&&& ســــؤال عـــن "ego " ؟؟؟؟؟؟

[لؤلؤة البورصه]

لو سمحتــــو شنوا أفضل ego

أي شــــركه الأفضل والأحسن من حيث الخدمه ؟؟؟؟؟

؟؟؟؟؟​

؟

؟

؟​

 

[Dr-Q80]

هلا فيج اخت لؤلؤة..
شوفي اول شي لازم نعرف انتي ليش تبين خدمة انترنت نقالة؟ هل للبيت فقط ؟ ام يهمج تكون متنقلة معاج وين ما تروحين.
لانه اذا تبين بس بالبيت .. طبعا افضل شي هو ال dsl ايا كانت الشركة.. ال dsl افضل لانه مافيه شيرنج.. يعني محد يشاركج بالسرعة.. السرعه شبه ثابته.
بالنسبه لخدمات النت النقالة .. كلهم شيرنج.. يعني السرعة تعتمد على عدد المشتركين الشابكين معاج في البرج .. و هذا طبعا يؤدي لبطء السرعة.
انا كانت لي تجربة سيئة جدا مع الايجو مالت زين. سرعة بطيئة و دعم فني تعيس جدا. و شركة غير محترمة في تعاملها مع زبائنها و لا توجد لديهم اي مصداقية. وما عوضوني عن الفترات اللي كان فيها البرج عطلان.
الوطنية اللي انا مشترك فيها الحين طبعا شوي ابطأ .. لكن بصراحة سرعتهم شبه ثابته و ما تفصل معاج الخدمة. بس اشتراكهم غالي. 28 دينار بالشهر. لكن الحين في عروض سنويه زينه بالمعرض.
فيفا مادري عنها شي. و ممكن تتابعين مشاركات بعض الاعضاء اللي جربوا فيفا.
انا توقعي انهم شركة جديدة و عندهم بعض المشاكل و غير مستعدين حاليا. لكن اتوقع في المستقبل تكون خدمتهم افضل.
احسن نصيحة اذا انتي مصممة على الانترنت المتنقل.. انج تستلفين اي قطعة من اي شخص تعرفينه و تجربينها مكان ما راح تستخدمينها و تشوفين السرعة بنفسج. لانها تختلف من مكان لمكان. و جربيها في اوقات مختلفة.و خصوصا وقت الزحمة مثل المسا و الليل.
و الله يوفقج.

 

[لؤلؤة البورصه]

Dr-Q80

أولا انــــــــا شاكره لك جداا

على ردك الطيب والوافي وفعلا انا سمعت هالكلام من كذا مصدر
والبعض يقول العكس فأنا فعلا محتاره في اختيار الشركه
وانا محتاجه "ego " للتنقل لما اكون بالشاليه مع الاهل
لكن بالبيت ما عندي مشكله عندي "Dsl "
واتمنى اني اتوفق بشركه سنعه وخدمه افضل
ومره ثانيه ألف شكر لك دكتور وماقصرت

 

[Dr-Q80]

حياج الله اختي اي وقت..
احسن حل عندي انج تحاولين تلقين قطعه تتسلفينها و تجربينها في الشاليه اول.
بالتوفيق

 

[q8-1978]

انا جربت زين احيانا يكون النت بطيء

وماعندي فكره عن الباقي

 

[ريّس نفسه]

اختي انا ما جربت شخصيا بس اسمع الناس تمدح شبكة الوطنية

وان كانت ابطأ حبتين بس انها مستقرة وهذا اللي يميزها عن الـ ego

بالتوفيق

 

[على نياتي]

أنا جربت زين وللاسف ماتستاهل ,,, خساره على الفاضي كله تفصل

وجربت الوطنيه وللحين استعملها ماعليها مشاكل لحد الان

بس رفيجي عنده فيفا ويمدح فيها وااااااااااااايد

والقرار لج اختي ,,,,, بالتوفيق​

 

[nxman]

اختي حتى الان الافضل من ناحية السرعه والتغطيه هي زين

 

[لؤلؤة البورصه]

شــــــاكره مشــــاركاتكم وردودكم الطيبــــــه

وجــــزاكم الله خيــــــر​