هالكلام عن حل مجلس الامه دائمآ يقال لجس نبض الشارع وليدخل المنافقين واعداء الكويت اعداء الحريه اللي احنا عن كثير من خلق الله نتمتع بهامش ولو انه موليهناك ولكن افضل من العدم
اخي العزيز انا اربأ بك ان تكون من هؤلاء لكن انت الحين تفتح لهم الباب للدخول ويمكن انت املاحظ من زمان وخاصه اللي يكتبون بها الموضوع اهم ناس جدد بالتسجيل بهالمنتدى او المنتديات الاخرى والحقيقه انهم يسجلون بأكثر من اسم وقد يسجلون بأسماء رنانه او حتى نسائيه
الله بالخير اخوي .. انا ( والنعم بكلمة انا ) تنطبق علي كل المواصفات اللي ذكرتها ، انا عضو يديد والعالم الله اذا انا كنت مسجل باسم واحد او اكثر بس اخخخخخ .. طافتني اني اسجل باسم نسائي .. واذا تبي تعتبرني منافق مافي مشكلة ، واذا بتعتبرني من اعداء الحرية نو بروبلمز ، واذا تبي تسبني اخذ راحتك بس اللي سبوني قبلك وايد وماراح تكون بينهم غير تكملة عدد .
وازيدك من الشعر بيت ، لو بايدي ويحصلي مو بس اشيل المجلس ، الا اروح احفر تحته وادفنه من ساسه وابني فوقه متحف .
وشعار (المجلس يحمي الحريات ) هذا شعار بايت وماخوذ خيرة ، مجرد شعار رنان لا يهش ولا ينش ، كأنه نشيدة الصباح اللي يتعلمونها الأطفال بالابتدائي .
انا ابيك تسأل نفسك بس بمصداقية : شنو سبب وجود هالمجلس ؟ وشنو اللي مستفيدين منه ؟ اتمنى ماتعيد نشيدة الصباح نفسها وتقول لي الحريات وهالخرابيط لان مافي حريات بالكويت ، حريتنا محدوده ، حريتنا مسيطرين عليها اعضاء الحزب الفلاني أو الجماعه الفلنتانية ، واذا تقول غير هالكلام انت تقص على نفسك .
مجلس سبب وجوده فقط للواسطات هذا مانبيه ، مجلس اعضاءه من المجرمين والخارجين عن القانون هذا مانبيه .
ملينا من الشعارات الزائفة والضحك على الذقون ، ملينا من كسر القوانين والواسطات ووصول الاقل كفاءة للمجلس فقط لانه من الفخذ الفلاني او الفلنتاني .
ابي واحد يدافع عن المجلس يعيش الحاله لما واحد يطوف اشارة حمرا ويدعم ناس عزيزين عليه ويدخل واحد من هالاعضاء ويطلعه من النظاره حزتها بيقول نبي المجلس ولا لأ ؟ واذا تكلمنا بيقولون هذيلي الاعضاء اللي انتو انتخبتوهم ، انزين انا ما انتخبت احد .. شكو ابتلش فيهم ؟ شكو يحدون من حريتي ؟ شكو يقررونلي شنو اقرا وشنو ما اقرا ؟ شكو يتحكمون بسلوكي وتصرفاتي ؟ ابوي اللي يربيني ولا اهم ؟ والله يخسون يوصلون مواصيل ابوي ولا ابو اي واحد يربي عياله عدل ، واهم الله خير تعال شوف عيالهم بس ، وتقول لي حرية .. اي حرية اي بطيخ زيييييين ؟ اتحجي خرس
