شركة دار الإستثمار ش.م.ك.م ( الدار ) ..... 8

[frozen]

أعرفه بس ماني قايلله

بلغه تحياتي ما عليك امر

 

[المغيرة17]

بلغه تحياتي ما عليك امر

يوصل .. هذي سهلة

 

[aanzi]

تنصحون احد يبرد على السهم

 

[frozen]

تنصحون احد يبرد على السهم

المغيره يقول 38 بيرتد

 

[aanzi]

والله انا هذا اللى اقوله بس كل ما اسأل ومنهم محلل من االلى يكتبون بالجرايد يقول لا وخل الشركة مولية ارد واقول بعد 3000 دينار فوقهم هى خربانه خربانه ولا شرايك

 

[Fundamentalist]

ليش متعجب ؟؟؟؟

سكيتي جذي بدون محد يدري شنو شروا وشنو خلوا؟ موشي ..

 

[Medo]

يعني فيلم جراند واللبنانية... كلاكيت ثاني مرة !

 

[frozen]

والله انا هذا اللى اقوله بس كل ما اسأل ومنهم محلل من االلى يكتبون بالجرايد يقول لا وخل الشركة مولية ارد واقول بعد 3000 دينار فوقهم هى خربانه خربانه ولا شرايك

من ناحية خربانه اهي خربانه و 3000 مو حسافه انشالله تضرب معاك و يطلع خبر عن تسوية المديونيه

 

[aanzi]

مشكور ويطول عمرك

 

[UNIX]

يعني فيلم جراند واللبنانية... كلاكيت ثاني مرة !

حزر بزر منو الفلم القادم ؟؟؟

 

[abubatoul]

امس كنت اقول حق واحد : ودي ابرد عالسهم الحين فاشرايك ؟؟
قالي : باسألك : لو واحد سألك اشتنصحني اخذ الدار ...؟؟؟ شبترد عليه ؟؟؟
قلت بصراحة بقوله : .. دور سهم ثاني ... افضل
قال : اجل انصح نفسك ...

 

[Fundamentalist]

حزر بزر منو الفلم القادم ؟؟؟

تمويل خليجي

 

[moooll123]

بالنسبة للدار
في غاية الغموض
لأن الديون عالشركة
عشر اضعاف الموجودات من الاصول
هل هو في طريقه الى الافلاس
ام في طريقه لمصلحة بعض القيادين
على حساب صغار المستثمرين
وبالنهاية
الضحية هم صغار المستثمرين
اللي مجمع له جم بيزة
وداش يترزق الله
ونسال الله ان يعوض الجميع
ولا يريهم خسارة
وحسبنا الله ونعم الوكيل

 

[بصرك]

بعرف شركه استثماريه
ولاوكالة مخابرات
محد يدري عنه شي

 

[rahaly]

وصلتني اشاعتين ..

الاولى : تقول ان ارباح الدار لعام 2008 بعد كل هالبلاوي .... تقريبا 101 مليون ...

الثانية : انهم سوف يفتتحون جروفينار هاوس في شهر مارس ... (طبعا مشتركين معاهم استحواذ واوكيانا(اوكيانا مو متأكد منها) ...
وانهم تقريبا توصلوا لتأجيل من البنك البريطاني عن قرض جروفينار هاوس (مؤقتا) على امل ان الافتتاح سوف سأتي بثمار


والخبرين نعتبرهم اشاعة .... لحين اية اخبار تؤكد او تنفي


والله اعلم

 

[abdullah.m]

ايوه رحالي كثر من الاخبار الزينه

 

[محب التوحيد]

بسم الله الرحمن الرحيم

الأخوة الكرام/

السلام عليكم ورحمة الله وبركاته

مرفق لعناية الأخوة الكرام ( ميزانية دار الاستثمار الغير مدققة للربع الثالث).

http://www.invdar.com/ar/media/files/البيانات المالية 30 سبتمبر 2008 - الدار.pdf

أنصح الأخوة المساهمين بقراءة الميزانية من البداية الى النهاية حتى تتضح لهم الرؤية أكثر.

وجزاكم الله خيرا

والسلام عليكم ورحمة الله وبركاته

 

[بصرك]

بسم الله الرحمن الرحيم

الأخوة الكرام/

السلام عليكم ورحمة الله وبركاته

مرفق لعناية الأخوة الكرام ( ميزانية دار الاستثمار الغير مدققة للربع الثالث).

http://www.invdar.com/ar/media/files/البيانات المالية 30 سبتمبر 2008 - الدار.pdf

أنصح الأخوة المساهمين بقراءة الميزانية من البداية الى النهاية حتى تتضح لهم الرؤية أكثر.

وجزاكم الله خيرا

والسلام عليكم ورحمة الله وبركاته

ميزانيتهم موواضحه
كلها ادخال ميزانيات شركات زميله

 

[محب التوحيد]

ميزانيتهم موواضحه
كلها ادخال ميزانيات شركات زميله

بسم الله الرحمن الرحيم

الأخ الكريم/ بصرك

السلام عليكم ورحمة الله وبركاته

الميزانية واضحة من ناحية البيانات والأرقام وتعطي رؤية واضحة للقاريْ.

وأنصح أخي الكريم بقراءة الميزانية كاملاً من البداية الى النهاية.وعلى أنها شركة اسثمارية وليست شركة تشغيلية ومع مراعاة أن الميزانية غير مدققة.

مثلاً: البند 8 هو خاص بالشركات الزميلة والبنود الأخرى تتكلم عن نشاط الشركة الاستثماري مثلاً البند 7 يتكلم عن الاستثمار العقاري. ...

وجزاك الله خيرا

والسلام عليكم ورحمة الله وبركاته

 

[عاشق البدر]

يعني شنو الملخص المفيد
الشركة بتفلس أو لا