الازمة الحالية فرصة "عظيمة" لك, تعال ابيك

الموضوع في 'السوق الكويتي للأوراق الماليه' بواسطة النــاقــد, بتاريخ ‏11 يناير 2009.

  1. النــاقــد

    النــاقــد عضو نشط

    التسجيل:
    ‏8 مايو 2006
    المشاركات:
    993
    عدد الإعجابات:
    0
    بسم الله الرحمن الرحيم

    قال تعالى:"عسى ان تكرهوا شيئا وهو خيرا"

    صدق الله العظيم​

    يا جماعة الازمة المالية العالمية عصفت بل ضيعت اكثر من 80% من مدخراتنا لكن هذا مو معناته نقعد نتحلطم او نتشائم ! لعدة اسباب واهم سبب هو :

    أن خسارتي و خسارتك و خسارتج هي خسارة غير محققة .. بمعنى ان الخسارة ما راح تتحقق الا لما تعطي امر البيع بخسارة والله لا يجيب لمسلم اي خسارة. ( الله يعين اهل الاجل بصراحة )



    طيب شنو العمل ؟

    و ليش تقول لنا أن الأزمة فرصة عظيمة ؟

    باختصار و بكل تواضع انا انصحكم يا اخوان باخذ دورات مكثفة في التحليل الفني او التحليل الاساسي

    وين بتحصل فرصة افضل من هالفرصة ؟

    الفلوس تجمدت الى اجل غير مسمى !

    والبورصة وقفت او كل مالها و تنزل ومحد قادر يعرف متى او وين رايحة ؟!

    يعني فرصة ما بعدها فرصة انصح فيها اخواني اللي دشوا السوق على نياتهم وضاعوا مع اللي ضاع وسط هالبحر الهائج من الامواج اللي ما ترحم احد.

    انا عن نفسي , بديت من زمان اقرا في المنتديات و في بعض المواقع المختصة في شرح قواعد التحليل الفني, و بصراحة عظيت اصابعي ندم مع كل درس اقراه لكن صار اللي صار و ما اتوقع اني بغلط نفس الغلطات الماضية

    تخيل اخي العزيز انك بدأت الان, وبعد 6 اشهر مثلا اصبحت تتقن الاساسيات و بعد 9 اشهر اصبحت متمكن !




    طبعا كان الفضل ( من بعد الله سبحانه وتعالى) للأخ الكبير الشامري اللي وجهني للتعلم, و انا الحين احب اقوم بنفس الدور و انصحكم فيه ومنكم نبي الدعوة الحلوة و يارب تستفيدون و تفيدون وترجعون خسايركم او تربحون بعد

    و اخيرا ... احب اقولكم اكيد السوق بينتعش ومثل ما نزل مرده راح يصعد فكن مستعد للصعود علشان تعوض الخساير اللي تكبدتها انت وانا بجهلنا

    وشكرا

    اخوكم النــاقــد
     
  2. baselko

    baselko عضو نشط

    التسجيل:
    ‏10 يوليو 2005
    المشاركات:
    1,468
    عدد الإعجابات:
    2
    مشكوور اخوي الناقد على النصيحه

    بس احب اقول لك حتى المحللين الفنيين اخسروا وهذا مو معناه الواحد مايتعلم التحليل لان العلم نور وبارك الله فيك
     
  3. ابو فهد 75

    ابو فهد 75 عضو جديد

    التسجيل:
    ‏3 سبتمبر 2007
    المشاركات:
    804
    عدد الإعجابات:
    0
    اللي صار ما سلم منه احد ولا تحط اللوم على المعرفه والجهل


    هذا امر غير متوقع ولا يعلم فيه الا الله سبحانه



    حتى اهل الترندات ما عينوا خير :)
     
  4. مضارب شجاع

    مضارب شجاع عضو جديد

    التسجيل:
    ‏8 مايو 2007
    المشاركات:
    4,707
    عدد الإعجابات:
    1
    ان فات الفوت ما يفيد الصوت
    مثل قديم ولكن يصلح لكل زمان ومكان
     
