درس في شمعة " الطفل المهجور " مع التطبيق

[TAKE-OVER]

نشكر مشاركاتك المميزة والراقية

العفو
و مشكور على ردك الراقي

 

[TAKE-OVER]

يعطيك العافيه بوطلال على الموضوع

سؤالي هو: هل اشتريت السهم في الحالتين ؟

هلا و مرحبا بو علي
شلونك و عساك بخير
سواء اشتريت السهم بالحاله الاولى او الحاله الثانيه او ما اشتريته بالحالتين هذا لا يقدم و لا يؤخر بالموضوع
و القصد من موضوعي هو تسليط الضوء على " التحليل عن طريق الشموع اليابانيه " و خصوصا بانه لازال فيه وقت بانه ندخل على السهم اللي حقق شروط النموذج و نستفيد منه

 

[Bo Mostafa]

سؤال بعيد عن الموضوع بارك الله فيك يا بوطلال وإن شاء الله ما ننحرم
شلون تخفي خطوط الطول الخلفية للشارت ؟

على فكرة الأمور زينه على ما يظهر تقدر تشاركنا المسابقة الإسبوعية

مع الشكر الجزيل حده

 

[بورش]

السلام عليكم و رحمة الله و بركاته
في البداية احب اشكر اخواني (( بورش - assad - لابتوب )) على تواصلهم الدائم
اخواني
اتمنى عدم تجاهل الشموع اليابانيه لانها " صادقه " اذا تم تحقيق شروط النموذج
هذا شارت " بنك بوبيان "
في الشارت الاول مسحت الشموع اللاحقه لتكوين النموذج علشان يكون الشرح واضح
و اتمنى باني وفقت في طريقة الشرح

ماطغى على علمك الا احترامك يابوطلال, لك مني كل الاحترام والشكر والتقدير يالغالي

يعطيك العافيه على هالمجهود وجزاك الله خير

في سؤال في بالي يالغالي, الشمعه قبل الأخيره, كانت الرجل المشنوق, وشروطها تحققت بأن طول ظل الشمعه من ضعفين الا ثلاث اضعاف جسم الشمعه وكانت من بعد صعود للسهم, وعادة من غير شمعة تأكيده بعدها توقع نزول السهم 95%, حالياُ السهم ماعبرها وكمل صعود, هل لأن شمعة الطفل المهجور اقوى منها ؟ او في شي انا مو فاهمه

ويعطيك العافيه

 

[aclient]

بارك الله فيك يا بو طلال

 

[ابو خليفه]

الله يجزاك خير ونموذج بالغالب يححق هدفه

 

[TAKE-OVER]

سؤال بعيد عن الموضوع بارك الله فيك يا بوطلال وإن شاء الله ما ننحرم
شلون تخفي خطوط الطول الخلفية للشارت ؟على فكرة الأمور زينه على ما يظهر تقدر تشاركنا المسابقة الإسبوعية

مع الشكر الجزيل حده

تفضل يا اخوي بو مصطفى
طريقة اخفاء خطوط الطول و العرض للميتاستوك

 

[TAKE-OVER]

ماطغى على علمك الا احترامك يابوطلال, لك مني كل الاحترام والشكر والتقدير يالغالي

يعطيك العافيه على هالمجهود وجزاك الله خير

في سؤال في بالي يالغالي, الشمعه قبل الأخيره, كانت الرجل المشنوق, وشروطها تحققت بأن طول ظل الشمعه من ضعفين الا ثلاث اضعاف جسم الشمعه وكانت من بعد صعود للسهم, وعادة من غير شمعة تأكيده بعدها توقع نزول السهم 95%, حالياُ السهم ماعبرها وكمل صعود, هل لأن شمعة الطفل المهجور اقوى منها ؟ او في شي انا مو فاهمه

ويعطيك العافيه

هلا باللي له الخاطر يهلّي
شلونك بو جوري
و عساك بخير
و بشرنا عن دراستك بامريكا
الشموع اليابانيه تعتمد على الشموع التأكيديه للنماذج
و بما ان السهم شكّل نموذج الطفل المهجور فهذا يعني ان السهم لابد ان يحقق هدف النموذج
و ظهور شمعة " المطرقه " خلال النموذج فهذا يدعم تحقيق الهدف
و بهذه الحاله لا تعتبر الشمعه قبل الاخيره شمعة " الرجل المشنوق " لان السهم واصل صعوده نحو تحقيق الهدف
و يبقى السؤال قائما : ما هو هدف النموذج ؟
و اسعدني مرورك و تواصلك يالغالي

 

[TAKE-OVER]

بارك الله فيك يا بو طلال

تسلم يا اخوي

 

[TAKE-OVER]

الله يجزاك خير ونموذج بالغالب يححق هدفه

هلا و مرحبا اخوي بو خليفه
و كلامك صحيح
و هذا هو القصد من الموضوع

 

[abubatoul]

