وكيل تويوتا في الكويت الساير يحذركم

[البرغوث]

العالم كله عنده تخفيضات الا الساير

والمشكله هالشعب اللي من شاف الاسعار ارتفعت

راح وشجع التجار على رفع الاسعار

كانه يكافئهم

بس المفروض نخليها تصدي

عشان يعرفون ان الشعب الكويتي مو هين

 

[CHILI_Q8]

باقوا افلوس الناس وقالوا مافي احد يقدر علينة

{ويمكرون ويمكر الله والله خير الماكرين}

 

[UNDER_0]

بسيطه يالساير نزل أسعارك شوف الناس شلون تشتري منك !!! بعز الأزمه الماليه رافع الاسعار 1000 دينار !!

بس شاطرلي بالمهايط بالجرايد !! على هالحال و أردى

 

[UNIX]

50% تنزيلات ؟؟ طل

اللاندركروزر الفل وصل 19100 !!

 

[المتفائلون]

لا تحاتون ياخوان الاسعار نازلة رغما عن انف الجميع ... المسالة خرجت من يدينهم والمسالة اكبر مما يتصورها شخص .. الايام القادمه ستشهد ذلك في جميع القطاعات وليس على السيارات ... بس اللى يبي يشتري لايستعجل

 

[مضارب شجاع]

هذا الساير يبى له مقاطعه علشان يحترم وجهة نظر المستهلك الكويتى
خلوها تصدى وسنتها تعدي

 

[المقرود]

الحين حتى جودة المنتج بشكل عام (ما اتكلم بس عن تويوتا) راح تنزل من باب تقليل المصاريف لكن يمكن تبين بعدين لأن الهدف حاليا تصريف الموجود بالمخازن و الإبقاء على خط الإنتاج مفتوح قدر المستطاع​

نعم كلامك صحيح وقبل أيام أعلنت تويوتا أنها سوف تستبدل نوع الحديد المستخدم بسياراتها ، بنوع حديد آخر كوري أقل تكلفة ، وهو نفس النوع الذي تستخدمه حاليا سيارات نيسان وميتسوبيشي

كنت في وكالة الساير قبل 3 أيام ، وبالفعل فإن عدد الزوار قد قل بصورة كبيرة جدا مقارنة بالأشهر الماضية ، حتى أن السماسرة (بائعي السيارات) كانوا يتجمعون على الطاولات ويقضون وقتهم في السوالف لقلة الزبائن

 

[حفار قبور]

يا اخي خلك منصف يعني انت اذا كنت
مكان الساير اتكدس سياراتك وتطلب رواتب الموظفين
من بيت الزكاة مثلا ؟؟؟

والوكالات الثانية يوم خفضت الأسعار صرفت معاشات موظفينها من لجنة مسلمي أفريقيا مثلا ؟

 

[نقوشي]

شغلتين توقف هالمهزلة :

1- رفع قضية احتكار ضد الساير بالمحاكم

2- تقديم شكوى ضد الساير لدى شركة تويوتا الأم في اليابان



اذا ما نفع

مالنا الا محكمة العدل الدولية في لاهاي

يحطونه بالقفص مثل ميلوسوفيتش

 

[bo7mny]

اي 50% اي 80%

الرجال رافع اسعار السيارات وتقولي 50 و80%

انا بتاريخ 30/10 مستلم اللاند 2009

وكنت قبلها بشهر مسوي المعاملة ودافع مقدم 1500

يوم مريت بكمل الاجراءات ...على اساس ان الموتر 14650

االا.... الاخ يقول رفعنا السعر 200 دينار

قلتلة انا شكو ...انا مسوي المعاملة قبل الاترفع السعر

يعني انا مو ملزوم بالزيادة

وبعد قصة طويلة وصيحة...شالوا عني الزيادة

الجماعة يبوني اهون...على اساس مليون واحد ناطر...ويبي الموتر

المهم

خذيته بالسعر قبل الزيادة...وغصب(ن) عليهم

الغريب اني

مرينة بعد فترة الا ...الاقي نفس سيارتي ونفس المواصفات 15600

يعني زيادة حوالي 1000 دينار

سالت ابوهاني مديرهم...قلت له شالسالفة ليش هالزيادة

قالي بالحرف الواحد ...سياراتنا قاعد تنباع على الباخرة...والطلبات مكودة ل6 اشهر جدام

ليش انزل سعري



تبون الصراحة


الساير غريب عجيب