  5. AL.MOUSAWI

    AL.MOUSAWI عضو نشط

    التسجيل:
    ‏6 مايو 2007
    المشاركات:
    4,099
    عدد الإعجابات:
    1,159
    مكان الإقامة:
    المنصورية سيتي
    جزاك الله خير اخي العزيز الناقد فعلا نحن بحاجة الى راحة لالتقاط الانفاس ومراجعة الذات وكذلك نحن بحاجة الى مثل هذه المشاركات التي قد تساهم ولو بجزء بسيط من الطمأنينة...فما حصل قد حصل ولم يبقى لنا الا الصبر ولا شيء غيره .أكرر شكري لك على مشاركتك هذه و نسأل الله العفو والعافية وتمنياتي للجميع بالتوفيق والسداد،
     
  6. المطرود

    المطرود عضو نشط

    التسجيل:
    ‏22 أغسطس 2004
    المشاركات:
    2,246
    عدد الإعجابات:
    1,621
    بارك الله فيك اخوي الناقد المحترم

    أتمنى تحط لنا روابط لمواقع إنت ترشحها لبعض المواقع المختصة في شرح قواعد التحليل الفني والأساسي واللي إستفدت حضرتك منها ونكون لك من الشاكرين.

    مع خالص التقدير
     
  7. wooow

    wooow عضو جديد

    التسجيل:
    ‏8 يونيو 2008
    المشاركات:
    1,143
    عدد الإعجابات:
    0
    الحمدلله على كل حال

    بالنسبه لى خسارتي لا تتجاوز 5 % ولله الحمد والسبب بعد الله محلل فى العملات نصحني بالخروج من السوق قبل 6 شهور واسم المحلل فهد الديحانى الله يجزاه خير مع ان الرجل ما يتعامل فى بورصة الكويت لكن بيض الله وجهه وانا حاليااا على المدرج من 6 شهور .. وانصحكم بضرورة تعلم التحليل الفنى
     
  8. نايف السلطان

    نايف السلطان عضو جديد

    التسجيل:
    ‏17 أغسطس 2008
    المشاركات:
    90
    عدد الإعجابات:
    0
    جزاك الله كل الخير بصراحه امسك اسهمك لاتخليه خساره محققه
     
  9. bobader77

    bobader77 عضو نشط

    التسجيل:
    ‏12 يوليو 2004
    المشاركات:
    142
    عدد الإعجابات:
    0
    مكان الإقامة:
    الكويت
    شكرا على هالموضوع

    ودي اشارك معاك في الموضوع
    واهو من اهم المواضيع
    راح ابدأ مشاركتي في رؤية المستقبل وعدم النظر تحت رجلي
    الحين احنا في أزمة ، فما رواء الازمه
    انا خسرت كل أموالي فهل هي نهاية المطاف
    هل انا انتهيت!!!!
    اسهمي اصحبت ورق، هل لي من بداية جديدة
    هل بعد هذا النزول صعود ، وانا لا املك شئ أو يمكن املك ورق.
    نصيحة اخونا في تعليم التحليل وليسمحلي هي ناقصه، ان كانت الناس خسرانه فلوسها او اسهمها وصلت الى 10% من اسعارها او من رأس المال.
    اذا، فما هو الحل؟
    الحل برأيي المتواضع والبسيط اهو عمل استراتيجيه بسيطه
    كلنا نعلم ان بعد النزول صعود
    ولكن ما هي المدة؟
    ومتى يبتدأ انتعاش السوق؟
    وكيف أبدا من جديد؟
    كل فلس تقدر تحوشه جمع فلوس من الآن
    والصعود سوف يحصل والاسهم رخيصه
    يعني تقدر تشتري ب30 الف دينار مليون سهم
    ب 3 الاف دينار مئه ألف دينار
    بس مو في الوقت الحالي لان الكل حاس أن في وضع غير طبيعي منها يمكن تفليسات أو دمج أو شئ راح يحصل بس كلنا متفقين ان ما في شئ ايجابي بكل الاحوال راح يكون سلبي؟
    اذا، راح انتظر حتى يبدأ السوق بالانتعاش وكلنا يذكر ان السوق لما صعد كانت تصعد مجاميع يعني مجموعه البحر وبعدها مجموعه المخازن ووراها وبعدها مجموعه البدر ومجموعه الخرافي يعني كانت في شراره بأول مجموعه، خل اطوفني وحده من المجاميع واركب الثانيه بس اكون على الاقل مطمئن لحال السوق وأبتدي اشوف الناس بدت تربح.
    نرجع حق موضوعنا........
    يكون في هالوقت انا قاعد اجمع باللي الله يقدرني عليه من فلوس
    خل يوصل راس مالي الى الف ، الفين ، ثلاث الاف دينار وابتدي من جديد
    لا ننسى كانت 3000 دينار ياله تجيب وحده بسهم 300 فلس أما الحين تجيب 100 الف سهم بو ثلاثين فلس فهي فرصه لي.
    هذا من الناحيه الاستثماريه، وابدأ بالتعلم في التحليل الفني مع مراقبه السوق وتطبيق وهمي على الاسهم حتى تبدأ الدوره الجديدة للسوق واكون انا مع الاوائل وبالاسعار الرخيصه.
    هذي مجرد خاطره حبيت اتكلم فيها واشجع اخوي اللي بدأ بالتعلم وافيده بطريقة وضع استراتيجية جديدة للبداية الصحيحة وانتظار القطار القادم الذي بإذن الله يكون للقطار اللي طافه.
    برأي شخصي لي اتوقع انتعاش السوق من سنه الى ثلاث والله اعلم وهي فتره تكون فيها استراحه محارب والبدأ بالاستعداد والتعلم لما هو آت
    وسامحوني على الاطالة ...

