راح اييه يوم تقولون .........

[مستثمر 2008]

راح اييه يوم تقولون تذكر السهم الفلاني لما كان سعره 70 و80 و90 فلس اخييه ما شرينا والسيناريو يعيد نفسه وشكرا

 

[كنكون]

وزيدك من الشعر بيت
لمن تفلس جم شركه بتقولووووووووووووووووون ليتني بعنا ب 30 و60 فلس

 

[سفير النواياااا]

رزقكم فى السماء وماتوعدون

 

[NBK]

لن يصيبنا الا ما كتب الله لنا

 

[offoff]

باجر في شركه راح تدخل في 25 فلس
الد.....

 

[Abu Hashim]

راح اييه ؟؟ !!! ياليت نتكلم عربي

 

[مال و أعمال]

المشكله مو بالسهم وقيمته المشكله بأداره الشركات الى خذوا قروض اكثر من راس المال وهذى أخرتها (أفلاس) البنك المركزى وين المقاصه وين ( الحجز الكلى ) على اصول الشركات وتحميل الادارات لكل شركه المسئوليه

 

[ولد الديرة]

اخاف نقول كان في الشركة الفلانية والشركة الفلانية مدرجة بالبورصة

 

[ahmad2]

راح اييه يوم تقولون تذكر السهم الفلاني لما كان سعره 70 و80 و90 فلس اخييه ما شرينا والسيناريو يعيد نفسه وشكرا

أخوى كلامك هذا قلناه فى سنة 2005

تذكرون يوم كان سلطان بـ 68 فلس وكانت المخازن 200 فلس

وغيرها الكثير من الأسهم كانت بتراب الفلوس

وكنا نقول آه بس لو ترجع هالأيام كان نشترى بكل ما نملك

وهذى الأيام رجعت الآن ولكن الكل خايف ...

الخلاصة اللى ما خلانا نشترى فى سنة 2000 أيام الرخص

هو نفسه اللى مو مخلينا نشترى الحين وهو ........


الخوف​

 

[نص عليمي]

راح اييه

شتطلع اييه ؟!!::verymad::



قل " راح يجي يوم " ....أعتقد ماراح يضرك شئ والكل يفهمها !!!!!

 

[adel8877]

أنا ماعندى فلوس . فلوسى بأحسن الشركات الصفوة / الشبكة / للآجارة / دبى الأولى / دولية م أ / عقارات وبس .

 

[Bo Rashed]

أهو راح يجي اليوم
بس السؤال متى ؟

5 ولا 8 سنوات مثلا ؟

 

[قنوع ؟]

راح اييه يوم تقولون تذكر السهم الفلاني لما كان سعره 70 و80 و90 فلس اخييه ما شرينا والسيناريو يعيد نفسه وشكرا

ممكن تذكر لى اسم السهم اللى تتكلم عنه او ترمى له

واكون من الشاكرين

 

[adel8877]

قنوع أى سهم تشتريه هذه الأيام بسعر رخيص ويضرب معاك إلى الأعلى هذا هو السهم . مثلا الصفوة مليون سهم = 25000 دينار وبعد فترة السهم 200 فلس .

 

[attractive]

ممكن تذكر لى اسم السهم اللى تتكلم عنه او ترمى له

واكون من الشاكرين

اذا تسمحلي ارشحلك سهم ما صار عليه فلم وقاعد يصير عليه تجميع في خضم هالنزول القوي والله والله ما املك فيه سهم واحد لكن راح تشوفونه فوق في المستقبل يحلق عاليا ........ الوطنية للطيران

 

[baderalnajdi]

والله ياجماعه انا عندي اسهم خسران فيها وايد من قبل لاتصير الازمه وقمت انا كل مانزل المعاش قمت اشتري الاسهم اللي من 100 فلس ونازل على 20000 سهم وبنساهم واالي ايي من الله حياة الله درسنا بالتجارة كل شي فيه Risky مهما كان الضمان للشي اللي بتاجر فيه واللي مايغامر مايتعلم وماينجح وحتى لو فشل الفشل يعتبر نجاح, انه تعلم منه انا يمكن كلامي اعارضه وايد بس انا جذي والله اعلم