عضو جديد يطلب الترحيب وابداء الرأي فضلا لا امرا

[ابو_سامي]

السلام عليكم .. في البدايه يسعدني ان أكون عضو معكم في هذا المنتدى المحترم والمميز صراحه بوجود كفاءات متميزه لاتتوانى عن مساعدة الاعضاء الاقل خبره والذين يحتاجون الى مساعده وانشاءالله نتعاون لجعل هذا المنتدى من أنجح المنتديات الاقتصاديه.

المقدمه بالفصيح لانها رسميه والسوالف بالعامي لانها اخف
الصراحه انا توني هاوي الاسهم ومعلوماتي عنها بسيطه واتمنى نفيد ونستفيد من الاخوان في هذا المنتدى الجميل ولو كنت اشك في اني اقدر افيدكم في الاسهم بس اذا تبون خدمه في اي شي له علاقه بالكمبيوتر والانترنت انا حاااااااااااااااااااظر وابشروووووو باللي اقدر عليه

طيب ... ابي راي هوامير المنتدى بهالاسهم وش لهم و وش عليهم واذا ينصحون فيهم على المدى القريب .. وياليت تعطونا اسعار الدخول والخروج والستوب لووس اذا كانت الاسهم اوكيه .. وهذي الاسهم
Pups.ob
Ncra.pk
Usxp.ob

ومشكورين مقدما

 

[Abu Faisal]

الله يحييك بين اخوانك

 

[alattar]

حياك الله اخوي ابو_سامي بين اخوانك


تحياتي

 

[jboori]

الله يحيك
وهالله هالله بالتروي اللي موزايد عن حده
وكثر قرايه لكن بشكل مركز نوعا ما حتى تخرج بفائدة
وحدد لك استراتيجية
وأقرا منتدى المواضيع المهمة لانها فعلا مهمة ومفيدة
والله يرزق وإيانا

 

[waseem]

ياهلا وغلا فيك بين اخوانك .

 

[هاب ريح]

يامرحبا وياهلا فيك ياابوسامي......... احرص يااخوك من هالسوق تراه حرامي

لاراحت فلوسك لاتجيب محامي........ ركز معانا اهني وخلك عصامي

هذي حياتي انا وهذا نظامي......... ودايم تري خسان وبالليل ماانامي.


هلافيك اخوك الصغير ابوسعد.


ياويلك من الخساير

 

[ابو_سامي]

ايه ده الهنااااااااااااااااااااااا كلووووووووووووووووه ماشاءالله وانا اقول وش في الموضوع ينور .... ابو فيصل والعطار ووسيم كلهم مره وحده ولايهونون الشباب والله كلهم حبايبنا .. .. مشكورين والله على حفاوة الاستقبال ومشكور حبيبي جبوري على النصيحه ولاتوصي حريص والشااااااااااااااعر هاب ريح تسلم والله كان ودي ارد عليك ببيتين لكن ماااااااااااش القريحه لها كم يوم مهب اللي انت تبي تاخذ لك شوية نثر تمشي حالك لين ادبرلك بيتين هههههههههه وبعدين فاااااااال الله ولا فالك والخسارة خسارة الروح والا الباقي مقدور عليه انشاءالله
نورتونا والله وانشاءالله نكون عند حسن الضن