامك صحيح .. هي المشكلة بالانتظار اشكثر راح يطول .. وانا من زمان قررت إني ما اشتري إلا من lu , jdsu, sunw, nt لأن الشركات هذي عملاقة وعدد موظفين كل وحدة منها أكثر من 30 ألف موظف .. ما عدا jdsu فيها حوالي 5 آلاف موظف .. يعني شركات عملاقة وسهمها أول وتالي راح يصعد .. فخل ندعي ربنا إن ما يطول السهم إن يصعد مرة ثانية ..

ولا تنسى إن فيه قاب كبير لازم يتسكر ..

 

[ترايدر]

nt

Nortel (NT) was down 17 cents, or 4.8 percent, at $3.40. The newspaper is reporting that the Canadian telecoms equipment maker gave some executives cash bonuses weeks before NT shares dropped on the March 10 restatement warning.


ترايدر

 

[أبو يوسف2]

nt

و أنا راح انتظر ... والله يوفق.

 

[THE SPECIALIST]

وانا راح انتظر معاك بو يوسف .. قول انشالله .. انشالله يصعد بأقرب وقت ..

أخوي ترايدر .. أعتقد هذا أحد أسباب النزول .. الشركة قاعدة تحل مشاكل الاختلاسات اللي صارت والتلاعب بالأموال .. ومتى ما انتهت من المشكلة هذي انشالله راح يرتفع السهم بقوة ..

 

[أبو يوسف2]

آمين يا رب العالمين.

 

[ترايدر]

شركة نورتل nt

قادرة على حل مشاكلها ولكن الامريكان خايفين تكون مشكلتها مثل مشكلة انرون وكان سعر السهم 42$ الى 0.42 سنت على شان كذا اذا ما تغلبت الشركة على مشكلتها باسرع وقت والا سوف تفقد مصداقيتها لدى المستثمرين وراح تنهار وقد تخرج من السوق باكمله .


ترايدر

 

[THE SPECIALIST]

عزيزي ترايدر .. كم عدد موظفي شركة آنرون ؟؟ .. وكم كان رأس مالها وأرباحها ؟؟ .. لأن نورتل شركة عملاقة برأس مالها وأرباحها وعدد موظفيها (37 ألف) .. فهل تتشابه الشركتين بكل هذه الصفات ؟؟ .. فلا أعتقد أن شركة مثل هذه أو مايكروسوفت أو سيسكو سنرى سهمهم يوم من الأيام مثل أسهم البيني .. على الأقل ليس في المستقبل القريب .. على الأقل ممكن تعطيني رمز الشركة هذي علشان أبحث فيها واشوف الوضع ؟؟

 

[THE SPECIALIST]

على فكرة يا أخي العزيز أنت لم تقم بتفعيل اشتراكي في منتدى البورصات أرجوك ان تقوم بتفعيله .. نفس النك (the specialist) .. كما أرجو منك التعقيب على ردي ..