دورة المؤشرنت للتحليل الفني
50 دينار كويتي
السلام عليكم
يعطيكم العافيه جميعا على المشاركات بس للأمانه لا زالت الكويت من اغلى الدول في اشتراكات الانترنت
المفروض هالاسعار الحاليه تنزل لنص السعر اللي مسوينه الحين كتخفيض
بالنسبه للشركات كل شركه فيها الزين والشين ما فيه احد كامل لكن بالنسبه لي شخصيا جربت كل الشركات اللي موجوده تقريبا من ايام 96 للحين سابقا كانت كيمز من اقوى الشركات والصراحه شركه لها ثقلها في السوق لكنها محاربه والسالفه طويله عريضه وتدبسوا الشركه بعقود اجله للدوله بقيمة 100 مليون دينار والكلام هذا كان في اخر ال99 ووقفت الشركه لمده مو بسيطه بس اللي فادهم اشتراكات الوزارات والبنوك اللي كانت عقود لمدة 5 سنوات الى 7 سنوات والحين الشركه ردت للمستخدمين العاديين بعد تسوية المشاكل الماليه لكن بإعتقادي ان الشركه استعجلت وما درست السوق عدل لانه على ايام ال99 المستخدمين اقل بكثير من الايام هذي وتذكرون شنو صار باشتراكات كيمز اللي اول ما ردت الشركه للسوق كانت الاشتراكات كله تفصل بسبب ان سيرفرات الشركه مو ملحقه على عدد المشتركين والحين اعتقد قاعدين يضبطون هالمسائل وانا اعرف كذا واحد كانوا مشتركين بكيمز وكنسلوا لكن هالكلام كان ببداية عودة الشركه والحين ان شاءالله ان الشركه للأفضل
كواليتي نت كانت هي المسيطره بعد خروج كيمز من السوق والشركه ذكيه جدا جدا في الدعايه والاعلام وخدماتها جيده لكنها ليست بأفضل الخدمات والدعم الفني في كواليتي ليس من الدرجه الممتازه
فاست تيلكو تعتبر المنافس الأقوى في السوق حاليا لكواليتي (طبعا كيمز تحتاج المزيد من الوقت للمنافسه وسحب شريحه اكبر من مستخدمين الانترنت) وللأمانه شركة فاست تيلكو تعتبر من افضل الشركات من ناحية الدعم الفني (عدد كبير من موظفين الدعم الفني كانوا يشتغلون في كيمز سابقا) وللأمانه دائما تعتبر الشركه رائده في العروض ومن ناحية الخدمه ممتازه جدا لكن يعيب الشركه كثرة التغيير في العروض يعني ممكن تشترك اشتراك 512 مدبول الى 1 ميجا وبعدها بشهر او شهرين ينزلون عرض افضل
انا جربت الشركات كلها والكلام اللي قلته من واقع تجارب شخصيه مع هذه الشركات وانا حاليا استخدم اشتراك 1 ميجا من فاست تيلكو ومشترك لديهم من سنة 2004 ولا اظن اني راح اطلع لشركه ثانيه ويا جماعه والله مو دعايه للشركه لكن كلمة حق لازم اقولها
لكن خلاصة الكلام ان الشركات اللي بالكويت جميعها استغلاليه بداية من شركة كويت نت اول شركة انترنت بالكويت الى يونايتد نيتووركس وشركات التلفونات النقاله (زين - الوطنيه - فيفا)
اييييه الله يرحم ايام اشتراك الدايل اب كان ب90 دينار شهري سنة 96 و 97 ههههههه
المفروض الحين الاشتراك الشهري 2 ميجا ما يتعدى 9 الى 10 دنانير بالشهر لكن خلوها على الله
في امان الله جميعا
أفضل عرض لحد الآن كيمز
الأسعار الموجودة كلها عليها خصم 50%
واشتراك مجاني 1 ميجا 3 أشهر
لحد الآن كيمز متقدم
لكن الكويت تظل الاغلى في الاسعار
دورة المؤشرنت للتحليل الفني
50 دينار كويتي
