الحل عند «الكبير» والكبير الله سبحانه

الموضوع في 'السوق الكويتي للأوراق الماليه' بواسطة abubatoul, بتاريخ ‏5 يناير 2009.

  1. abubatoul

    abubatoul عضو جديد

    التسجيل:
    ‏6 سبتمبر 2008
    المشاركات:
    635
    عدد الإعجابات:
    0
    الحل عند «الكبير»


    اعربت مصادر عن امنياتها ان يتدخل امير البلاد باصدار قرارات حاسمة لاخراج البلاد من الازمة المالية.. وقالوا ان الامل الوحيد لهم هو تدخل «الكبير» دائما فهو الوحيد القادر على حماية القطاع الخاص والاقتصاد الوطني من الانزلاق الى الهاوية .. وحول الحلول التشريعية المقترحة من لجنة الانقاذ اشاروا الى ان هذا الحل جاء متأخرا، كما انه طرح في ظل ازمة وتوتر بين الحكومة ومجلس الامة.. كما ان هذه النوعية من الحلول بطيئة فالتشريعات تستغرق ما بين 3 اشهر الى نصف سنة حتى تخرج بالشكل المطلوب، فيما تحتاج الظروف الحالية الى ضخ نحو 6 مليارات دينار في السوق لاعادة الثقة الى المستثمرين لان محفظة الهيئة متحفظة جدا، الامر الذي زاد ضعف الثقة اضافة الى عدم الرغبة في المستثمرين في الشراء ودعم الاسهم ناهيك عن الخسائر .. وتراجع قيم الاصول.
    واقترحوا ان يتم طرح مشروعات كبرى للحفاظ على مستوى الانفاق الاستثماري ومستويات التشغيل لدى الشركات.

    جريدة الدار ...
     
  2. اشتراكي

    اشتراكي عضو جديد

    التسجيل:
    ‏7 سبتمبر 2008
    المشاركات:
    466
    عدد الإعجابات:
    0
    شنو قصدهم بهالتطبيل؟؟؟؟

    اشكره يبون الامير الله يديم ظله يشتري ديون التجار!

    لا قلعتهم هذا مال عام واكثر الشعب مالهم شغل بالاسهم

    شوفو كبار السن اللي على معاش التقاعد وصغار الموظفين اللي على

    معاشهم والارامل والمطلقات على الشؤون وباقي شرائح شعبنا

    هذيل كلهم مالهم شغل بالبورصه وانشالله تحترق هذا مالهم مال الكويت

    مو مال التجار الله لايشبع بطونهم! نعلبو دارهم مايشبعون؟؟؟؟
     
  3. عزيز نفس

    عزيز نفس عضو نشط

    التسجيل:
    ‏24 أغسطس 2008
    المشاركات:
    835
    عدد الإعجابات:
    2

    تدري ياخوي اشتراكي انا غرقان بالبورصة واللي نفسي المفروض يزعل من كلامك بس انا مستانس حيل من كلامك خل اخسر بالبورصة انا اللي جبتة لنفسي بس المال العام فلوس عيالي واخواني مايروح ببطون التجار وعساها يشيلون شي اسمة بورصة اتمني مافي دعم ولو فلس واحد
     
  4. ahmedh

    ahmedh عضو جديد

    التسجيل:
    ‏15 ابريل 2008
    المشاركات:
    406
    عدد الإعجابات:
    0
    مكان الإقامة:
    UK
    الـكــبــيــر هو الله سبحانه وتعالى.
     
  5. اشتراكي

    اشتراكي عضو جديد

    التسجيل:
    ‏7 سبتمبر 2008
    المشاركات:
    466
    عدد الإعجابات:
    0
    بيض الله وجهك يالعزيز يعني انا اللي ربحان بالبورصه؟؟

    الحال من بعضه

    كل اسواق الدنيا ردت ارتفعت

    النيكاي اليوم على اعلى مستوى من شهرين؟؟ تصور ؟

    الداو جونز اخترق ال 9 الاف صعودا

    السعودي 8 جلسات متواصله صعود

    طيب ليش احنا نكسر الدعومات تحت؟؟؟

    يبا لعبه من هالكائنات الحيه ( كثير عليها اسم انسان ) وضغط عشان يخلون

    الحكومه تشتري ديون اهم سااااااارقينها ؟

    افهمو ياشعب الكويت ( هذا وانتو اكثر شعب عربي متعلم باعتراف الكل)
     