    لي مشاركة سابقه في الخروج من السوق بتاريخ 12/7
    http://www.indexsignal.com/vb/showthread.php?t=112857&page=9
    المشاركة 135
     

    الملفات المرفقة:

  10. المقرود

    المقرود عضو نشط

    التسجيل:
    ‏8 نوفمبر 2004
    المشاركات:
    825
    عدد الإعجابات:
    4


    ماكو فرق بينا وبين أهل الآجل ، الفرق الوحيد أن أهل الآجل حاشتهم الصدمة مفاجأة مرة وحده وأكتشفوا إن فلوسهم راحت ، وضاق خلقهم جم يوم والحين مرتاحين
    وأما احنا فإن الصدمة تدريجية ، كل يوم شوية ، وكل يوم يخلونك تتعلق ببصيص من الأمل ، إلى أن اكتشفنا أن 90% من الفلوس راحت ، يعني مابقى منها شي ، واحنا لي الحين متأملين وناطرين ، وقلوبنا معلقة على ال10% اللي بقت ،​
     
  11. ابو راشد الواصل

    ابو راشد الواصل موقوف

    التسجيل:
    ‏8 يوليو 2008
    المشاركات:
    565
    عدد الإعجابات:
    0
    الله يعطيك العافيه على الموضوع المميز

    وتشكر على ذالك

    اخى العزيز الناقد فعلا كلامك فى محله

    يجب على كل متداول فى السوق دخول دوراة فى التحليل الفنى

    افضل من ان يخسر راس ماله وبعد فتره يقول يا لية اللى جرا ما كان

    وعلى العموم الف شكر على الموضوع؟؟؟؟
     
  12. q8aty

    q8aty عضو نشط

    التسجيل:
    ‏15 أكتوبر 2008
    المشاركات:
    539
    عدد الإعجابات:
    0
    الصراحه قناعتي بأن السوق سوف يأتي له يوم ويصعد كقناعتي بأن السوق الحين نازل ........وشكرا
     
  13. Q8_123

    Q8_123 عضو نشط

    التسجيل:
    ‏3 يناير 2009
    المشاركات:
    1,296
    عدد الإعجابات:
    586
    ان شاء الله السوق صاعد .. مثل ما سعر البترول جاله شيء و خله يصعد .. اكيد السوق بتجيله اسبابه و يصعد
    و صدقوتي يا ناس احنى اللي قاعدين انزل السوق . بخوفنا و نبي نبيع اب اسرع وقت
    و انا واحد من الناس دشيت السوق بدوون لا تحليل ولا شيء .. و دشيت في بداية الازمه و تحسفت . بس الواحد شنو يقول .. يقول الحمدالله و الشكر لله على كل حال و خلو إمانكم بالله قوي و انشاءالله راح تفرج بس كلها مسألت وقت
     
