السلام عليكم و رحمة الله وبركاته صعود السوق كان فجأه ... وكان بالوقت اللي اكثر الناس يحذرون من الدخول !!! اللي ركب القطار الله يوفقه . لكن انا اتوقع ان اللي دخلوا من البدايه قليل جدا . لان الارتفاع جاء بدون مقدمات والكميات اللي كانت معروضه قبل الصعود كانت قليله بإستثناء بعض الاسهم . يعني على حسب تحليلي الشخصي ان المغامرين هم اللي اسفتادوا بس. والمتردد والخواف واللي صدّق الاشاعات للحين (مكانك راوح ) وينطر السهم يدوبل 50 جلسه عشان يعوّض خسارته او جزء منها .. وانا واحد منهم . زبدة الموضوع لا احد يتحسّف لان غير رزقك ما يجيك . الله يوفق الاخوان (القلّه) اللي واكبوا الصعود . والفرص كثيره وقادمه بإذن الله لكن اعتبروا من هالفرصه . يفوز باللذات كل مغامر .
اخوي بوفهد كل واحد ياخذ نصيبه بهالدنيا وفعلا ارتفاع السوق كان فجأه وكانت جميع المؤشرات سلبيه وتصريحات المحافظ والشمالي زادت حالة الاحباط وعدم الثقه لدرجة ان قاعة التداول بالبورصه كانت شبهه خاليه من المتداولين وانا وانت كل يوم نقول بأخذ السهم بسعر ارخص واعتقد اللي استفاد من ارتفاع السوق قليل جدا وماندري يمكن هالارتفاع بالونه وبتنفجر والله يستر لان الربع كل يوم برأي والكلام المتداول ان خطط المحافظ لاتكفي ولو طار طيرك قوول سبيل
بل ان بقاء المجلس ضروري من أجل ضمان أفضل الحلول التي تحمي مصالحها الاقتصادية. فالتجار يطالبون بضخ أموال طائلة في السوق من اجل حماية الشركات المتعثرة وغير المتعثرة وهي أزمة خلقها التجار أنفسهم، في حين تسعى الفئات الاخرى في المجلس للتأكيد على أهمية إسقاط الفوائد وشراء أصل الدين وتقسيطه على المواطنين وهي بذلك ستنعش البنوك والتي ستصب في نهاية المطاف لصالح التجار أيضا، كما ان ذلك سيخدم صغار المستثمرين في سوق المال الذين سعوا للاقتراض من اجل الدخول في السوق وهي منهجية غير صحيحة كون التداول يكون من فائض المال وليس من خلال الاقتراض والمغامرة.
السوق الفرص تمرض و لا تموت و قد تفوت انتظر فالاسواء لم ياتي، صندوق النقد يقول السنة الاسواءمنذ الحرب العالية الثانية .
السلام عليكم... انا معاك خوى ابو فهد 100% بس انا مومن بالمثل الى يقول ( لو تجري جري الوحوش ... غير رزقك ما تحووووووش
اخوانى ماأوصيكم الوضع مازال غير واضح اتركوا شركات طق لى وأرقص لك عليكم بالشركات التشغيلية اللى ياجبل مايهزك ريح
يجماعة الله يبارك للي ركب الموجة واللي ماركبها شناطر شالسبب السبب نفسه التردد والخوف الأسعار الي الأن رخيصه والأرتفاعات الحاصلة بسيطه لكن بعد 10\2 السوق يايركب صاروخ او يقوع ولا تحسف لو علم ابن ادم مافي الغيب لأستكثر من الخير
زبدة الموضوع لا احد يتحسّف لان غير رزقك ما يجيك. صدقت يا بوفهد ومن يطلب الثروة فليتصدق كل صباح .. على المحتاجين طبعاً وليس السوق ..
اللي حاصل هو تصعيد للاسهم من قبل الملاك..ولا يوجد سبب غير مشروع انقاذ الشركات...اليوم اعلن الكيبل التلفزيوني خسائر للعام الماضي..واعتقد ان الكثير من شركات قطاع الاستثمار ..ستحذو حذوها!!
اعتقد ان الفرصه مافاتت وكل الاسهم الي سعرها اقل من 100 فلس راح تدوبل انشالله لان قيمتها الاسميه 100 فلس ولازم سعرها يكون اعلا الفرصه موجوده بس منو الي عنده سيوله ؟؟؟
اخوى ابو فهد لن يكون هناك افضل من الفرصه الان انظر للاسعار لم نراها منذ سنين والفرص لاتاتى كثيرا فالسوق باقى والاسهم لن تختفى(ولكن الاسعار لن تراها ثانية) والله اعلم
يعطيك العافيه على الموضوع الرائع والمفيد احنا مو خايفين ولا مترددين بالعكس اسعار جدا مغريه بس المشكله ان احنا مفلسين ومتدبسين بقروض اشلون نقدر نشتري يقولك المثل "قال انفخ ياشريم قال مامن برطم "
انا لما قلت هالكلام ومن قبل 4 شهور .... وبالدليل صدقيني بقوا يطقوني (بعضهم طبعا) تفضل http://www.indexsignal.com/vb/showthread.php?t=136074
