موضوع هام جدا" اتمنى المشاركة

[amegoos]

الموضوع بكل بساطة هي النظريات التي ظهرت لتحليل السهم بإستخدام
الشارتات وغيرها..........!!

سنه 98 أو 99 ماني ذاكر بالضبط جاءوا مستشاريين اقتصاديين امريكيين (( خبراء بالبورصات )) الى الكويت واجتمعوا مع قيادي البورصة في الكويت وبعض الشركات المدرجة فيها لتقديم المشورة والنصائح لهم........

المهم ياني خبر انهم راح يسوون ندوة او محاضرة في جامعة الكويت عن البورصة الامريكية بشكل عام (( انا قلت فرصة )) محاضرة وشرح (( ببلاش ))
ورحت مع مجموعة وقعدنا و بدوا يتكلمون عن كل شي ولما خلصوا قالوا الي يبي يسأل يقول الفضول خلاني اقوم اسأل...........

سألتهم عن رايهم في النظريات تدرون يا جماعه شنو كان ردهم .......؟
راح اترجمها بالحرف الواحد لانه ليلحين راكزه بعقلي :

هذا كله كلام فاضي ( النظريات ) شنو اييب مسطرة ارسم واقول اي السهم الحين راح يصعد لي هالنقطة أو راح ينزل هذه كلها افكار لجذب الاموال للبورصة

قالوا الشي الوحيد الي يتحكم بسعر السهم نقطتان :
1- اخبار الشركة واداءها
2- المضاربيين . (( راح اشرح باجر انشاله شلون يتحكمون بالسهم من واقع )) .

ومن ذاك اليوم ليلحين ما شفت شخص اقنعني بغير هالكلام لأني ناقشت وايد ناس بالموضوع محد عطاني رأي مقنع.........

والموضوع متروك لكم للمناقشة وابداء رأيكم.....

 

[جمل]

أعتقد أخي الكريم ان التحليل الفني ينفع نوعآ ما و هو يساعد في معرفه اتجاه من يستخدمون التحليل الفني ...اي توقع سلوك فئه من المضاربين .( وهم الذين يعتمدون على التحليل الفني )
كما ان اهم أدوات التحليل الفني في نظري هما المتوسط المتحرك...والقوه النسبيه.

....

كما أعتقد أن حركه الشارت وتاريخه....والشركه نفسها...,حجم التداول...هي نقاط التقييم الأهم في نظري .

والتوفيق من الله أولآ وأخيرآ...هو الأساس.

 

[amegoos]

مشكور اخوي جمل على تفضلك بالرد على الموضوع

 

[Abu Faisal]

اخي الكريم يقول المثل لا تكن لينا فتعصر ولا قاسيا فتكسر
انا كنت زيك كذا
بس بعدين توصلت لان التحليل الفني له دور
تقول لي كيف اقول لك
تدري ان العامل النفسي له دور كبير على المضاربين
التحليل الفني يعكس حالة المضاربين النفسيه يعني عن طريق مدلولات مثل تاريخ السهم تلاحض ان السهم خلال فتره معينه يوصل لسعر معين ثم يرتد كذا مره ايش معنى هذا؟
معنى هذا ان الناس نفسيا تبرمجت ان النقطه هذي مقاومه يعني انت لو شفت سهم اخر اسبوعين يوصل الى 3.6 وبعدين يرتد الى 3.2 اكثر من 5 خمس مرات هل سوف تشتري السهم من بسعر 3.57 مثلا؟
طبعا لا لان تاريخ السهم يقول ان السهم سوا حاجز نفسي عند هذي النقطه

وقس على ذلك نقاط الدعم

حتى لو كان بداية التحليل الفني مالها اساس الان صار لها لان هناك اعداد كبيره من الناس تستخدمه يعني له تئثير على السوق فلا نستطيع ان نعزله عن السوق
صحيح ان اكبر محرك لسهم هو الاخبار فهي تقلب جميع الاوراق
ولاكن الاخبار ليست في كل وقت هناك شركات بالاشهر لا تصدر اي خبر
اذن هل تترك المضاربه فيها؟ او تشتري في اي نقطه ؟
طبعا لا راح تنضر لتاريخ السهم وتشتري على اساس تحليل السهم فنيا

اما اذا كنت مستثمر لفتره طويله فنعم التحليل الفني لا ينفعك كثيرا

عما الخلط بين الاخبار والتحليل الفني والاساسي هو الاسلوب الناجح

 

[amegoos]

مشكور بو فيصل على انك عنيت نفسك ورديت على موضوعي :

بو فيصل كلامك وايد حلو وجميل وانا معاك انه التحليل عامل نفسي للي يشتغل بالبورصة ومعاك بعد انه اغلب الناس يعتمدون عليه بس الي اقصده انه مو معيار للأخذ فيه للشراء أو البيع مثل ما يسوون الناس لاني الي لاحظته انه وايد ناس يعتمدون عليه بشكل مطلق (( لا يعلم الغيب الا هو )) والي قصدته انه هذا سوق ما اقدر اقول والله السهم راح يصعد لان الشارت ماله الحين كذا وراح يوصل كذا مو سبب مقنع لاجراء اي عمليه باجر انشاله لما اتكلم عن المضاربيين وتأثيرهم راح تعرف وجهة نظري اكثر .....

واكرر شكري لك يا بو فيصل على مشاركتك القيمة .....