  14. اجورود

    اجورود عضو جديد

    التسجيل:
    ‏13 أكتوبر 2008
    المشاركات:
    107
    عدد الإعجابات:
    0
    اسعداللة صباحكم جميعا يوميا اتابع المتدى وتصفح مواضيعه ولاكن هالموضوع حبيت انى اثنى على من كتبه لان الحياه تبي المغامره والتحدى ولابد الانسان ياخذ من الاولين دروس بكل اختصار اخوى اللى اكبر مني بكم سنه بسنة1996 تقاعد من عمله وبعد ان استلم جميع مستحقاته ورتب اموره كان يبي يستثمر هالبيزتين المهم انه له موظف قيادى بالوزاره اللى يعمل فيها وكان هذا الموظف تربطه زماله مع اخوى قاله هالموظف القيادى بالوزاره يابوفلان انت كم سنه تبي تستثمر افلوسك قال الولد عمره 10 سنوات وبيها له لان البنت تتزوج وتروح لبيت زوجها قاله اشتر اى سهم بالبورصه تابع للبنوك وشرا سهم بنك التجارى 152فلس وكان راس ماله 52الف دينار والغريب بالموضوع ان دايم يقول دشيت السوق والناس تبجي مثل هالايام روايتي لكم مو تحريض انكم تشترون او تبيعون ولاكن للذكرا والدروس وتقبلو تحياتى
     
  15. نائب

    نائب عضو نشط

    التسجيل:
    ‏7 يوليو 2006
    المشاركات:
    754
    عدد الإعجابات:
    10
    مكان الإقامة:
    الكويت
    ههههههههههه حسبي الله عليك هذي وين لقيتها لا والملفت للنظر انه مصمم ترند لاموجة هابطة ونقطة ارتداد مع احترامي لكل المحللين اغلبهم خسرانين لانها ضربه عالمية كسرت كل ترنداتهم ونقط الارتداد

    ولكن يوجد الان فرص عظيمة يجب دراستها عند الوصول للقاع تقريبا والاستثمار فيها للامد البعيد الاسهم الفلسيه ذات الاصول والله الموفق
     
  16. الوقيت

    الوقيت عضو نشط

    التسجيل:
    ‏24 يونيو 2004
    المشاركات:
    565
    عدد الإعجابات:
    17
    مكان الإقامة:
    الكــويـت الغالية
    كلامك يا بو بدر صحيح الكلام هذا وانا مؤيد لك
     
  17. endless77

    endless77 عضو جديد

    التسجيل:
    ‏13 يناير 2009
    المشاركات:
    196
    عدد الإعجابات:
    0
    مكان الإقامة:
    الكويت
    في محللين ماليين يقولون ارتباطنا بالأسواق العالمية نفسي مو حقيقي!!!!!!!!!!!1
    بنك الخليج انهار وشركات الإستثمار انداس ببطونهم ويقولون نفسي!!!!!!!!!!!!!

    يا خالي اي محللين اي بطيخ خلها على الله يا بو مناور

    على فكره ترى كل المحللين خسرانين
     
  18. نائب

    نائب عضو نشط

    التسجيل:
    ‏7 يوليو 2006
    المشاركات:
    754
    عدد الإعجابات:
    10
    مكان الإقامة:
    الكويت
    ونعم فيك اخوي الناقد فعلا الكلام اللي طالع من الصميم يبين الله يوفقك ويوفق الجميع النصيحة وصلت وهذا احنا مبطلين عيونا :eek: وندور اقرب فرصه
     
  19. kwt.to.kwt

    kwt.to.kwt عضو جديد

    التسجيل:
    ‏29 يونيو 2007
    المشاركات:
    4,266
    عدد الإعجابات:
    0
    الأزمة طالت الجميع
    حتى الخرافي بنفسه
    ومحمود حيدر
     
  20. مضارب الخير

    مضارب الخير موقوف

    التسجيل:
    ‏18 أغسطس 2008
    المشاركات:
    166
    عدد الإعجابات:
    0
    هههههههههههههه

    توني شايفها

    اما في هذي صدقت والله خسرنا مثل ماخسرتوا

    طبعا في اسهم سابقه قبل لااملك السهم المبروك تمويل خليج

    والله اني ربحت من هالترند وخرجت ودخلت مره ثانيه امس

    والاحد ارتداااااااااد بإذن الله

    اوجه شكري لصاحب الموضوع الاخ الغالي الناقد

    وعسى الله يوفقك ويبارك فيك ان شاء الله