هل بيت التمويل يعمل وفق الشريعة؟

[المغيرة17]

الخمر ملعون شاربه
والربا شنو وبيت التمويل يتعامل يومي معاهم وعنده حسابات في بنوك ربويه واموال وانا اتكلم عن التعامل في الفيزا والماستر فلوس منو وبيت التمويل يسكر حق منو اذا احد عملاء بيت التمويل سحب من الماستر او الفيزا @@

الربا ملعون من يأكله .. بس ما أعرف نص يمنع تعاملي مع مرابي إذا كان تعاملي معاه إسلامي ..
يعني أكو مصنع سيارات بالعالم ما يتعامل بالربا ؟
كلهم ربويين .. عيل لحد يشتري سيارة @@

 

[المريح]

أحد يجاوب

أخوي عادي عندهم حتى ببنوك ربوية يشترون و يحطون فلوسهم مو رادة على جلوبل

 

[fabulass]

الشرعية اللي عندهم صورية و شكلية ، و لكن مالك الا تعلقها براسهم لعدم وجود البديل ( غير بوبيان طبعاً )

 

[azizan400]

كلام سليم بس 70 مليون دينار خساير عن الربع الرابع
حدث العاقل بما يعقل يعني لو شركة وحدة خسران فيها التمويل هذي مصيبة لو عدة شركات خسرانة ممكن بس السؤال اللي يطرح نفسه هالشركات هل هي اسلامية ؟ ونرجع حق السؤال الاول دام اسلامية ليش خسرانه ؟

مساك الله بالخير اخوي صراحة سؤالك غريب شنو علاقة الاسلام بالربح والخسارة انت تقول دام الشركة إسلامية شلون خسرانة يعني هل هو قانون وإلا نص بالقرآن وإلا شنو ان الشركات الاسلامية ماتخسر اخوي كل الشركات معرضة للخسارة الاسلاميه وغيرها. راح أسألك سؤال وابي الجواب. انت خسران بالبورصه؟؟ وإلا ربحان ؟؟ إذا خسران شلون إنك مسلم وتخسر ؟؟؟؟ هذا هو المنطق الذي تتحدث به إنت

 

[ابو بـدر]

انا انطرد رد واحد بيدافع عن بيت التمويل بس غريبه ماله حس ...

 

[بو فلاح]

والله ما راح تلقى رد الحين كل البنوك بتتحول اسلاميه والبنك التجاري يبي يسير اسلامي الحين التستر وراء الاسلامي يدرون الناس تبي الاسلامي

 

[المتوسم]

ياجماعة تناولتم أكثر من موضوع عن بيت التمويل الكويتي... المشكلة في الأمر أن هذا يحتاج أكثر من عنوان حتى تتم المناقشة صح، وإن كنت أرى أن هذه الأمور يجب أن يسأل فيها أهل الذكر كما قال تعالى..