  6. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    انا استغرب من هالشي و الله
    اذا ربحوا ما يتكلمون ولا لهم حس
    واذا خسروا !!!!!! الله لا يوريك !! ما يبقى احد ما دخلوا عليه
    يبا وايد ناس خسروا بس حامدين ربهم عالنعمه و الصحه
    و شنو يعني خسرت !! شنو بس تبي تربح ؟؟ هم ما يصير
    أول مره اشوف (( بعض من الناس )) بس يبي يربح و ما يبي يخسر
    دامك مو متقبل الخساره ليش داش ؟؟
    العالم كله بأزمه مو بس الكويت
    والشركات بينت بعين الكل اذا كانت زينه ولا شينه
    مايصير بكل شي ننشد سمو الأمير
    هذي تجارة يعني ربح و خساره .. ودامك خسران بالسوق يعني تحمل خسارتك و الله يعينك و اذا ربحان الله يزيدك اكثر و اكثر
    اسف على الإطاله و ارجوا من قارئ ردي تفهم و جهه نظري
    شكرا
     
  7. اشتراكي

    اشتراكي عضو جديد

    التسجيل:
    ‏7 سبتمبر 2008
    المشاركات:
    466
    عدد الإعجابات:
    0
    احسنت
     
  8. el6ayeb

    el6ayeb عضو نشط

    التسجيل:
    ‏21 يونيو 2007
    المشاركات:
    752
    عدد الإعجابات:
    0
    فعلا تدخل الحكومة راح يزيد التعقيد و والانهيار ....

    احنا بالمحفظة وغارقين و مو عارفين نرتد مثل الاوادم ...

    هل المرة اذا زاد الدعم شراح يصير.......؟؟؟؟!!!!!!!!!!!!!
     
  9. abubatoul

    abubatoul عضو جديد

    التسجيل:
    ‏6 سبتمبر 2008
    المشاركات:
    635
    عدد الإعجابات:
    0
    يا اخوان الموضوع اكبر من دعم بورصة ..
    اتخيل لو شركة كبيرة فلست بسبب صعوبة توفير سيولة .. شنو تبعات الافلاس على المواطنين بشكل مباشر ..
    في عدد كبير من المساهمين واكثرهم من البسطاء اللي حطوا ماوراهم ودونهم في هالشركة.. راح يقعدون عالحديدة.
    وفي عدد كبير من الموظفين اللي بالتاكيد راح يكون مصيرهم الى الشارع .. ورا هالموظفين هم في عدد كبير من الابناء والاسر والبيوت المفتوحة من كدهم ...
    مو هذول المواطنين مسؤولين بشكل مباشر من الدولة ..
    ناهيك عن من استثمر في هذه الشركة و قد يكونون ما خذين قروض حتى يحسنون من احوالهم المادية .
    كل هذا في حالة افلاس شركة واحدة فما بالك لو زاد العدد ..
    واعتقد لو تدخلت الدولة راح يكون بشكل قروض مقابل اصول يعني مو هبات مهدورة لمساعدة اشخاص .. وبالتالي القروض مردودة للخزينة آجلا او عاجلا.
     
  10. السوق الكويتي

    السوق الكويتي عضو جديد

    التسجيل:
    ‏12 أكتوبر 2005
    المشاركات:
    1,801
    عدد الإعجابات:
    0
    مكان الإقامة:
    الكويت
    السيناريو اللي صار شنو بالضبط ؟

    السوق بارتفاعات قوية من بداية السنة , بس طبعا كلها اغلاقات وهمية وتلاعب ,, عندهم سيولة وارباح ولعب على كيف كيفك !

    صارت الأزمة ,, قالوا يالله خلونا نتأثر وياهم ونصحح السوق اشوي ,, لان السوق منتفخ (بالرغم ان غالبية الأسهم اسعارها متدنية) ,, نزل السوق اشوي , وزاد النزول والعالم نزوووول ,, وتسابقنا نزول وياهم بالرغم من التصريحات الرسمية ان الكويت مافيها شي كلش ومو متأثرة بالازمة العالمية وسوقنا حديد واقتصادنا عال العال ,, والدهف طبعا اللعب واستغلال الأوضاع !

