أرجو المساعده- موضوع اجل مع كميفك

الموضوع في 'السوق الكويتي للأوراق الماليه' بواسطة الصدق منجاه, بتاريخ ‏5 يناير 2009.

  1. الصدق منجاه

    الصدق منجاه عضو جديد

    التسجيل:
    ‏22 يونيو 2008
    المشاركات:
    549
    عدد الإعجابات:
    0
    انا عندي عقدين اجل
    وكل ما يوصل سعر السهم للفسخ لازم اطرش فاكس او ايميل لهم عشان اجدد وادفع ال 10%
    وقبل كان الموظف يقولي ان شاللله بحسابك مليون دينار اذا ما طرشت فاكس بموافقة مكتوبة بخصم ال 10% راح نسحب منك اسهمك

    ويوم الخميس وصل سهمي لسعر الفسخ
    والاحد طرشولي ايميل بوجوب توفير المبلغ والموافقة
    انا ما رديت عليهم لاني خلاص مابي العقد
    خل يسحبونه
    فتفاجأت اليوم خاصمين مبلغ ال 10% ومو ساحبين الاسهم

    دقيت على المحاسبة في كميفك وبعد فترة دقو علي ادارة الاجل
    كلمني الموظف نفسة اللي خصم ال 10%
    وقالي احنا خصمنا عن حسن نية لانا شفنا سجلاتك دايم اتجدد فقلنا حرام يروح عليه العقد فقمنا بالخصم
    رديت عليه شكو تخصمون مبلغ من حسابي من غير موافقتي
    وحسن النية مالتكم وين اصرفها وانا الحين خلاص مابي السهم
    وشرايك عن حسن نية تشريلي اسهم جتك عليها توصية..وخلني اخسر وقولي عن حسن نية اشترينالك

    واخر شي تطور الحجي الى هواش وقالي اذا ما تبي اتجدد اي عقد لازم اتطرش لنا فاكس لاننا بالنسبة للاجل اذا شفنا عند العميل كاش نخصم منه الا اذا اهو طلب عدم التجديد بارسال فاكس
    قلتلة سبحان الله قبل كم يوم تقولون ان شالله بحسابك مليون من غير فاكس او ايميل تروح عليك اسهمك
    الحين الحجي غير

    قلتلة الحجي معاك ما منه فايدة وابي اكلم احد اعلى منك اشتكي واخذ حقي منه

    قالي طرش فاكس بالشكوى وانا ان شالله اصعد فيها للمالية ونحاول انحلها

    ارجو النصيحة
    شنو العمل بهالموقف؟
     
  2. m.h.a

    m.h.a عضو نشط

    التسجيل:
    ‏18 مارس 2007
    المشاركات:
    803
    عدد الإعجابات:
    1

    السلام عليكم
    اخوي اول شي تروحلهم وتقدم شكوي عندهم بشكل رسمي
    وشوف شنو ردهم حلولك المشكله ولا قعدوا يتعذرون
    وسجل شكوه واحنا نرفعها للشؤن القانونية
    اطلع من عندهم للبورصة ادارت التداول بالدور الثاني
    وقدم شكوى عندهم
     
  3. الصدق منجاه

    الصدق منجاه عضو جديد

    التسجيل:
    ‏22 يونيو 2008
    المشاركات:
    549
    عدد الإعجابات:
    0
    جزاك الله خير
    بس مشكلتي انا الحين بره الكويت
    وراد بعد شهر
    جزاك الله خير نبهتني
    شكلي بطرش احد يتابع الموضوع

    ولكن السؤال هل اللي سواه الموظف (انه يخصم من حسابك لتسديد 10 % بس لجرد حسابك فيه كاش)قانوني ولا لا؟؟
     
  4. m.h.a

    m.h.a عضو نشط

    التسجيل:
    ‏18 مارس 2007
    المشاركات:
    803
    عدد الإعجابات:
    1


    مايصير يجددلك الا اذا كلمك والمكالمة مسجله عندهم
    او تدزلهم فاكس بالموافقه على التجديد والخصم من حسابك
    غير جذي ماله حق يجدد ويخصم من حسابك عن حسن نيه
    اذا ماحلوها ودي معاك روح اشتك بالبورصة
     
  5. الصدق منجاه

    الصدق منجاه عضو جديد

    التسجيل:
    ‏22 يونيو 2008
    المشاركات:
    549
    عدد الإعجابات:
    0
    جزاك الله خير
    الحين هم السهم واصل سعر الفسخ مرة ثانية وهم حاجزين مبلغ غير المبلغ اللي ساحبينه اليوم
    انا سهمي تمويل خليجي

    قلت للموظف هالحجي
    قالي لا غيرنا النظام
    قلت له متى غيرتوا النظام وشلون ما تطرشون لنا ايميلات اتبلغونا بهالشي
    هذي مو وساطه هذي بقالة... كل يوم لهم حجي
    انا اتوقع الموظف جذاب

    حسبي الله عليهم