منو يفيدني بطريقة استيراد سيارة من امريكا؟

[فاضي حدي]

السلام عليكم

لقيت سيارة معروضة بموقع ebay وماعرف احد بامريكا وفي مكتب بالكويت يقول اطلبها لك لكن وعوده طلعت خرطي وانا ماحب هالطريقة بالتعامل

ياليت الي يعرف مكاتب سيارات او شركة يطلبون لي من امريكا يقولي وين مكانهم او تلفونهم وجزاكم الله خير

 

[فاضي حدي]

سبحان الله

 

[بن فرناس]

سبحان الله

والحمد لله

والله اكبر

 

[(فزاع)]

http://www.indexsignal.com/vb/showthread.php?t=131305

شوف هالموضوع يمكن يفيدك ..​

 

[فاضي حدي]

جزاك الله خير اخوي انا اعرف اطلب من الموقع وكذلك موقع امازون لكن سيارة يبيلها فحص

 

[abatchy007]

اخوي نصيحتي لك جرب تشتري عن طريق هالريال سـعـود عـبدالرحـمـن الـبكـر الـزعـابي
الكل يمدح فيه وبخدماته وفي ناس شارين منه وفي ارقام تلفوناتهم تقدر تتصل عليهم وتتأكد منهم وكل شي تبي في موقعه حتى انه اييب لك سيارات من مواقع ثانية وقطع غيار السيارات وهذا موقعه http://www.al-bakr.net

 

[OVER-THE-TOP]

http://www.indexsignal.com/vb/showthread.php?t=135811

 

[zalamsee]

إشلون تكاسرون

abatchy007
ياجماعه قصدي أنوركم بالأسعار حتى تعرفون إشلون تكاسرون بالمبلغ الذي سوف تدفعونه
أنا موجود بأمريكا فحص السياره يكلف 100 دولار وصاحبك يفحصها 600 دولار مما يعني صاحبك سعره غالي وقس على ذالك جميع الخدمات العموله الشحن البري والبحري وللفايده للجميع أقول سعر الشحن البري يكلف من 200 إلى 500 دولار حسب بعدالولايه عن ميناء التصدير الشحن البحري كونتينرا يسع عدد سياتين مثل يوكن تاهو وانيت أو يتسع لعدد 3 سيارات صغيره مثل موستنغ كورفت سعره من 3700 إلى 4000 دولار عمولة الديلر أو البائع من 200 إلى 400 دولار إنشاء الله أكون قد قدمت الفائده للجميع حتى لايكون هناك أي مبالغه في الخدمات المقدمه من قبل بعض لشركات التي تقدم خدمات شراء وفحص وشحن سيارات من أمريكا

وشكرا

 

[MTC]

شباب نبي نعرف الطلبات هني في الكويت شنو ؟

 

[sarad]

يا جماعه افيدكم سعر الشحن من 2800 دولار الى 3200 دولار لان الاسعار نزلت

وشكرا

 

[Q8i11]

يا جماعه افيدكم سعر الشحن من 2800 دولار الى 3200 دولار لان الاسعار نزلت

وشكرا

هذا الشحن للسيارة الوحده ؟

سوبربان كم سعر شحنه الحين

 

[لمبه]

يعطيكم العافيه شباب سمعنا اهناك بامريكا تشترى سياره وتطلع لك سياره صج هالكلام ؟؟ ولا تعبير عن ركود السيارات بالميناء ؟؟ سمعت انه الهمر اهناك ب 4 الالاف بس صج هالحجى والى يعرف ناس ثقه الاسترارد ياليت يطرش لنا على الخاص واخ فاضى نفس السؤال انا وانت نستعلم عن مكاتب ثقه والله يوفقنا

 

[تاجر_سيارات]

www.car993.com يمكن يفيدك هالموقع

 

[ناصر بوبدر]

اخوووي شوووف صاحبنا الي بالمووقع اسمه عبدالله
ماشاءلله عليه شووف اشكثر متفاعله وياه الناس
وهذا اندل دل على نظافته ولا تروووح لامني ولامناك
وماراح ايقصر معاك ولا امثالك

 

[almofareg]