    بعدين طلعت مشكلة بنك الخليج ,, صار اشوي خووف من الوضع وكمل نزووول ,,

    طلعت اشاعات كثيرة وزاد النزوووول ,,

    طلع المستخبي اشوي اشوي,, من لعب وتفريخ الشركات الورقية وتلاعب بالميزانيات (اللي الكل يدري عنها بس ساكت) ,, وكملها نزوووول !

    طلعت الأرباح ,, خسائر بالهبل بالرغم النزول كان بس بآخر شهر من الربع !

    وبدأت الثقة تهتز ,, وكمل نزوووول !! طلعت البلاوي على حقيقتها واللي حاشت شركات كبيرة مو متوقعينها !!

    صارت الامور خارج عن السيطرة ,, وبدأ الهلع والبيع العشوائي والخوف !

    وكمل نزووووووول رواسي ,, صرنا احنا بازمة حقيقية !!

    بدأت الشركات الاستثمارية تصرخ للمساعدة اللي قبل كانت تضحك علينا وتقولنا سوقنا ماشي على العرض والطلب ونرفض التدخل !!

    والحين سوقنا بوضع لا يحسد عليه ,, وتدخلت الهيئة وأنشأت الصندوق للتدخل ,, بس كانت ذكية ماتبي هالشركات تضحك عليها !

    عصبت الشركات ,, تبي الصناديق تشتري كل شي بالسووق ,, يبوون سيولة يبون مضاربات تدري ربعنا عايشين على هالموال دايما!

    وكمل السوووق نزوله وماله شغل ابدا بالعالم !

    وشفت الأسواق العالمية تعدلت اشوي ,, واحنا مكملين نزووول ..


    حاليا السوووق خارج نطاق التغطية وسيطرتهم ,, وربما (يعني يمكن مو اكيد) الهيئة والحكومة متعمده انها ماتتدخل بشكل اللي يبونه عشان هالشركات الورقية تتنظف من السوووق ,, وينظفون السووق اشوي عشان يبقى الشركة ذو ملاءة اقتصادية ممتازة !


    الحيل بلشوا اللعب على الوتر الحساس ومطالبة الأمير التدخل !


    حبيبي اذا شركة مثل الدار وجلوبل مقبلة على افلاس اذا ماحدث شي طبعا يعدل الوضع ,, عيل الشركات الثانية شنو راح تقول وحتى لو ماعندها ديووون ولكنها ورقية واكل خبزها على المضاربات واسهمها نازلة بالحضيض شنو راح تسوي ,,,

    انطر ليه شهر 2-3 وشوووف البلاوي بالاعلانات !
     
  11. Balool

    Balool عضو نشط

    التسجيل:
    ‏20 يوليو 2007
    المشاركات:
    924
    عدد الإعجابات:
    0
    خلو الساحة بدون دعم حكومة .. التجار راح يبدون ياكلون بعض و ترتفع الاسهم خوفا من الاستحواذ
     
  12. الفسكرة

    الفسكرة عضو جديد

    التسجيل:
    ‏24 يناير 2007
    المشاركات:
    199
    عدد الإعجابات:
    0
    وايد مصدقين انه في مال عام !!

    والله لو في فعلا مال عام وعلى سعر البترول اللي وصل وعدد الشعب الكويتي .. جان الكل مرتاح ولا عنده هم الديون ومحد يعرف المقصود بالأزمه المالية اللي بالعالم !!

    ولا شتقولون ؟
     
  13. الصدق منجاه

    الصدق منجاه عضو جديد

    التسجيل:
    ‏22 يونيو 2008
    المشاركات:
    549
    عدد الإعجابات:
    0
    هالحرامية سمو الامير ادرى بالاعيبهم

    لا لدعم التجار
    نعم لدعم الاقتصاد والبلد
     
  14. وراكم وراكم

    وراكم وراكم موقوف

    التسجيل:
    ‏19 نوفمبر 2005
    المشاركات:
    192
    عدد الإعجابات:
    0
    هالحرامية موكفوا ان يتنزل سموا الامير حفظة الله
    ويحل مشاكلهم لانهم بالاساس ناس ماتستحي
    وحنا لنا الله ونتحمل الخساير والرزاق حي موجود

    والرزق على الله مو على الخرافي وغيرة