و يبقى السؤال قائما : ما هو هدف النموذج ؟

جزاك الله خير اخوي ودرس رائع.
اذا اني فهمت الدرس فالهدف 420 ..
صح والا يبيلي درس تقوية ؟؟

 

[TAKE-OVER]

جزاك الله خير اخوي ودرس رائع.
اذا اني فهمت الدرس فالهدف 420 ..
صح والا يبيلي درس تقوية ؟؟

هلا بو بتول
حاول مره اخرى
حدد آخر موجة هبوط " من اعلى الموجه الى نهاية شمعة الطفل المهجور "
بعدها قم باضافتها الى اعلى الشمعة

و بالطريقة الحسابيه
حدد اعلى سعر بالترند الهابط و ادنى سعر للشمعه
و الناتج ضيفه لاعلى سعر للشمعه

و اذا كنت تستخدم الميتاستوك / ارسم مربع من اعلى الترند الى نهاية الشمعه و بعدها انقل المربع الى اعلى الشمعه و يظهر عندك الهدف وااااضح

 

[abubatoul]

اخوي تعذرني لاني مبتدأ
بس بالاول انا حسبت على موجة النزول من اغلاق 395 وهم انا غلط لانه بيكون 425
بس هل المفروض احسب من سعر اغلاق 385 على اعتبار انه صعد يوم 6 / 1
اذا بالحالة الثانية يكون السعر 410 .. على حسب ما علمتني برسم مربع في الميتاستوك
ولا تمل مني لان التكرار يعلم الشطار وهم الاخوان يستفيدون من الاخطاء ..

 

[mish3l]

بارك الله فيك اخوى

أخر موجة هبوط هى 375 -240=135

أعلى سعر لشمعة الطفل 250

الهدف 250+135=385​

 

[abubatoul]

شكرا لك يا اخ مشعل ..
اخوي اللي خلاني أأكد هو ان بالشارت الاول كان في يومين صعود تخلل الموجة بتاريخ 4-11 بسعر 430 وثاني يوم 435 والاخ تيك اوفر ما حسب الموجة من عقبهم بل من بداية النزول بتاريخ 2 /11
علشان جذيه حبيت ااكد ... تدري توني اتعلم فبتأكد بدقة وانا احب اخطي علشان الطيبن مثلك وشرواك يزيدوني معلومات ...

 

[TAKE-OVER]

اخوي تعذرني لاني مبتدأ
بس بالاول انا حسبت على موجة النزول من اغلاق 395 وهم انا غلط لانه بيكون 425
بس هل المفروض احسب من سعر اغلاق 385 على اعتبار انه صعد يوم 6 / 1
اذا بالحالة الثانية يكون السعر 410 .. على حسب ما علمتني برسم مربع في الميتاستوك
ولا تمل مني لان التكرار يعلم الشطار وهم الاخوان يستفيدون من الاخطاء ..

احسب موجة الهبوط " من بدايتها ( ظهور اللون الاحمر ) الى نهايتها "

 

[TAKE-OVER]

بارك الله فيك اخوى

أخر موجة هبوط هى 375 -240=135

أعلى سعر لشمعة الطفل 250

الهدف 250+135=385​

هلا باخوي مشعل
كل شغلك صح باستثناء السعر 240 " لم يتم التداول بهذا السعر بتاريخ السهم "

 

[العبدلـــي]

واخواني الاعضاء

وهذي هديتي

لكم

ومع شارت اخي العزيز والغالي take-over

حتي تكون بأمان من السوق وصناعه

بإذن الله تعالي

ولو رجعنا الي الخلف في صفحة

الدعم والمقاومه

كانت مذكوره

الرقمين

سنوي

310

وربع سنوي

244

وهذا هو الجدول لحركة

سنه وربع سنوي وشهري

والله يوفق الجميع

تقبلو تحيات أخـــوكم العبدلــــي​

 

[abubatoul]

احسب موجة الهبوط " من بدايتها ( ظهور اللون الاحمر ) الى نهايتها "

الله يجزيك خير وضحت الصورة ...
وسؤالي هو : حتى لو كان هناك صعود يوم او اثنين نبدا من بعدهم او نهملهم ونبدأ من بداية الاحمر؟
مثل ما حصل في شرحك للشارت الاول ؟؟

وانا طبقت شرحك الكريم على أعيان للاجارة لقيت نفس الشمعة فارجو التصحيح ان كنت غلطان "يعني سويت حق نفسي واجب ".

 

[Bo Mostafa]

تفضل يا اخوي بو مصطفى
طريقة اخفاء خطوط الطول و العرض للميتاستوك

بارك الله فيك يا خوي العزيز بو طلال
الصراحة تنقال وبصدق
أنت مكسب حقيقي للمنتدى الكريم ولا قصورا ً بالأخوان
ناهيك بأنك مكسب لي أنا شخصيا ً
إستفدت منك الكثير الكثير