اخوي
كل سياره معروضه في الي بي معاها ( اغلبهم مو كلهم ) كارفاكس فحص شامل و يقولون لك سياره مستعمله من كم شخص و هل تم تاجيرها او خاصه و اذا فيها دعمات طالع التقرير و احكم بنفسك
اعتقد كارفاكس يكفي ما يحتاج احد ثاني يفحصها لك و المهم اشتر من ديلر متعامل بكثره من الايبي و شيك على السيره الذاتيه مالته seller feedback و تلاقي بعضهم اسمه بور سيلر power seller
هذااللي اعرفه و اتمنى افدتك

 

[almofareg]

و فيه احد الاخوان اسمه ابو علي حاط موضوع في المنتدى يتكفل لك بالسياره اللي تعجبك يفحصها و يشحنها و يسلمك في الكويت و عنده ضمانات تعطيع الفلوس بوصل و ما عليك الا تدفع له 200 دينار عموله على السياره و ترتاح من الصداع و تطمئن لان عنده ناس في امريكا

انا طلبت منه سياره و انشاءالله الله يوفق و نشتري عن طريقه و عمولته مو واجد مقارنه مع عمولة الامريكان و المكاتب و الاسعار
و تسلم اذا تبي ارسل رابط الموضوع دز لي رساله و ابشر

 

[abdullah6868]

و فيه احد الاخوان اسمه ابو علي حاط موضوع في المنتدى يتكفل لك بالسياره اللي تعجبك يفحصها و يشحنها و يسلمك في الكويت و عنده ضمانات تعطيع الفلوس بوصل و ما عليك الا تدفع له 200 دينار عموله على السياره و ترتاح من الصداع و تطمئن لان عنده ناس في امريكا

انا طلبت منه سياره و انشاءالله الله يوفق و نشتري عن طريقه و عمولته مو واجد مقارنه مع عمولة الامريكان و المكاتب و الاسعار
و تسلم اذا تبي ارسل رابط الموضوع دز لي رساله و ابشر

الله يرحم والديكم جميعا على هذه الثقة والله يعينى على هذة الثقه
طويل العمر انا اعطيك كافة الضمانات بالنسبة لجميع السيارات في جميع الولايات المتحدة
فحص + سعر + نقل داخلي + شحن لميناء الشويخ
لان امريكا من اصعب التعاملات في جميع دول العالم
بعد التحرير شغلنا مع الالمان احسن تعامل وارقى تعامل بس امريكا لازم ناخذ كافة الاحتياطات لان اغلبهم يخوفون
وانا ديلر بامريكا عندي حسابات مع اكثر من 40 مزاد رسمي
99734896 عبدالله الهاجري ابو علي

 

[Q8i11]

و نعم والله بأبو علي
حبيب و باله طويل و ما يقصر مع كل اللي يسألونه

بس فيه واحد مره حط موضوع قبل فتره و قال أنه يفحص السيارة بأمريكا و يقدر عن طريق معارفه يجيب لك السيارة أسرع من غيره
و اللي مستغرب منه أنه ما تدفع له شي الا لما تشوف سيارتك بالكويت و تفحصها بعد !!!

ببحث عن موضوعه

 

[Q8i11]

و نعم والله بأبو علي
حبيب و باله طويل و ما يقصر مع كل اللي يسألونه

بس فيه واحد مره حط موضوع قبل فتره و قال أنه يفحص السيارة بأمريكا و يقدر عن طريق معارفه يجيب لك السيارة أسرع من غيره
و اللي مستغرب منه أنه ما تدفع له شي الا لما تشوف سيارتك بالكويت و تفحصها بعد !!!

ببحث عن موضوعه

هذا موضوعه http://www.indexsignal.com/vb/showthread.php?t=144286

معرفه جاسم الجسوم
بس اغلق موضوعه و يقول اللي يبي يتواصل معاي ايميلي موجود
اقرؤا موضوعه

 

[abdullah6868]

هذا موضوعه http://www.indexsignal.com/vb/showthread.php?t=144286

معرفه جاسم الجسوم
بس اغلق موضوعه و يقول اللي يبي يتواصل معاي ايميلي موجود
اقرؤا موضوعه

اذا يعطي الضمانات الله يكثر خيرة ويرزقه